منتديات شبكة قبيلة الغنانيم الرسمية - قصيده الشاعرالكبير جزء صالح الحربي

يامل عين(ن)مابكت فرقا الاضعان=تعطي النويفج لين تذبل ذبليا
ليا شدو العربان من عقب مقطان =والصبح منهم جانب العد خليا
وتفرقوا من نقرة العد سلفان =واحد(ن) رحل جنوب واحد(ن)شمليا
وقفوا وراحوا مع وسيعات الاوطان=وكل(ن) على سفن الصحاري رحليا
عليهم الغافق تقل فيه نيران= وتصلاه نيران الهواجيس صليا
وبكت عيوني مثل همال الامزان=مزن(ن) تحدر من مناشيه مليا
على الذي له داخل القلب مسكان=وعليه ماسمع عاذلي لو عذليا
عين الفريد الي في مرابيه فيحان=الي خلاعه واستدار وجفليا
وسمع الحساس وشاف بالعين زيلان=واستاكده بين الوعر والسهليا
الصاحب الي منه القلب عطشان=ولاينجلي حبه عن القلب جليا
اقفوابه البدوان والقلب حيران=وسود الليالي ماعطتني مهليا

وطال الرجاء والي مضى تقل ماكان= والي بنينا لغدنا ماكمليا
وجيته وانا في وقاتها كنت مرضان=من شدة العربان فيه زعليا
وقلت الوداع وغادي(ن)وجهه الوان=متخالط فيه الزعل والخجليا
وجانا الفراق الي مشاريبه احزان=وانحل بحالي والمحاني هزليا
كني كسير شم له ريح ريحان=نوب(ن)يفيق ونوب يذهل ذهليا
عليك يالمجمول ياخدر الاعيان =سميت حالي لين جسمي نحليا
والحب مثل النوم والنوم سلطان=والله بلاني في محبتك بليا
وجانا الربيع وربعت كل الاوطان = وانا صناديق الضماير محليا
لاشك خبرني عسى منت خسران=او شايف الي بالطويله تعليا
وان كان حدوك المقرد وعدوان =ماني لا ابازيد(ن)ولانتي بعليا