|
دايم الغيم
[tabletext="width:70%;"] | [/tabletext]يازينها لاغيم الجو تغييم ونسنس هواه وقام يردم سحابه ولاحت بروقه فالقنوف المقاديم وصوت الرعد يلجبه في عقابه يلج رعاده وجاله ترانيم والاوله والثانيه ماتشابه واليا اقبل وطق الهوا فيه يازعيم وارخا هماليله وكلن وعابه يهل ويسيل شعيب الغنانيم من الدعيكه ليا جذيبة زهابه الا غنام الحرار الصواريم أهل الكرم ربعي سلايل عتابه ويعم الارض الباقيه وابل الديم وتسيل وديانه وتشرب هضابه والصبح جر الطير فيه التقاسيم والارض يطرب كل حي مشابه ومن الطرب راع البكار المجاهيم وده وغنا وجاوبوه القرابه وراعي مغاتير معه ذودن مقيم قاده على غب المطر واعتزابه وراع الغنم دك الغنم حبس ونعيم وراع النجد حياه وابدا الرضابه وراع العلف يقول هذي مقاسيم خرب العلف لاباعه ولاشترابه وان جابه الله واكرم الخلق تكريم ونبت شعابينه وكلن رعابه يلي تجي عفيف سلم على دحيم وقله تعال وهات معك الربابه الشاعر / سالم معيض الغنامي |
بيض الله وجهك على الايراد تحياتي لك
|
مشكوووووووووووووور على القصيده
وصح لسانك ولسان الشاعر تحياتي لك |
تحياتي ياغنامي سلمت بيض الله وجهك
|
شكرا على المرور والتعليق
|
الله الله
صح لسانه عز الله انه شاعر ومبدع لا هنت يا غناامي على النقل وبيض الله وجهكـــ |
صح لسان سالم معيض
ومشكور على النقل يا غنامي |
الآدغنام الحرار الصواريم
أهل الكرم ربعي سلايل عتابه شكراً للناقل وصح لسان الشاعر وهناك حرف الدال نسيته الله يحفظك في البيت المقتبس بعاليه |
مشكور على القصيده وصح لسانك
اخوكــــــــــــــــــ ساممي |
صح لسان ابوسند وبيض الله وجهك
|
| +4. الساعة الآن 03:26 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط