موضوعي عن الصوره الرمزيه
 

السلام عليكم ورحمه الله وبركاته

مساءكم عسل


وش رايكم في الي يحط صورته صوره رمزيه في المنتدى ابي رايكم بكل صراحه بذات في المنتديات العامه اما بالنسبه لمنتدى القبيله انا من وجهت نضري انها عادي جدا بس ابي رايكم سوا في المنتديات العامه واو منتديات القبيله

واسف على الاطاله


اخوكم ابوسطام

حياك الله يابوسطام موضوع جميل ,
انا من وجهة نظري عادي جداً سواء
منتدى عام او منتدى قبيله , ما فيه اي
مشكله , هي مجرد صوره , بس المشكله
الي يحط الصوره والاسم الحقيقي هنا يمكن
يتعرض لبعض المواقف , مشكور, الله يحفظك

عادي ما بها شيء لا تخليني اتهور واحط صورتي هنا(:

شكرا لك ياابو سطام ...موضوع حلو ..
انا من وجهه نظري انه عاااااااادي الشخص يضع صوره رمزيه خاصه فيه ومو لازم يضع صورته الشخصيه سواء في منتديات القبيله او غيرها ..بس افضل اللي يكتب اسمه الحقيقي في منتدى القبيله ..بأسثناء البنات طبعا ...

ما ازيد على الشباب في التعليق
بس طبيعي يا بو بطين
تحط صورتك

عااادي ما فيها شيء الصوره مجرد صوره يعني
وين المشكله؟ لا يوجد مشكله ابد , شكراً لك على الموضوع

أرى أن الموضوع يتعلق بنظرة الشخص للمنتدى او لعالم الانترنت بشكل عام هو يتعامل معه ومع شخصياته بجدية و احترام او هو متعدد الشخصيات

أما من يضع صورته الشخصية الحقيقية فالغالب أنه يتعامل باحترام مع الجميع و يكون حذر ويحسب لكل كلمة يقولها

شخصياً لا أرى بأس في ذلك ما دام الشخص يحترم نفسه ويثق برأيه وبفكره

تحياتي لك وللجميع

.
.


فيصل ،، انت ان ماحطيت صورتك ،، جبتها وحطيتها في العام :)

ومثل ماقال ابو اياد اختر اما تحط الصورة ولا تغير اسمك :)

بالنسبة للصورة هي تعبير ،، وشيء اختياري ،، لكن من يكتب باسمه الحقيقي

اتوقع ماعنده مشكله في وضع الصورة ومثل ماقال ابو راما هي ترجع للمنتدى نفسه

ومحتواه ،، وثقة الكاتب في مواضيعه ،، وفيه نقطة اخرى وهي ( التشخيص ) مثلي انا

وابو اياد ونوح فايح :) واحد يعلق من خارج المنتدى علينا بس ماني بقايلن وش قال :)


تحياتي وتقديري لك

اخوك : سلطان

..