|
عشق بدوي
عشق بدوي..
http://www.up.3jenan.com/uploads/3a3c019a73.jpg نويت مرباع الغضي سيد الاحبـاب ............. قصدي يزول الجـرح زاد التهابـه جيت وبقايا نارهم حـول الاطنـاب ............. بيت الشعر مطوي وباقـي زهابـه اقفت ركايبهم ومني الهدب ذاب ............. من دمع يسـأل وانذهـل بالاجابـة على غزير الدمع ضميت الاهـداب ............ صديت لين الدمع يقفـي سحابـه بعض الوجع يمكن تداويه الاعشاب ............ وبعض الوجع يا ويل منهو سطابـه عشق بدوي لا حب ما هوب كذاب ............ يوفـي لـو هـو تجـدد صـوابـه واليوم وصلت بيننا مثل الاجنـاب ............ ذاك الغلا يـا ضيعتـه يـا سفابـه باكر الا جينا لهم مثـل الاغـراب ............ من عقب ما كنا الاهـل والقرابـه الامـر لله كـل شـي لـه اسبـاب ............ والا الهوى وش لي على هج بابـه وشلون قلبي ما يجي اليوم منصاب ............ على الرجن منقوش بعض الكتابـه حتى اثر مشيه مع سهول وهضـاب ............ مرٍٍِِ يبيـن ومـر مـا ينـدرى بـه قلبي من الفرقا صويـب ومرتـاب ............ كنه غدا نصفين من هول مـا بـه حزني عليه انـه تسبـب ولا طـاب ............ نظرة طبيبه عجلـت فـي ذهابـه ريح الخزامى والنفل زين الاطياب ............ يشدني ريـح السمـر فـي ثيابـه لا اقبل نسيم الليل له خيل وركـاب ............ وله في طلوع الشمس عز ومهابـه |
الحنونه لاهنتي على نقل القصيده الرائعه
|
مشكورة ع نقل القصيدة ~ا هي توجع كل`سالفة تبدأ بكلمة تذكر:(
|
اختيار موفق لقصيدة الشاعر سعد الخريجي
وسلمت يمينك يالحنونه لهذا النقل |
الحنونه لاهنتي على نقل القصيده الرائعه
وياليت تضيفي اسمى قائل القصيده في نفس الموضوع تم تثبيت الموضوع لتميزه |
مشكوره يالحنونه على القصيده
الجميله , تقبلي خالص احترامي |
|
مشكور على النقل وصح لسانه الخريجي شاعر قدير
|
نقل موفق
وصح لسان قايلها ولك تحياتي |
الحنونه انتقاء موفق
لك خالص الشكر و التقدير دمتي بكل الود |
| +4. الساعة الآن 02:56 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط