|
البارحة عيني عن النوم جالها
البارحة عيني من النــوم جالـــها عن النوم بان الصبح وهيه مصالفه ونشدت ويش الـجاري الي جــرالها وهلت من العبرات قالـــت موالفـــه تبكي على أجيــالٍ تقافت رحالــــــها عظامهم في باطــن الارض تالفــــه ومجالسٍ من ضاق صدره عنـــالـــها صدوقٍ مسولفها تسلـي سوالــفـــــه ماعاشت بذل إن قل وإن كثر مالــها عاشوا بنجد وعيشةٍ فـيه كالــــفــــه وراحوا وجا قومٍ كثيراً جــــــــدالـــها الجمع واجد والقلوب متــــخالـــــفـه وتسيد مسولفت المجالـس ارذالـــهـا كـــذوبٍ يزكي كــــذبتــه بالمحالـــفــه خدوش الرجال مسولــفة ماطرالـــها ليا راح للمجلس مع الدرب خــالفـــه شعر مشلح بن براك الغنامي |
الله يبيض وجهك يبو تركي على نقل القصيده
وبيض الله وجه مشلح واشهد بالله انه شاعر كبير صح لسانه و سلمت على النقل يبو تركي |
اقتباس:
شكراً لمرورك الغالي ولا عليك زود تحياتي وتقديري |
وراحوا وجا قومٍ كثيراً جــــــــدالـــها
الجمع واجد والقلوب متــــخالـــــفـه الله المستعان عز الله ان هذا هو الحال صح لسان مشلح وسلمت يابوتركي وعيدك مبارك ان شاء الله |
كل عام وانت بخير وسلامه يابو تركي , وصدق ابو عبدالله في كل ابياته فمجالس الامس ليست كمجالس اليوم الى القليل منها , ابيات جزله من شاعر عملاق تمنياتي له بالشفاء من العارض الصحي الطارئ , شكرآآآ على النقل الموفق يابو تركي وتحياتي لك ...
|
اقتباس:
شكراً لمرورك الغالي يابن نما تحياتي وتقديري |
اقتباس:
شكراً على المرور والدعاء لبو عبد الله والحمد لله أبشرك انه بخير تقبل تحياتي وتقديري |
أبو تركي صح لسان الشاعر وتسلم على النقل
وليسى غريب عليك نقل الشي الجميل تحياتي لك |
الف شكر ابو تركي على القصيده الاكثر من مميزه.
وصح لسان الشاعر. |
اقتباس:
شكراً لمرورك الغالي ولاعليك زود يابو ممدوح تحياتي وتقديري |
| +4. الساعة الآن 09:12 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط