|
مع الخيل ياشقرا
كلنا نسمع بالمثل اللي يقول ( مع الخيل ياشقرا ) وكما نعلم فهو يطلق على الشخص اللي يدربي راسه ورا الناس ويقلدهم في كل شي حتى لو مهو صالحن له .. اهم شي انه يقلد، كما هو حال بعض شبابنا وبناتنا هذا اليوم هداهم الله لكن ياترى هل مره سأل احدكم نفسه من هذه الشقراء المقصوده هنا .؟ اقروا القصه عشان تعرفون .. يقولكم والعهده على الراوي .. كان يامكان في قديم الزمان كان فيه فلاح وعنده خيول جميله كل صبح عقب مايقوم ويتقهوى يروح ويرعاهن ويدربهن فيفتح لهن باب الحوش أو مايسمى بالإسطبل حديثاً ويخليهن يركضن ويلعبن بأرجاء المزرعه لين يطيح اللي براسهن .. وبنفس الوقت كان عنده بقره شقراء عزيزةٍ على قلبه وكانت هالبقره كل ماقام الرجال واطلق الخيول وشافتهن يراكضن قامت ورفعت ذيلها وركضت وراهن بأسرع ماعندها تقلدهن كنهامهبوله وكل ماشافها الفلاح على هالحال .. قال : مع الخيل يا شقراااء ودرجت هالكلمه لين صارت مثل يضربون به اللي يسوي مثل سواة البقره طلعت الشقرا بقره |
قصه رائعه
صقر روق احترامي لك |
أبوفايح شرفني مرورك المميز
|
مشكور ياصقر روق
مار على ما سمعت ان سلطان براك عنده كلام ثاني يخص هالمثل لأنه هو الراوي حق القبيله والمثل هذا اعتقد انه يخصهم ان كان ماني غلطان |
قصة شقراء من البداية حتى النهايه في منتدى تاريخ
وانساب وديار الغنانيم الغنانيم يمكنك الرجوع لها |
لاهنت صقر روق على الطرح
وبيض الله وجهك على التوضيح الاخ سلطان براك الراوي المعروف تحياتي لكم |
المشاركة الأصلية كتبت بواسطة سموالذات http://www.gnanim.com/vb/images/gnan...s/viewpost.gif
http://www.gnanim.com/vb/clear.gif مشكور ياصقر روق مار على ما سمعت ان سلطان براك عنده كلام ثاني يخص هالمثل لأنه هو الراوي حق القبيله والمثل هذا اعتقد انه يخصهم ان كان ماني غلطان سموالذات اشكرك على المرور والتنبيه |
أشكرك يابوتركي على توضيح القصه على الحقيقه بيض الله وجهك واشكرك على المرور
|
المشاركة الأصلية كتبت بواسطة برق الشمال http://www.gnanim.com/vb/images/gnan...s/viewpost.gif
http://www.gnanim.com/vb/clear.gif لاهنت صقر روق على الطرح وبيض الله وجهك على التوضيح الاخ سلطان براك الراوي المعروف تحياتي لكم برق الشمال شرفني مرورك الدائم في الابداع تحياتي لك |
تسلم الايااااااادي
|
| +4. الساعة الآن 07:41 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط