|
معركة نطاق
حدثت معركه بين الحفاة من قبيلة عتيبه وابن رشيد على موقع ماء اسمه نطاق وانتهى ذلك اليوم دون ان يظفر احد الطرفين بالنصر الكامل ولكنهم اثخنوا بعضهم فيها الى غياب الشمس0 وان كان الفخر اكثره لعتيبه لكون مكانة ابن رشيد في ذلك الوقت مكان حاكم وجيشه قوي فيه عدة قبائل تسانده00 فوصف الوقعه سعود الحافي بقصيده تعتبر نبراسا ومثالا للصدق وذكر اللي لك واللي عليك بدقه دون انحياز جائر مما نتمنى من الشعراء والكتاب والمؤرخين ان يكونوا مثله بالصدق والنزاهه00 قال الشاعر سعود اليابس من الحفاة من عتيبه: أول كلامي طلبة الله ذكره ذكرت ربي كل بادي نور يقول بن حافي بدا راس مرقب في مرقب عالي بروس القور يرد من زين المثايل وينتقي مثل العسل في داخلي الدور كلامن أحلى من لبن شمخ الذرا لاروحت من حاجرن ممطور جانا خيالٍ طلعة الشمس وامطر اثعوله من الدم الحمر شختور وبرقه من أيمان النشاما سيوفهم ورعده من افواه السلاح يثور جوناشمال نطاق لاطقه الحياء شمال من العد الهماج حدور حاطوا بنا الفرسان منا ومنا وردوا هل العاده على الطابور نطحنا العداء من يوم جتنا جموعهم على سردهم والبيرق المنشور وسقيناهم السم الذحاح وسقونا مثل نمورن قابلت لنمور راجوعلينا روجت السيل فى النحا واقفت بهم جرد المهار اعبور وكروا عـلينا كرةٍ ضيغـميه وهج الحلال وزرفل المظهور وأحاطوا بنا شمر تهاذب خيولهم ولجة حداويهم على المامور ورمينا العمايم واعتزينا بحافي وثبت لهم كل أبلج منعور وطاحن جياد الخيل من ضرب لابتي والدم الاشقر بيننا منثور حموا جوانابنا سمير وزايد وعيا على التالين بن صمعور وابن لغيصم طاح منا على الثرا ونحدهم عن مالنا بحدور ياذيب ياللي بايمن النير وايسره كل من مداس الخيل يا معثور واشبع من الصبيان والجيش والرمك والى ظميت اشرب من المنجور تلقا على الساقه حصان ومهره وتلقى عيالن لابسين كمور وصوت لذيبن يم حشة مليه وخلو لغياب السباع جزور كم صاح عقب الكون من شمريه حناها طناها حنية الباكـــور تبكي على ابوها وخوها وعمها مخلفٍ فى اقصى الضمير احرور من اولاد حافي لابتي ذي فعولهم أهل ماقفن يوم اللقاء مشهور وافتكت اللقوة بكثر الرزايا وكلن خذا حقه من الميسور جنايز الضفران حافي وشمر أمسي بها سبع الخلا مسرور واربعي اللي كل ما قلت أظنهم كن يهدم بالبلاد اقـصـور عقب كون شمر صابهم كل صايب وامست مبانيهم خصف وخدور أهل مرحبا وان جت ليالي الشدايد وأهل الكرم وان جت ليال اعسور ياحيسفا ياريف هجنن حفايا يوم الردي عن خاطره مثبور أيضا وابن هزاع وعميش قبلهم وحزام شوق الجادل الغندور وجدي عليهم وجد ركب المراشده اللي منعهم عايش الطيور اخذ بنادقهم وقطع رقابهم يقولونه اللي فى المكان حضور وجدي عليهم وجد من بات ساهر يجر العواء من عظمه المكسور والوجد الاخر وجد راعي هجمه خذاها الذويبي من طرف مجرور والوجد الاخر وجد من حدروبه اهل غل قاسين القلوب كفور والوجد الاخر وجد من باع ذمته ولقوا عليه الطيبين عقور واستغفر الله قبل تكتب عليه في كل عمري ما ذكرت الزور تمت وصلى الله على صفوة الملا اعداد ما يزهى الفلا بزهور والنعم والله بالرجال اللي هذا فعلهم وهذي مواقفهم وبالشاعر اللي وصف المعركه هالوصف الرائع الجميل المنصف لاحداث هذه الوقعه لكلا الطرفين000 وكما تعلمون اخواني انه يحق لكل قبيله تدوين تاريخها وامجادها وغزواتها التاريخيه ولكن يجب عدم جحود الخصم وانتقاصه بالكلام الغير لائق00 فهؤلاء الذين وقعت عليهم المعركه وربما قتل لهم قتلاء وسلب لهم حلال ومع ذلك هذا احترامهم لخصومهم والابتعاد عن الظلم والجحود بسبب كرم م/ن للفائده |
برق الشمال كل الشكر لك وعتيبه الهيلا معروف عنه الشجاعه
والنبل وشهادتي فيهم مجروحه من غير قصور في باقي القبائل وتحياتي لك قصه و قصيده جميلتين دمت بكل الود |
اخوي برق الشمال بيض الله وجهك
على نقل هذه القصه واسمحلي في نقلها من القصص الشعبيه الى منتدى عتيبه وكذلك قد اظفت بعض البيوت الناقصه من القصيده وعدلت بعض البيوت التي فيها تحريف والحقيقة انني سوف أراجع القصيده مره ثانيه للتأكد منها تقبل تحياتي وتقديري |
اقتباس:
المشاركة الأصلية كتبت بواسطة غيوم نجد http://www.gnanim.com/vb/gnanimxp/buttons/viewpost.gif برق الشمال كل الشكر لك وعتيبه الهيلا معروف عنه الشجاعه والنبل وشهادتي فيهم مجروحه من غير قصور في باقي القبائل وتحياتي لك قصه و قصيده جميلتين دمت بكل الود غيوم شكرا لااثراك متصفحي شرفتونا بزيارتكم واطلااعكم وتعليقكم شكر بلاحدود |
اقتباس:
المشاركة الأصلية كتبت بواسطة الشاعر سلطان براك الغنامي http://www.gnanim.com/vb/gnanimxp/buttons/viewpost.gif اخوي برق الشمال بيض الله وجهك على نقل هذه القصه واسمحلي في نقلها من القصص الشعبيه الى منتدى عتيبه وكذلك قد اظفت بعض البيوت الناقصه من القصيده وعدلت بعض البيوت التي فيها تحريف والحقيقة انني سوف أراجع القصيده مره ثانيه للتأكد منها تقبل تحياتي وتقديري أستاذي/ ابوتركي لك كافة الصلاحيات لو تطلب عيوني فداك اشكرك على التعديل والاطلااع والتعليق شرفتني بمرورك وتعديلك وتعليقك لك جل احترامي |
برق الشمال مشكور على هذه القصه والقصيده عسى الله يحفظك |
الله يبيض وجهك يا برق
لي مده وانا ادور القصيده هذي الف شكر لك مع ان فيه بعض البيوت سقطت من القصيده ولعل سقوطها مقصود لأن فيها تجريح ! بيض الله وجهك يبو تركي ولا عدمناك والله يرحم سعود اليابس الحافي راع القصيده الي حفظ للقبيله فعلها بدون تنقيص للخصم |
اقتباس:
المشاركة الأصلية كتبت بواسطة أبو بتـــــال http://www.gnanim.com/vb/gnanimxp/buttons/viewpost.gif برق الشمال مشكور على هذه القصه والقصيده عسى الله يحفظك شكرا لااثراك متصفحي ابو بتال شرفتنا بزيارتك واطلااعك وتعليقك شكر بلاحدود |
اقتباس:
المشاركة الأصلية كتبت بواسطة نواف الغنامي http://www.gnanim.com/vb/gnanimxp/buttons/viewpost.gif الله يبيض وجهك يا برق لي مده وانا ادور القصيده هذي الف شكر لك مع ان فيه بعض البيوت سقطت من القصيده ولعل سقوطها مقصود لأن فيها تجريح ! بيض الله وجهك يبو تركي ولا عدمناك والله يرحم سعود اليابس الحافي راع القصيده الي حفظ للقبيله فعلها بدون تنقيص للخصم شكرا لااثراك متصفحي نواف ونا حمد الله جت على ماتمنى شرفتنا بزيارتك واطلااعك وتعليقك شكر بلاحدود |
برق شكرا لك على الايراد
احترامي لك |
| +4. الساعة الآن 02:19 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط