كلّ ماناح فوق الغصن قمريه !
 

.
.

بعض القصائد لاتعدو كونها اغاني عابرة ،، ترانيم من وحي الخيال :

..


آه يا عين ابوي وصلب جدّاني
ــــــــــــــ كلّ ماناح فوق الغصن قمريه


كم تمنيت افضفض لك عن احزاني
ــــــــــــــ ودي تعود لكن ويش بيديه


من كثر ما احتريتك شابت اعياني
ـــــــــــ للسهر بان تحت الجفن ماريه


ادري انك حفظت اسمي وعنواني
ــــــــــــــ وانك من المشاعر فيك مافيه


عقب ضحّيت بالدنيا على شاني
ــــــــــــــ رحت والروحة الروحة بلا جيه


رح مثل ماتبي ترجع وتلقاني
ــــــــــــــ نفس الاشواق تلقى نارها حيه


كل ما اسلى يمر اسمك على لساني
ــــــــــــــ لين تزهر حروفه بين اشافيّـه


اكتبه من غلاته بين قيفاني
ــــــــــــــ والتفت لاسمعت احدٍ زهم زيه


قارب الحب مادري وين وداني
ــــــــــــــ بس ماعاد عندي غير هاذيه


هاجس الذكريات وجرح وجداني
ـــــــــــــ كلّ ماناح فوق الغصن قمريه
..



تحايا عطرية الملامح :)

..

صح لسانك شاعر متمكن يابوديما
تحياتي وتقديري لشخصك ولحرفك

ادري انك حفظت اسمي وعنواني
ــــــــــــــ وانك من المشاعر فيك مافيه

ابيات غزليه تحوي بتبادل المشاعر بين المحبين
الشاعر سلطان مطلق صح السانك وعتلى شانك

.
.


ابو تركي الغالي الراقي

شهادة اعتز بها وبصاحبها وربك ،، وافرح جداا بمرور اسمك العملاق عبر متصفحي

من كل قلبي شكرا لروحك ياعذب المرور

تحياتي لك

اخوك : سلطان

..

.
.

الغالي المبدع نوح بن فايح

صح بدنك ومرورك يشرفني يا بو فايح وهذا

وربك من ادبك وذوقك ورقي فكرك ،، فشكرا لك من الاعماق

تحياتي وامتناني

اخوك : سلطان

..

من كثر ماأحتريتك شابت اعياني..للسهر بان تحت الجفن ماريه


صح لساانك..تمنيت البيت ذا يكوون لي ...صرااحة كل القصيده معبررره

لو أن احدهم تجرأ ولامني على اعجابي بما يكتب سلطان مطلق وبمخيلته لما اكترثت لما يقول ولقلت اقرا وتمعن وتجد سر احترامي لهذا الرجل وما يكتب
ابو ديما الله يسعدك على النص وعلى ها المخيله الراقيه
اشبعتنا شعر وخيال الله يحفظك
تقبل ودي وتقدري

عقب ضحّيت بالدنيا على شاني
ــــــــــــــ رحت والروحة الروحة بلا جيه


رح مثل ماتبي ترجع وتلقاني
ــــــــــــــ نفس الاشواق تلقى نارها حيه


ياسلام ياسلام
لله درك يابوديما , اشبعتنا شعراً
الله يحفظك, اسرنّي هذين البيتين
والقصيده فائقة الجمال الشعري
دمت متواجد ولا عدمنا هالحضور