الكرم والطيب
 

مساء الخير يالربع

هذي قصيده ثناء لزميل عزيز وغالي

واتمنى ان تنال اعجابكم .



الكرم والطيب وعلوم الرجوله
================ كيف تلقاها سوا في هالزماني
حلها عندي لكم ببسط سهوله
================ تجتمع في رجل ذكره ماخفاني
فيه رجلن يكسب الطيب ويطوله
================ وان نشتوني عن اسمه قلت باني
ابن شيخ ومن رجال ومن حموله
================ من بني نافع طويلين اليماني
قالها اللي ماحوا التزييف قوله
================ ولانطق بالكذب من عظم اللساني
قالها عبدالاله وضمن قوله
================ كلمتين شانهن فالوقت شاني
من بغى تاج الفخر لازم ينوله
================ ومن بغى درب الطمانه فالطماني

وسلامتكم,,,,,

صح لسانك وتقبل تحياتي وتقديري

صح لسانك وعتلى شانك

.
.


الاخ عبد الاله ،،

دائما هناك في ايّ نص يطرح بغض النظر عن عدد ابياته وكثرتها من قلتها ،،

تجد مفاتيح ،، ودلالات ،، على قدرة هذا الشاعر ،، الجديد بالنسبة لقارئه كما انت الان ،،

لااخفيك ،، لغتك شادة ،، ملفته ،، وحبكتك حبكة شاعر ،، وهذا مايحفز بكل امانه لمتابعة

طرحك ،، وبدون اي مجاملة ولا انحياز اقول صح لسانك وبلا شك ان هذا الممدوح يستاهل بكل تاكيد

تحياتي واحترامي

اخوك : سلطان

..

عبد الاله يعطيك العافيه
ابيات رائعه في ارقاء
المستويات

غيوم نجد

الله يعافيك على هذا المرور المميز

ولاخلا ولاعدم