|
أول العيد
سلام عليكم ورحمة الله وبركاته ..صباح / مساء الخير ,
عيد الله عليكم مبروك وكل عام وانتم في أتم حال. ومعذرتاً على الغياب لظروف العمل .. جادت القريحه بهذه الأبيات أتمنى أن تحوز على إستحسانكم, يالله تلهمنا الصبر بأول العيد ,, صبراً يصبّر من بقلبه همومي مداوماً فالعيد ودياره بعيد ,, والكبد فاحت من فعول الرخومي الريّس اللي كل ماجيته سعيد,, حبّط عزومي لو تقاوت عزومي سويد وجهاً مخلفاً للمواعيد,, وإليا زهمته مايعرف السلومي لكن والله لو نجاح المساعيد,, تجي مكانه كان سِدّ اللزومي لو إنها شمطاءً ملتها التجاعيد,, أخير من شوفت ردي العلومي ياليت ريّسنا عطاوي أو جعيد,, حراً سنافي بس..هذي حلومي ! وسلآمتكمّ |
صح لسانك الاخ مبهم
حسبي الله عليهم احرموك فرحة العيد مع الاهل والاقارب لاكن خيرها في غيرها وربما ضاره نافعه |
لكن والله لو نجاح المساعيد,, تجي مكانه كان سِدّ اللزومي
صح السانك وبيض الله وجهك وكل عام انتم بخير قصيده رائعه جداً ومعبره عن حال صاحبها ولومه على رئيسه وتشبيه بنجاح المساعيد وهويستحق ذلك لانه لم يسد اللزوم |
صح لسانك وخيرها في غيرها
|
برق الشمال صح بدنك وبيض الله وجهك على التعليق والمرور
|
أبو فايح صح بدنك ووجهك ابيض وكل عام وانت بخير وعافيه وشهادتك وسام على الصدر طال عمرك
|
الفرماوي فهد صح بدنك وبيض الله وجهك وعلى قولتك خيرها في غيرها
|
صح لسانك يابوطلق
والحال من بعضه انا مداوم نهار العيد الاول مير تساهيل |
ههههههههههههههههههههههههههههههه
ياويلك عيدنا واستانسنا وتعايدنا واكلنا من الحلاو لين قلنا بس مبهم عيدك مبارك وكل عام وانت بخير وكل عام وانت مبدع ومتئلق ويمكن فيها خيره الا اكيد اللي جابتلنا ها الدرر النفيسه صح لسان شاعرنا والله لايسامح من احرمك العيد مع احبابك وخلانك احترامي لك طال عمرك |
|
| +4. الساعة الآن 10:58 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط
