|
كلٍ يوصي قبل موته وأوصيك .. لاشفت شمسي غاربه للزوالي
صباح مساء الخير من أبياتي اتمنى تعجبكم كلٍ يوصي قبل مـوتـــه وأوصيــــك لا شفت شمسي غاربه للــــــزوالي ولا عاد يمدينــي ولا عــاد يمديــــك الا الدعاء عند العزيز الجــــــــلالي لا بعـتـني وانا الذي كنت شـــــاريك أو غبت عني لجـــل قيــلٍ وقــــــالي أرجوك لا تسمـــح للايـــام تقسيـك و تدوس قلبـك فالثــراء مـــا تبالي لو كنت تعلم وش كبر حب مغليـــك ما أظن تتركنــــي وحيــــدٍ لحـــالي ولو كنت تعلم وش كثر حاجتي فيك تقطـــع بحورٍ مظلـمــه وتـعنــــــالي وترقى الجبال السود حافي برجيلك وتسري على شاني ليــــالٍ خـــوالي أرجـوك لا تقـفــي وتقـفـــــي لياليـك حكّم ضميرك وانت حكمــك عــدالي لك حق تزعل ثمّ لك حـــقٍ أرضيـك وترضيك روحي قبل يرضيك مــالي وإن كانت علـــوم العــواذل تكـفّيـك إنسى وتلقـــاء لك عشيـــرٍ بـــدالي وإن مت يا محلاه موتٍ على أيديـك محـــدٍ بلايمنـــي علــى مــا جـرالي بقلمي |
صح لسانك عيووون الصقر مبدع في كل حالاتك ان كان فالفصحى او النبطي لاتحرمنا جديدك وتقبل مروري ...
|
اقتباس:
صح بدنك والف شكر على كرم المرور وهذا من ذوقك يالغالي وجودك بمتصفحي فقط اظاء سمائه وجدرانه دمت بهذا الوجود وشكراً على الاطراء الجميل ودي واحترامي |
صح لسانك واثر قلبك خظر
ودمت بهذا الابداع |
اقتباس:
هههههههههه قل خير زين ان ما انقلبت اخظر كلي حتى حاط سهم اخظر جنب القصيده صح بدنك والابداع بذائقتك والف شكر على المرور العطر ودي و ورودي |
صح لسانك ياعيون الصقر
ماشاء الله عليك شاعر ما فيك حيله , احترامي لشخصك ولشاعريتك |
محدن بلايمني على ما جرالي
محدن بلايمني على ما جرالي محدن بلايمني على ما جرالي يا سلآم عليك يا عيوون الصقر ,, ابداع غير مستغرب منك ,, تقبل اعجابي بما تكتب ,, و صح لسانك لين ترضى ,, و لا تبطي علينا ,, |
قصيدة في قمة الروووعة . عيون الصقر صح لسانك . واصل ابداعك
|
اقتباس:
الف شكر لك على كرم مرورك وتسلم على الاطراء الرائع منك أحترامي وتقديري |
اقتباس:
نواف الغنامي الغير مستغرب كرم مرورك والعين ما تعلى على الحاجب انت شاعر عملاق ومنك نتعلم والابداع يكمن بذائقتك وصح بدنك مليار ليل ونهار :shiny01: ودي واحترامي |
| +4. الساعة الآن 04:51 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط