|
كوكتيل هذيان .. !
. .. حبيباتي ،، من اللي مرّت البارح ...على لساني وانا ماكنت ابذكرها ! من اللي طلّت بوجهٍ من الذكرى تناساني من اللي عادت تغنّي على شرفة احاسيسي وتغرس صوتها في تربة احزاني من اللي كل ما افقد حضنها واشتاق تلقاني ،، من اللي كلّ ما ا كتب في حياة الناس تقراااااااااااااااني ! ... . . . اقربي ماني بماكلك ياخوافه ــــــــــ لايغرك صمتي وعقدتٍ بحجاجي اهمسي واهمس وكلن على ميقافه ...ــــــــــ بيننا من لهفة العاشقين سياجي سودك اللي من ورى الشيلة الشفافه ــــــــــ سم قلبي ياعيون المها وعلاجي جيتك بطفلٍ ترك كل شي خلافه ــــــــــ واتخذ من هيبة الشعر برجٍ عاجي علميه الضحك دام العمر ماطافه ــــــــــ بعثري بشويش حزنٍ بروحه لاجي مابقا شيٍ يهد الظهر ماشافه ــــــــــ لين تاب من الوجع واعتكف بحجاجي ! .. . . . . ياغايبة محتاج لك ...كثر احتياج احداقي لطعم المنام ،، لما افتكر رجفة يدك وهي بيدي ،، بعد ان همستي لي : ابيك وطار من صدري حماااااااااام . . . . . كلّ ماحبيت احد جبت المطمّه ـــــــــــ لين راح اللي بذرت مع الهبايب من عماي اخطي شغف قلبي واخمّه ـــــــــــ في زحام الشوق وغياب الحبايب لانزلت ولا طلعت بـ راس قمّه ـــــــــــ في محلّك سرّ والتفكير غايب لاجل خشفٍ ماتعلّق غير فـ امّه ـــــــــــ ابتليت بحبه وشفت المصايب كيفه الصبح الندّي والكمّ كمّه ـــــــــــ انولد حلمه على ظهور النجايب انتثر في داخلي وازريت المّه ـــــــــــ راح مع روحي ولاظنّه بــ آيب حظّ اخوه اللي ليا شافه يضمّه ـــــــــــ ينهمر له بالغلا مثل السحايب يحتفي به يقترب منه ويشمّه ـــــــــــ بس ماهو مثلي من الوجد ذايب لو اموت من التجافي مايهمّه ـــــــــــ قافلٍ باب الوصال بلا سبايب .. . . . . واقف واتابع من شرفة الاوجاع احاسيسي اشوفني كنت كائن فـ صورة لــ قالب ثلج ،، وعيوني جمر يذوب هذا القالب ،، ويتحول لماء ايسيل ويتبخر ،، يطير في كبد السما غيمة وبهطل من جديد يسيل ماء ،، يجمد ،، يرجع لــ قالب ثلج ،، وانا عيوني جمر واذوب واعود من نفس الحياة الى نفس الحياة واقف واتابع من شرفة الاوجاع احاسيسي ،، .. . . .. لامرّت الناعمة مع شارع الحاره ـــــــــــ ميّل عليها الشجر كنه يكلّمها ...سلّم عليها الصباح وفاحت ازهاره ـــــــــ ينثر لها اشواقه ويعجز يلملمها عقب ان تركت السهر والحب واشعاره ـــــــــــ كتبت فيها قصيدة ،، من يعلّمها ؟ .. << هذا الذي يهذي قد يغيب لمدة غير معلومة ،،لاتكترثوا لعدم الرد سريعاً رجاءً ،، .. |
والله بالنسبه لي ابا ارد قبل مااكمل تصفح هذا المتصفح الرائع الذي تفوح منه رائحة الأدب والشعر والزهور المتنوعه في شكلها وفي عبقها
سأعود لقرائة هذا الابداع لأنه ليس ما يخطه سلطان مطلق يمر به مرور المستعجل سلطان غيابك له ثأثيره ولاكن اطلاتك تمحو أثار ذلك الغياب تقبل مروري وتعليقي واحترامي الشديد ولي عوده |
يعطيك العافيه
|
عز الله وهذا هذيانك جبت الدرر هذي
صح لسانك وبيض الله وجهك وغيابك غير مسموح إلا بعذر شديد :d |
ياسلام ابداع يابوديما الله يحفظك بس هذا غير
