ياخطل اليمين !!!!
 

.
.
.
.



ياطويل العمر ياخطل اليمين
ـــــــــــــ ما انحنى راسي على شان الريال


قاسم الارزاق رب العالمين
ـــــــــــــ كم جنوبي شاف رزقه في الشمال


لو يلين الوقت ولا مايلين
ـــــــــــــ موقفي واضح ولافيها جدال


من صغر سني وانا ناصع جبين
ـــــــــــــ ما سرقت ولا ارتكبت الا الحلال


ادحم الضيقات بالجنب المتين
ـــــــــــــ وارتخي للحمل واشتال الثقال


لازمٍ ديني ودرب الاولين
ـــــــــــــ سلم جداني شغاميم الرجال


وانت جدانك عبيدٍ مع قطين
ـــــــــــــ فوق بير العود يوم الدم سال


خلها في القلب كالدر الثمين
ـــــــــــــ والله لتبطي وانا ذيب العيال


..

*(من غير زودٍ عليكم يارجال)

((ادحم الضيقات بالجنب المتين
ـــــــــــــ وارتخي للحمل واشتال الثقال

لازمٍ ديني ودرب الاولين
ـــــــــــــ سلم جداني شغاميم الرجال))

صح لسانك وصح شعرك وجزالتك ,
والله وسبعة انعام طال عمرك ,
احترامي لك ولشاعريتك .

.
.

بناخي الكعاااري ،، مساك الله بالخير ،،

اجل مشكوك في اجيب الجزل ولا لا :)

ان كانت جزلة فهو من توفيق الله لها ولكاتبها وان كانت غير ذلك هي للقذف بحجارة الــ نقد العابرة !


لي ياسلمك الله ،، وبكل تواضع طال عمرك ،، شكرا لك


اخوك : سلطان

..

.
.

الغالي ابوتركي ،،

ماعليك زود ياسلطان ،، وشهادة شاعر افتخر بهااا

كلي شكر وامتنان ،، لسموّ مرورك

تحياتي

اخوك : سلطان

..

.
.

خالي نواف حياك الله في القلب قبل المتصفح

صح بدنك ومنور بهالمرور المشرف ياغالي

تحياتي وشكري

اخوك : سلطان

..

.
.

الغالي سمو الذات

صح بدنك وصح فكرك النير ياراقي

ماعليك زود ياسمو الذات وكلي شكر وامتنان لهالمرور العذب كصاحبه

تحياتي وتقديري

اخوك : سلطان

..