|
الهجوس المناديب !
طالبك طلبه يالهجوس المناديب=كفّي عن النفس الحزينه عللها الوقت شان وبان فيه التعاجيب=خلّى النوايف تستوي مع سهلها وقتٍ غدى لمروجين الاكاذيب=صافح وسلّم للنميمه واهلها والصدق فيه معذّبٍ خير تعذيب=في حفرةٍ دارت عليه ونزلها والمال عدّى بالردي للمراقيب=يامر وينهى بالدراهم شعلها والطيّب اللي ذاخرينه هل الطيب=ماتت سنينه والبلاوي حملها ناسٍ نست فعل الكرم والمواجيب=يثور في طرد المصالح جملها لاخير في وقتٍ فرق بالاصاحيب=ولا خير في دنياٍ تسارع عجلها صلوآ على اللي جرب الدين تجريب=اعداد ناسٍ سافرت من حللها نبيّنا اللي مرسلٍ بالمكاتيب=خلى عقول الناس تنسى جهلها |
صح لسانك وبيض الله وجهك قصيده جزله
|
.
. صح لسانك ياسامي ومن تالق الى تالق ان شاء الله يامبدع تحياتي واحترامي لك اخوك : سلطان .. |
صح لسانك واعتلى شانك
|
اللهم صل على محمد
وقتٍ غـدى لمروجيـن الاكاذيـب صافـح وسلّـم للنميمـه واهلهـا يا سلام عليك يبو سند صح والله لسانكـــ لين ترضى يا مبدع وشهادتي فيك تعرفها ولا تبطي :) |
صح لسانك يا سامي وبيض الله وجهك
تحياتي لك |
صح السانك وسلم بنانك وعتلى شانك
يالعطاووي جزله من راس جزل |
صح لسانك ي خوي سامي
|
ابوسند صح السانك مليوووووون
|
اللهم صلي وسلم وبارك عــلى محمد
صح لسانك يا سامي مدد بلا عدد قصيده جزله كما عودتنا لله درك الله يحفظك جل احترامي |
| +4. الساعة الآن 09:23 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط