قصيدة والدي الشاعر سلمي شبيب الغنامي رحمه الله رحمة واسعه
 

هذي قصيدة والدي سلمي شبيب الغنامي رحمه الله
أثناء انتقالة من مرباه لرياض....

لاواهنيك ياالحمامه هنيـــاه
قلبك مريح والهوا ماعرفتيه
وأنا عرفته مارهو ويش معناه
هوا الديار الناحية من يداويه
ماولعوك البدو ذباحة الشاه
في الماقع المرغوب والنبت كاسيه
يابعدهم يانية الخــير بعــداه
والدرب مجهول وأنا جاهل فيه
والضلع ضلع طويق ماودي آطاه
وأخاف كل مشلحن ساكن فيه
دربه يوحش مع سنادي ومنحاه
فيماتحول به ليامار راقيه
والناس في الديرة وكل ومرباه
ومرباي كبيته ولاني بناسيه
وجدي عليهم وجد من قال ياياه
ورع يتيم ولالقا أم تعاجيه
أبوه رخمه بارد حيل يمناه
والعمة القشرا تعره بيأديه
تلويه بأذنه لين قال آه ثم آه
وأبوه جالس مار ماله جدا فيه
وعزي لمن شهب العجايز تولاه
ولياتولت رجلها ماتراعيه
وأيضآ تعزوى بنت ابوي المسماه
وتصفق له الكف المخمس وتثنيه

سليمان سلمي


الله يرحمه ويسكنه فسيح جناته قصيده جزله من شاعر جزل الف شكر لك ولطرحك ولا تحرمنا جديدك المميز

وجدي عليهم وجد من قال ياياه
ورع يتيم ولالقا أم تعاجيه
أبوه رخمه بارد حيل يمناه
والعمة القشرا تعره بيأديه
تلويه بأذنه لين قال آه ثم آه
وأبوه جالس مار ماله جدا فيه
وعزي لمن شهب العجايز تولاه
ولياتولت رجلها مات راعيه
وأيضآ تعزوى بنت ابوي المسماه
وتصفق له الكف المخمس وتثنيه


وليا تولت رجلها ما تراعيه <<<<<


احترامي لك

الله يرحمه رحمة واسعه
قصيده جزله ومعبره
مشكور على الاراد

:

الله يرحم خالي سلمي

ولاهنت يبو خالد على نقل هذهـ القصيدة الأكثر من رائعة

.
.

الله يرحم سلمي رحمة واسعة ويغفر له ويدخله جنات النعيم ،،

فعلا قصيدة تحاكي واقع الشاعر وحالته النفسية تلك الفترة بشكل عظيم

فيها جزالة ،، وعاطفة صادقة ،، وجمال طاغي

شكرا لك يا بو خالد

تحياتي

اخوك : سلطان

..

الله يرحم والدك سلمي رحمته واسعة

ونشكرك على ايراد القصيدة