منتديات شبكة قبيلة الغنانيم الرسمية - ماشي الحال وألا الحال ماشي=جملة" كلها عندي مفيده

- ديوانية شعراء الغنانيم (https://www.gnanim.com/vb/forumdisplay.php?f=49)

ماشي الحال وألا الحال ماشي=جملة" كلها عندي مفيده

السلام عليكم ورحمة الله وبركاته

الله يمسيكم با الخير ويصبحكم با الخير
أنا في خاطري عليكم كبر جمع الارنب لاكن
ماشي الحال

وعندي سالفه قصيره على شان ما طول عليكم

يمكن عندكم شغول؟

(يقول)

عز واليك برق" فا المناشي=
شفت نوضه على دار(ن) بعيده

فيه محلأ هماليل الرشاشي=
والله أعلم ويفعل مايريــــــــــده

وماشي الحال وألا الحال ماشي=
جملة" كلها عندي مفـــــــــيده

والغني عاش والفقران عاشي=
وخالق الخلق ماضيع عبيده

وليش كثر المجادل والنقاشي=
ماش عقب الرسول أشئا جديده

نقضي الوقت با الهرج البلاشي=
وحال عن حال والماضي نعيده

وكلمة الحق قلها لاتخاشي=
ولاتغرك ترى الدنيا زهيــــــده

وأكثر الناس راح اليوم واشي=
مهنته ينقص الهرج ويزيـــده

وتقبلو تحياتي عسى ماطولت عليكم

ماشي الحاااال ولا الحال مااااشي ،،

صح لسانك يا بوممدوح ،، نعم هي جملة مفيدة وان تغير اسلوب طرحها ورمزك

وصل يامبدع ،، دائما لقصائدك هدف كالعادة ،، لك التقدير والاحترام ياراقي

تحياتي لك

اخوك : سلطان

..

ما طولت يابو ممدوح مع انا ننتظرها على احر من الجمر الله يطول عمرك
صح لسانك وفكرك ومنطوقك
تقبل مروري واحترامي الله يحفظك

أبو ديما
الله يسعد أيامك شكرآ على مرورك
وتعليقك الراقي ياراقي
وأنا مالي قصد فيها لاكن يمكن وافقة
وأنت أنسان دبلوماسي وحساس
وأنا غشيم ودايم أطيح في الفخ
هههههههههههههههه

يابو رامي
صح لسانك ملايين
الله يحفضك تقول مانت بشاعر
أجل عاد كيف الشعر
وتقول أني أشبعتكم من الشعر
لاكن جاب الله الفرج وعرفنا
أنك شاعر ومتمكن من الشعر
والظاهر أني أبي أجاريك وأنا خايف
منك الله يسترلاكن تدري يمكن أهون
هههههههههههههههههههه
تقبل تحياتي وأحترامي الله يحفضك ياغالي

والله مدري عنكم يالشعار كثرت علومكم
المبطنه الي مدري وش مقصدها لأني
ما افك بعض المشفرات بس صح
لسانك لين ترضى يامبدع
كل الاحترام يساق لك

صح لسانك لين ترضى يابو ممدوح لهذه الرائعه والدرر التي اتحفتنا بها ومعناك مميز وهادف
ولك الحق في شرهتك وانا معك بعد في هالشرهه

صح السانك يا بو ممدوح

لاعدمنا شعرك

صح لسانك وبيض الله وجهك على هذه الدرر الرائعه

صح لسانك ياعمدة الشعر