|
(((طاروق جديد بين عبدالله بن شايق و رشيد الزلامي)))
عــبـــدالله بـــــن شـــايـــق= سلام امن امحلف عند امحلف واثني الترحيـب=تراحيـبٍ نرددهـا باسـم يامـي وقحطانـي تفضل يالزلامي مرحبابك فـي محـل الطيـب=مع اني عاطفي وليا الشرف لا صرت عرجانـي رشــــيــــد الــــزلامـــــي= هلا يامرحبا والك البقا واللي تصيـب اتصيـب=وانا خصمـك وصاحبـك القديـم ولا تعدانـي دروب القوم واجد وين ودك نتجـه يـا ذيـب=ولا تنسى تـرا فالمنطقـه روقـي وشيبانـي عــبـــدالله بـــــن شـــايـــق= بعد شفتك تشيل معاملـه تبغـى لهـا تعقيـب=تباطاني لكن مـن يـوم شفتـك لا تباطانـي حرام الشعر يتعـذب حـرام الظلـم والتعذيـب=وشرهتهـا عليـك ولا تقـول فـلان وافلانـي رشــــيــــد الــــزلامـــــي= اقول الحرص واجب والعرب مايعلمون الغيـب=تمررها علـى واحـد تحولهـا علـى الثانـي موقيها جبـل مانـي منزلهـا لبطـن شعيـب=ليا دورتني باطـراف ضلـع طويـق تلقانـي عــبـــدالله بـــــن شـــايـــق= انا ماني وكيل ادم على العالم خطـا ومصيـب=ابجلس في المدرج واتفرج وامسـك اللسانـي ابسكت في زمانن اللجلجه والبطش والتخريـب=واببكي ما مضا ذيك الليـال وذيـك الازمانـي رشــــيــــد الــــزلامـــــي= تفرج ياولد شايـق ولا فيهـا حـرام وعيـب=هذى صارت على شانك وذي صارت على شاني اضنك صرت قذافي تعرف اللي بوسط الجيـب=تبـا بكـره تحول لي ليـا خوخـن ورمانـي عــبـــدالله بـــــن شـــايـــق= مدام الله عطاني مثلكم مـال وحـلال وصيـب=بصوم وابعتكف حمد وشكر يـوم الله اعطانـي ولا تفرح ليا تاب الشنب والله عطـاه شنيـب=تراي موصيٍ شايق على العتبـان مـن دانـي رشــــيــــد الــــزلامـــــي= مدام انك وصلت المستوى مافيه شيء صعيـب=لكنك لاتسويلـي ملـك فـي ثـوب شيطانـي مدام ان الولد مثل الابو مافيـه شـك وريـب=عسى ربي يخارج لا يجيلـه غيـره اخوانـي عــبـــدالله بـــــن شـــايـــق= صحيح عيال هدبا ماتقلط مـع عيـال هديـب=وانا من فضل ربي ماسمـو بالعجـز جدانـي بغت منكم تضيع ابل الرفاقة والضنون اتخيـب=لكن الابل وراهـا ضبعت(ن) رقطـه وسودانـي رشــــيــــد الــــزلامـــــي= يا قحطان العرب صيرو عرب لا ترجعون عريب=نحول منكم الشرهـه علـى غامـد زهرانـي هنا المحاوره والمصدر مجله فتل الاكتروتيه |
صح لسان عبدالله بن شايق و ، رشيد الزلامي ، ويعطيك العافيه
|
صح لسان عبدالله بن شايق و ، رشيد الزلامي ، ويعطيك العافيه
|
صحت السنتهم
شعار كبار يحترمون الشعر ويقدمونه في اجمل اشكاله بس وش يقصد ابن شايق يوم يقول سـلام امـن امحلـف عنـد امحلـف واثـنـي الترحـيب سلمت يا علي |
صح لسان ابن شايق وصح لسان الزلامي
واضم صوتي مع صوت ابن نما لاني صراحه دايم اسمعها من اخويياي القحاطين والياميه وهل هي حلف او صلة قرابه |
يعطيك الله العافيه
|
علي الحبابي مشكور ولاهنت
|
| +4. الساعة الآن 02:47 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط