قصيده يمكن فيها قطع رأس؟.
 

السلام عليكم ورحمة الله وبركاته ..

قنبلة الموسم..

لا يا مليك المملكه ماعاد في الدعوى سكوت
نـبـا نـقـول الـحـق لـو إنـك تـقـطـع روسـنـا

العام كنا مانفـكـر وش نـجـيـب الـيـوم قـوت
واليوم حنا فـي بـلـدنـا كـنـنـا فـي الـبـوسـنـا

من الفقروالجوع والحظ الردي خطرً نموت
وأنتم على الدار البعـيد تـوزعـون فـلـوسـنـا

قام الزمان يدوسنا ويشوتنـا بالـرجـل شـوت
وحنا رجال ٍ مـا تـعـودنـا الـزمـان يـدوسـنـا

ماعندنا زوجه ولانمـلك مـع الـعـالـم بـيـوت
حتى بعد صعبـه عليـنا نـشـتري مـلـبـوسـنـا

مامن معاش ٍ في نهار ولـيلـنا مامـن سـبـوت
نعطي متاهات الخلا على ظهـور جـمـوسـنـا

مغير نشعب مع فيافي نجد في ظهور الفروت
والـرزق بـعـد الله علـى طـلـيانـنـا وتـيـوسـنـا

حنا بدو ونعيش في شهب الصحاري والخبوت
مـن عـزنـا نـقـدر نـمــوت ولانـذل نــفــوسـنـا

وخزانة الدوله معششـت ٍعلـيـهـا الـعـنـكـبـوت
يمكن يجـيـهـا واحـد ٍ ويـحـوسـهـا ويـحـوسـنـا

لا يامليك المـمـلكـه وإلـى مـتـى حـنـا سـكـوت
نـبـي نـقــول الـحــق لـو إنـك تـقـطـع روسـنـآ











يقولون انها للشاعر ناصر الفراعنه .. :questionmark:

ملاحظه القصيده لا تعبر عن رايي ولا عن راي
اي عضو من اعضاء المنتدى وهي منتشره بشكل
كبير على جميع وسائل التواصل , من منتديات
وفيس بوك وتويتر و واتس اب و ببي < تبرير :p
المهم هي فيها مبالغه واضحه حالها حال المدح
لا ناوي على راسه بالقطع< :mad: يمقن يقطع راسه
ويمقن لا اقصد الشاعر طبعاً >> تحياتي لكم

.
.


ما اتوقع ياسمو الذات انها لناصر الفراعنة ،، هذي اسلوبها مختلف وراعيهااا

انتخاري مافيها شك ههههههههههههههههههههههههه بس في اخرها الكوميديا السوداء طاغية

ههههههههههههههههههه الله يستر منك ياسموالذات انت وهالقصيدة :)


تحياتي لك

اخوك : سلطان

..

صح لسان الشاعر

وسلمت يمينك على النقل
وهذي ما فيها شي شكوى مقدمه من مواطن

وش جاب قطع الروس ياجماعه
الشاعر يشتكي من شي ويقول أبي أقول الحق
ماسب أحد ولاقال غلط الله يصلحه ويثبته على الحق
آميــــــــــن

اقتباس:
المشاركة الأصلية كتبت بواسطة رائد العطاوي http://www.gnanim.com/vb/gnanimxp/buttons/viewpost.gif
القصيده هذي قديمه

لها اكثر من سنتين

وليست لناصر الفراعنه

صاحبها عتيبي لكن لا يحضرني اسمه

ويقال انه سجن

و ع العموم صح السان شاعرها

ولا هان ناقلها


احترامي









والله لها سنتين ولا ثلاث سنين هي تو جتني على

الواتس اب وبحثت عنها في العم قوقل ولقيتها

منتشره , وانا لا اعتقد انها للفراعنه لآنها

مختلفه عن قصايده , مشكور يا يزيد

على المرور ولاضافه , تحياتي

اقتباس:
المشاركة الأصلية كتبت بواسطة سلطان مطلق الغنّامي http://www.gnanim.com/vb/gnanimxp/buttons/viewpost.gif
.
.


ما اتوقع ياسمو الذات انها لناصر الفراعنة ،، هذي اسلوبها مختلف وراعيهااا

انتخاري مافيها شك ههههههههههههههههههههههههه بس في اخرها الكوميديا السوداء طاغية

ههههههههههههههههههه الله يستر منك ياسموالذات انت وهالقصيدة :)


تحياتي لك

اخوك : سلطان

..







حتى انا والله يا بو ديما ما اعتقد انه هو بس هي

منتشره بإسمه , الله يستر اذا مالقو لها راعي لا

يحطونها في راسي :icon1366: ثم انا والله ماني بشاعر ابا

انسفها علاك :no: وانت رجال معروف واكيد عندك

واسطه دبر عمرك :p ههههههه تحياتي لك

ولمرورك العذب يا راقي يا بوديما

اقتباس:
المشاركة الأصلية كتبت بواسطة مبارك العتيبي http://www.gnanim.com/vb/gnanimxp/buttons/viewpost.gif
صح لسان الشاعر

وسلمت يمينك على النقل
وهذي ما فيها شي شكوى مقدمه من مواطن

وش جاب قطع الروس ياجماعه
الشاعر يشتكي من شي ويقول أبي أقول الحق
ماسب أحد ولاقال غلط الله يصلحه ويثبته على الحق
آميــــــــــن








وانت سالم وغانم يا بو ممدوح

والله مدري الشاعر ذال من قطع الراس وحنا صدقنا

بس انت لا تورطنا جوازك عنابي ولا علاك منا!

تصحح لسانه لأن ما عليك خطر هههههههه

تحياتي لك ولمرورك العذب والمميز

شكرا يا سمو الذات والله
يعز حكومتنا الرشيده
تحياتي لك

اقتباس:
المشاركة الأصلية كتبت بواسطة غيوم نجد http://www.gnanim.com/vb/gnanimxp/buttons/viewpost.gif
شكرا يا سمو الذات والله
يعز حكومتنا الرشيده
تحياتي لك







اللهم امين الله يديم علينا نعمة الامن والامان

ويحفظ لنا ابو متعب , مشكوره غيوم على

المرور العذب

اقول والله اننا ضايعين خلها على الله بس
بس اخوي سمو الذات هذي القصيده لشاعر/السيل
وشكرآ