منتديات شبكة قبيلة الغنانيم الرسمية - قصيدة عيد بن حطاب في حفل طويق

السلام عليكم ورحمة الله وبركاته
شاعر لايحتاج لتعريف
اترككم مع الطامه الكبرى اللى ان شاء الله تفيد في الايام الجايه

شف سد مآرب انفجر والسبب فـار
وحنـا بلدنـا فيـه مليـون فــاره

فيـرانٍ صغـارنٍ وفيـرانٍ كبـار
مصاصة الدم اكثرة فـي الجحـاره

أهل الجشع وأهل الطمع ناسٍ اشـرار
أكلـوا مصالحنـا وقالـوا شطـاره

وأشعب يبيع ويشتري وأغلا الأسعار
وأبـو دولامـه جالسـن بنتظـاره

أشعب وكيل اسمه عناوين واشعـار
والمجرم الهامـور خلـف الستـاره

وحمايـة المستهلـك ولابهـا خـار
مايـوم شفناهـا تسـيّـر بـحـاره

وتشوف وش سوو بنا قصار الأعمار
اللي غـزوا رزق المواطـن بـداره

بيـاع بالجملـه وبيـاع سمـسـار
وأهـل بقـالاتٍ بظـل العـمـاره

حتوا رواتبنا مثـل حـت الأشجـار
ونرهـن بطايقنـا مـع الأستمـاره

وغلي الشعير الحبـه بنـص دولار
ومن زود الأعـلاف لاكثـر خـاره

مع شدة الحاجه ومع قـل الأمطـار
عزي لراع الماشيـه هـو وجـاره

وعلى التجـاره نعقـد آمـالٍ كبـار
ولكن مـن عيّـن وزيـر التجـاره

في مكتبٍ لاهـو ببـارد ولا حـار
لو تمتـره بالمتـر نـص الـوزاره

اسمه وزير ولا يـدق لـك مسمـار
يخـاف يفقـد منصبـه واعتبـاره

وان رحت له تشكي جـوك بأعـذار
معه أجتماع وشوف ماسـول غـاره

وقالوا تليفونـك يكفـي وش صـار
مشكل غلا الأسعار نـدرس قـراره

من بعد عشر سنين نصدر لنا اصدار
اليـا فهمنـا العولمـه والحضـاره

تكفى يابو متعب ترى الشعب محتار
نشكي غـلاً فالسـوق تشـب نـاره

والشعب يغلي شايف الغبـن صبـار
ونخاف من يـومٍ تشـوف انفجـاره

وحنا نعرف انـك لنـا والـدٍ بـار
والله بيـده الكـون شـره وخـاره

ولو مانحب ملوكنـا سـر وجهـار
ماكـان لمحنـا لـهـم بـالأشـاره

ياملوكنا ياعزنـا النـاس الأخيـار
الشعب مثل الجمـر يقـدح شـراره

وان مالحقتونا ترى وضعنـا غـار
الصبر مر ونـذوق طعـم المـراره

وعلى التجاره صدر الأمـر تكـرار
بمشاركـة سلمـان أميـر الامـاره

والنا الامل بالله بعد لفـت الانظـار
امـن الملـك لكـن مـن مستشـاره

اليا نشدهم قالو الشعـب فـي خـار
ولا منهم اللي قـال صـح العبـاره

ونيـة ملكنـا طيبـه ويـن ماسـار
والشعب يهتف له ولا يبـي غـاره

وهذا وصلى الله على سيـد الابـرار
ويكفيك عن كثر الكـلام اختصـاره