منتديات شبكة قبيلة الغنانيم الرسمية - عوايد النمام شذب العراقيب

لقيتلي حصني مهيمن على الذيـــب
سند مع التلــعه شوي وخرطهــــا
ذيلــه طويل ويسحبه في المغاريـب
وان شافــله لقمت حراما زرطـها
يملاء فمه ماهمــه العــار والعــيب
فريــستــه يــشتـالهــا مــاغبطهــا
مفلــح عميــد مغثربين المشاريــب
ريـوس على بير همـاج وشفطــها
وجــاب الحثال الباقيه والدغالــيب
من عيلمن يروى الظوامي نبطها
وعوايــد النمام شــذب العراقيــب
يجمـع علــوم المجتمــع ويخلطها
وان ضاق طلع في رفيقه عذاريب
وحفاء جنوبــه لين يظهــر نفطها
ويافكرتي ياأهل الوفاء والمواجيب
من هجرتا قامت تــزل حططهــا
تلحق على روس الرجال المشاهيب
وركب رشاها في المحال وفرطها
ويالله ياللــي تعلــم الــسر والغــيب
يارفــعا سبــعا وســبــع بسطــــها
تلطف بحالي عقب راسي قبس شيب
من السنين اللي تكرر غلطها
ويالثعلب اللي صرت تامر على الذيب
الحزمه اللي جتك قرب شخطها
لاتحتري ضرب العصي والمشاعيب
قدم قدم رجلك على النار واطها
هذا جـزا اللي ماتعــود على الطــيب
ولااختار من خير الدعاوي وسطها

وهذي مجاراه من الشاعرين مقحم بن دحيم ومساعد الحتاحت..
مطلع من قصيدة الحتاحت
ياراكب اللي يوم يقنب كما الذيب
شغلــة يهــوديا حكــــيم ظبطــــها
ليافهقـت ابقــار وام المشاعــــيب
السكــه ال يمة الشــــــرق عطــها
ولياقعد وادى الرشا عنك ومغيب
وحمر العروق اللي تطارد سبطها

وهذي مجاراة الشاعر مقحم..
هيضني الشاعر بزين التعاجيـب
من يوم قافية المثايل زبطها
الشاعر اللي رتب القيــل ترتيب
نبا نهبط الديره اللي هبطها
امانحصل مع دروبه مكــاسيــب
ونجن الثمر من بيعة ماسفطها
لو ان نايف صـك كل المــنابيب
اخذ غزايزها وخــلا سقطها
وعقبه مساعد يوم جته الهناديب
ليالقـى باق الغنيمــه لقطــها