مستغرب عليك انت ابداع بحد ذاته . الله يردك سالم في انتظار عودتك واتمنى ان لا تكون اجله كل الود. |
مرحبا مليون ابوديمه قصدي مشعوذ الشعر هههههههههههه
انت مبدع قليله في حقك الله لايضرك ياغالي |
صح السانك يبو ديما سلاسه في التركيب والطرق وانا من اشد المعجبين بما تكتبه وتنثره امام المتصفح
كل الود والاحترام |
السلام عليكم ورحمة الله وبركاته
أنت وين أنت مختفي يامودماني ...؟! والله العظيم أني تذكرت هذا البيت >>الا ياشجر الخابور مالك مورقا كانك لم تحزن على ابن طريف ..مدري وش طراه على بالي وأنا أقرأ هذيانك المحبب إلى نفسي ..روائع يا أبا ديما سلمك الله وصح لسانك عدد شعر راسك |
سلطان مطلق صح لسانك وبيض الله وجهك
|
لاهنت الاخ سلطان على القصيده الجميله وتقبلو تحياتي
|
هذا والله الهذيان الأبداعي وقمة الأحساس الشعري
صح لسانك وتقبل مروري |
سلطان
سجل اعجابي بكل ماتكتب الله لايحرمنا حضورك |
درر متناثرة هنا يا ابا ديما
اعجز عن وصف ما كتبت محبتي لك |
.
. الغالي الوافي ،، ابو رامي مثل عقليتك تستوجب علي الكاتب احترامها ،، وانتقاء مايناسب سموها ،، ورقيها ياغالي ،، لك الحب من كل قلبي والشكر الجزيل لانك هنا بكل أدب وتهذيب ياغالي تحياتي وحبي لك اخوك : سلطان .. |
.
. يعافيك يافيصل الروقي وشكرا لك اخوك : سلطان .. |
.
. مبارك حمد شكرا لك يامبارك وصح بدنك شرفتنا ياغالي تحياتي لك اخوك : سلطان .. |
.
. الغالي سمو الذات شكرا لك من القلب ،، وكلامك يتوغل في الروح ياصديقي ولا اجد ما يضاهي اطرائك الباحث للفرح في نفس اخيك لكن لك ودي واحبي تحياتي اخوك : سلطان .. |
.
. الغالي ابوسطام فيصل ،، لا تتهمني بالشعوذة وانا بريء :) لك القلب ياغالي والابداع والله هو مرورك المبهج لقلبي يانقي كلي حب واحترام لشخصك تحياتي اخوك : سلطان .. |
.
. الغالي معدي ،، وانا يسعدني ويشرفني ويرفع من معنوياتي ان اجد كل هذا الكلام الجميل يكتبه اخ مثلك يا ابو ثامر لاعدمتك ولاعدمت مرورك العاطر ،، لك الود والحب من القلب تحياتي اخوك : سلطان .. |
.
. خالي سند عبيد ،،، وانا اكثر فرحاً ،، اكثر تفائلا بوجودك ومرور عقلية مثل عقليتك والله العظيم ،، لاني بكل بساطة معجب بطريقة تفكيرك وتناولك للشعر من كل جوانبه ،، فاهلا بك في القلب قبل المتصفح ياغالي حبي وتقديري لك اخوك : سلطان .. |
.
. الغالي اياد الروقي صح بدنك وكل الشكر لك تحياتي اخوك : سلطان .. |
.
. الاخ صوت من الصحراء الله لايهينك وكل الشكر لك طال عمرك تحياتي اخوك : سلطان .. |
.
. الغالي صريح صح بدنك وشكرا لك من القلب يامورق تحياتي وتقديري لمرورك العطر اخوك : سلطان .. |
.
. الشاعر المبدع بكل معنى الكلمة طلال وسجل اعجابي بك كانسان اولا وكشاعر جميل يا ابو مشاري الشكر لك والتقدير لمرورك المبهج ياغالي ،، تحياتي اخوك : سلطان .. |
.
. ابو راما شهادتي فيك وفي مرورك مجروحة مهما قلت وتبقى انت صاحب المبادرة الجميلة والشعور الاخوي النبيل ياغالي كل حبي واحترامي لك اخوك : سلطان .. |
| +4. الساعة الآن 11:39 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط