منتديات شبكة قبيلة الغنانيم الرسمية - مدغم ابوشيبة ولافي الغيداني

الشاعر مدغم ابوشيبة

علموا من ضعونه خالفتهـا ضعونـي
الله يحفظـه ويغفـر خطـاه ويبيحـه
شح وصله وترفات الصبا في عيونـي
ما كل السبـع والمترديـه والنطيحـه
لي زمان وزمان وذي سواتي ولونـي
فارس بلا جواد وشاعر بـلا قريحـه
لا تذكرت مرواحـه وعيشـه بدونـي
شم جرحي وانا ماشم للعطـر ريحـه
كل ما هـز وجدانـي وبـدد سكونـي
والله اني طريـح مـن تعـدا مطيحـه
لين صدري يربع من سحابة جفونـي
ويتقفاني الشامـت بسيـف الفضيحـه
اهدا واسفهل وانسا واهـون شطونـي
بالامل والرجا والتجربـه والنصيحـه
وان قصد لافي الحربي وهيض شجوني
ما خذا إلا وانا جاوب على البيت صيحه
لف قلبي مثل لف الهبـوب الغصونـي
مارحمني وانا مشعوف والبعد ضيحـه
ايه يابو حمـود وتسلـم ولا تهونـي
المريض لسريره والقتيـل لضريحـه
حسبك الله من شاعر وساحر جنونـي
كانك معذب من خلق ربـي شريحـه
اشهد انك تمون وقبـل ذلـك تمونـي
لا كليت اللسان اللي بـراس الذبيحـه
يوم لافندي ابـن البيـه والزنكلونـي
ياكل من الفشار ويرضع من المنيحـه
ياعيال الظهور ويـا عيـال البطونـي
من قدر يمسك النسمه يعصر الصفيحه

رد الشاعر لافي حمود الغيداني

آه ثـم آه وليـا قلتهـا سامحـونـي
تل قلبي معه مدغـم وبيـن نضيحـه
عنت براسي الذكرى ويبست شنونـي
من خلاجه على خله وزفـرة فحيحـه
والله انـي معـاد إلا تهـدم ركونـي
كني اللي يعيش اوضاع غزه واريحـه
يا وجودي من اقصايه وياكون كونـي
يالله تكون في عون القلوب الجريحـه
ويا غبوني على وقت مضى يا غبوني
يوم لا قلت كيف الحال قالت : مليحه !
من مسا اول لقا وليا آخر آخر طعوني
كل ما هبة الذكـرى براكـه وشيحـه
مادرى إلا وانا ابهامي بقبضة سنونـي
غيض اعضه وألمه استعذبه واستريحه
سم يا مدغم وخذني على هون هونـي
سمح الله دروب اهل النوايا السميحـه
ليه ما نكس عقالي واطـوح لحونـي
اسرج مهار مسحوب القصيد ورديحـه
يوم مدغم سكب قافه ونقـل متونـي
في ثناه العطر والباس سندس مديحـه
لوماخذ شعري إلا من مثاني ردونـي
اعتبر مدتي من مدتـه لـي شحيحـه
زادني دين وانا المبتلش فـي ديونـي
من عرفته وهو للطيب زنـد وقديحـه
غن يالزيزفـون انشـودة الزيزفونـي
للنقاء والمساحات البيـاض الفسيحـه
بيض الله وجه اعز واصـدق ظنونـي
افلحت هقوتي ياهل الوجيـه الفليحـه
والي آخر نفق مشوارهـم حلزونـي
فدوة اسياد شعبي القصيـد وفصيحـه
كل سلعه لها قيمه وسـوق وزبونـي
وقبح الله وجه من زاد سوم القبيحـه

http://www.youtube.com/watch?v=xBBxPKfmEfw