منتديات شبكة قبيلة الغنانيم الرسمية - يازين عقبك عافت عيونى النوم

- ديوانية شعراء الغنانيم (https://www.gnanim.com/vb/forumdisplay.php?f=49)

- - يازين عقبك عافت عيونى النوم (https://www.gnanim.com/vb/showthread.php?t=12300)

يازين عقبك عافت عيونى النوم

السلام عليكم ورحمة الله وركاته

ابيات فقط ليست قصيده
ومعرضه لمجهر النقاده والاساتذه العمالقه المتواجدين هنا

يازين عقبك عافت عيونـي النـوم
وفي غيبتك دنياى راحت سماجـة
ضويت لي في غيبتك حزن وهموم
وانكفت وانتة كاسب ً كل حاجـة
لو هو قرارك كان جاني بمرسوم
مار البلا في الوقت جاه أدراجـة
والوقت مايصفي ولو كنت زيزوم
من يوم ساوى الحر مثل الدجاجة
وفي كل مايحصل مقدر ومقسـوم
ول كل ضيقـة قافيتهـا انفرأجـة
واللي غيابة طـال مايلحقـة لـوم
نصبر على ضيم الدهر واختلاجة
ولو كان ماجاني مراسيل وعلـوم
يبقى الوفاء والحب ثابت سياجـة
للي غلاها وسط قلبـي ومختـوم
مايمسحه عاصوف وقت وعجاجة
ابقى على حبة ولو كنت محـروم
ولو ذقت من مّر الفراق وهماجـة
هذي وصايفها مع البيض معـدوم
فيها الجمال اليوسفـي والغناجـة
مالي جدى عقبه ليا حـزة اليـوم
الا دموعي لين وقـت المواجـة

.
.

باختصااار شديد يابو قايل وليس والله مجاملة ولا محاباة

هذا الشعر عذب ومنسااب بطلاقة وجمال ،، يعني من القصائد

اللي تقرى وتنحب ياخالد ،، مبدع وصح لسانك ملاييين

تحياتي واحترامي لك

اخوك : سلطان

..

ول كل ضيقـة قافيتهـا انفرأجـة
واللي غيابة طـال مايلحقـة لـوم
كلمه ضيقه ونفراجه وتوضيفها في البيت اسلوب بلاغي يسمى طباق
يعطي القصيده نكهه خاصه
قصيده جزله من شاعر مبدع
ابوقائل صح السانك وعتلى شانك

صح لسانك خالد

أبوقايل شاعر معروف بشعره الجزل تحياتي لك

صح لسانك ابوقايل قصيده طيبه وجميله

ياسلام
صح لسانك مليون ولا تسد
قصيده جميله وتدل على
شاعريه عذبه دمت
بهذا الجمال
ياراقي

صح لسانكــ يبو قايل
شاعر وربك الله

قصيده جميله جدا ومن راس جزل

لا هنت لاهنت ولا تبطي علانا باللي مثل هذي

صح لسانك على هذه القصيده الجميله الله يحفظك
ولا تطول علينا بأ بد اعك الجميل

صح لسانك مدد بلا عدد

اجل التحايا