|
مجاراتي للشاعر / ســـداح .
لقمةٍ مع قــــشــرها حرجـــه ونـــيــه الشاعر ناصر الغنامي جـالهــا بـيـن التهـم طابــخ وشـــاوي ياخويــن عـــارفـــن مبـــــــدا خـــويـه ماتحــل البـــدو في شـعـــــبٍ سنــــاوي أسمعوا ياهـل العلـــوم العنجــهــــيــه لاتلـــفــون اليــتــيــمــه بالـــعـــبــاوي كان عـندك عـلــم يا راع العــــبــيـه هات علمك ياولد ويش أنت نـــــاوي من يخــلـي زهـبــتــه والعـــامريــــه الصباح يصيـر فالبـــصره جـــــلاوي ومن جـعــله فــــوق خـــلـق الله مزيه يكتشف نفسه مـع الــــنـــاس متساوي لاتعرضــنا دخـــون الجـــاونــــــــيــه الفقير يموت ويـــمــوت الغـــنــــاوي العــباد أخـــوان والدنــيا رخـــــــيــه ومن يـــدور غـيـرها مخطي وغـــاوي ومــن نسي كـــل العــلـــوم الاولــــيــه ماعـلـيه أيجر صـــوتــه بالحــــــداوي شفت في راس الجبل عــــقـــرب وحــيه وشفت فى سوق البــلــد هنــدي وجـاوي زلزل الرعـــاد وامــــــطـــر بـبـرديـــه وامتـلـى الـحاجـر وشربــوه الـــرواوي ومــن يــقــــدم للــرجـــــــال الشاذلـيـــه لايــكـــثـر فــى الـــدعـاوي والشــكـــاوي الــــــدلال مبـــــهــــره والنـــــــــار حــيـــه والعــلـــوم الطـــيـبـه فــــــال الـــفــــــداوي البعــــيــر شعــيــل مــن فـــوقــه رمــــــيــه الظهــر فــيـــه الشــحــــم والبــطـــن خــاوي فـــي نـفـود الـمـلـتــــقـــى صـابـه رزيــــــه وحط حمله فـي طـرف هــاك المـــطــــــاوي زيـــنـــوها جــبـــر وألا مرضـــــــويــــه ولايـغـرك راع الـــــرأي الـــــعـــمــــاوي الـعـواطـف للــرجال الـعـاطــــــفــيـــــه والـحـقـايــق مايـخــاويــــهـا مـخــــاوي |
صح لسانك مليون يا ناصر
جزل الله يحفظك احترامي |
ناصر صح لسانك شعرك جزل ووفقت في أختيار من تجاريه أبوعذبي سداح الغنامي تحياتي لكم
|
سمو الذات صقر روق شكراً على
هذا المرور الطيب الله يعافيكم |
مجاراه ممتازه جدا من شاعر متميز
صح لسانك وبالتوفيق |
الاخ ناصر صح السانك وعتلى شانك
|
الله يسعد ايامك على القصيد الطيب
حرفنة شاعر مبدع يا ناصر بيض الله وجهك |
.
. ناصر صح لسان ،، مبدع يامبدع ،، تحياتي وتقديري لك اخوك : سلطان .. |
شاعر بيت جزل ومعنى الله يعطيك الجنه
حيث العافيه لاتدوم ولكن الجنه تدوم |
ناصر الله يسعد مساك
مجاراه جميله من شاعر جزل صح لسانك وصح لسان ابو عذبي احترامي لك طال عمرك |
| +4. الساعة الآن 08:58 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط