منتديات شبكة قبيلة الغنانيم الرسمية - بنت الغنج والدلع و ام الخفوق الرحوم .~

السلآم عليكم ورحمة الله وبركآتة
صبـآحكم/مسآئكم مســــــكك

قصصصيده اعجبتني وحبيت انقلهـآ لكم
لـ الشآعر/سعدون بن شختيل

السالفه سالفتها .. بنت شيخ القروم
..................... اللي تسوق الهوى في شفها ; وبالها
بنت الغنج والدلع وام الخفوق الرحوم
..................... يابري حالي .. وياويلي على حالها
مطنوخة ً.. هوبلت للذود فوق الحزوم
.................... وشاشت مغاتيرها من صوت هوبالها
( لاجيتها ) منغبن من فعل ناس ًرخوم
.................... تضمني بـ صدرها ; ويضفني جلالها
حليّ بها عاشقه .. والعشق فينا يدوم
................... و حليّ بهــا مهـــرة ً.، ( والقلب خيالها )
حلّفتها بربها عن حب ( غيري ) تشوم
................... وانا / وقلبي / وروحي .. ملكها لحالها
لو تستثير المشاعر لاجل ذيك العلوم !
.................. ( تصبّر النفس ) .. قيفاني / وموّالها
تصحى بعيني بعد مابوسط قلبي تنوم
.................. وتطيح فيني ( غلا ) / واقوم واشتالها
تزعل عليّ من دلعها وتستحي قبل آقوم
.................. ( آحبهآ ) .. بين شامتها / وسلسالها
من غيرتي كنّ قلبي حر ًأشقر يحوم
.................. من فوقها .. قبل يخطبها [ ولد خالها ]
أدرى عليها من عيون الحسود الظلوم
.................. واقوم أغطي ّ( سواد عيونها ) بشالها
تلعب بدنيا الهوى / ماتعترف بالسلوم
.................. رغم إن اهلها ... فعايلها على أقوالها
بنت الذي لاانتهض يقضي صعيب اللزوم
.................. وجدّانها .. عرف التاريخ بـ ( أفعالها )
مير الوكاد ، المؤكد .. بعد كلّ العلوم
................ ( ياجعلني فدوة ً... لعيونها / وحالها )

^راقت ليhttp://store2.up-00.com/Dec11/Vou85021.gif