الكهرب طافي ويش الحل
 

يا سمو الذات ناقشولي هالموضوع
حيث منذو ساعه ونصف والكهرباء مقطوعه عن حفر كشب والمختصين في الشركه يتعللون بوجود تماس في الخط المؤدي لغرب حرة كشب
ارجو مناقشة الموضوع وياحبذا لو تفرع الموضوع وتحول الى ابعد من انقطاع الكهرباء الموقت
لو اديسون حي لأشتكيت عليه ولاكن اديسون مات وتقنيته التي اخترعها اصبحة يتاجر بها دون وضع أي اعتبار للمستفيديون منها
تصدق لو قلتلك اني اكتب على اضاءت الجوال وسوف ينتهي شحن الكميوتر والجوال اذا لم يعود التيار الكهربائي
احترامي للجميع

ابو رامي

تعين فالمكينه الاوله شغلها هذا هو الحل والاخلك فالسحلول على نور القمر لان الله يفرجها

الله يستر لا يلحقني الدور حيث ان العديد
من احياء العاصمه تعاني هذه المشكله
من ذو بضعة ايام والشركه ولا همهم
هذه هي الاحياء "السلي"والخليج"
"والنهضه"النسيم"وهي لا تنقطع
بالكامل بل اجزاء والكهرب مغار يرمش
تقول مرتاع ههههههههه
ومشكور على طرح هالقضيه الشائكه
والله يعينك ان شاء الله عليك بالشموع

ابورامي يامرحبا الوضع مزري من ناحيت الكهرب الصيفيه ذي الله يعينكم تصدق امس طافي الكهرب في الليل ثم اشتغل ثم طفا من الساعه 9الي الساعه 2الضهر وحنا في الرياض العاصمهواخذالورعان ووديهم لبيت جدتهم في النسيم واروح اقيل عند ساير نسيبي الشايب الاكيدغثيته امس غدا وحوسه هههههههه بسباب الكهرب واخيرا رجعنا لبيتنا العصر بعد مشتغل وش اطول السالفه اله على العموم فيه شركه كانت شركت الكهرب متعاقده معها عسها للفقر عشان مكاين ضغط عالي وبعد زلزال اليابان جت الشركه وسحبت المكاين ودفعت الشرط الجزائي واكلنها تدرون ليش لان اليابان مهتمين بشعبهم ودفعوعشرات اضعاف الي شركتنا دافعته واخذوها وسلامتكم وخابرن شركتنا اولا يخططون كيف يرفعون الفواتير على المستهلك المسكين سواانقطع الكهرب ولا اشتغل 0


على قولت ابن افطيس مالك الاالصبر وش وداكله ههههههه


تقبو فايق احترامي


اخوكم فيصل

المشاركة الأصلية كتبت بواسطة طلال الغنامي http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
ابو رامي

تعين فالمكينه الاوله شغلها هذا هو الحل والاخلك فالسحلول على نور القمر لان الله يفرجها











يامرحبا يابو فيصل الله يحييك
المكينه تبالها صيانه وعلومن واجد والسحلول انت خابره مغار امهات جنيب تواش فيه
ابا اترجاء الله ليا شوي يمكن يشتغل
احترامي لك الله يحفظك

المشاركة الأصلية كتبت بواسطة عبدالله الهاشمي http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
علاك بالسراج يابورامي لين الله يفرجها









عبدالله شرفني تواجدك الله يسعدك
طراه السراج والله اني خابرلي ثنين مدري ثلاثه في المستودع لاكن المشكله يمديه مليانآ عقارب والقاز وان ادوره ويمكن بعد ما فيها فتايل الشغله تبغالها جهاد وليل طويل
احترامي لك الله يحفظك

ابو رامي

علاك بالسراج والقاز عانه في اجريكلن عند حوش الثويني

أخف للسما وأبرد يابو رامي هههههههه

لكن أحسن الظن بالحكومه يمكنهم ذالين علاكم من الضغط العالي تعرف أنتم لهالحين في طور النمو وماتعرفون خطورة الكهرب لا وبقولون أنكم تليمون على سيارة الشركه لاجو يسوون الكهرب وتعطونهم معاريض اللي بيا وظيفه لولده واللي يبا بيت في الرياض واللي يبا نقل واللي يبا يقابل طويل العمر أبلشتوا الفلبينيه وأشغلتوهم في أنفسهم هذا غار العلوم الثانيه اللي تقولونها للفلبينيه كفانا الله شركم :)

تبون سلك من ظلم أبشروا بس عطوني وقت أقطع أسلاك اللنبات وأربطها في بعض وأنتم ببعد ليموا الأاسلاك وأربطوها في بعض والوعد بيننا مفرق دغيبجه وأم الدوم وأن تباطيتوني أنطلوا الأسلاك وأنحاشو تراني معترف علاكم معترف الله لايعوق بشر

المشكله في صيانه الشركة لكيابل الضغط العالي

انا آطالب ومن زمان بعدم احتكار للخدمات المقدمة للمواطن لابد من شركة اخرى منافسة لشركة الكهرباء كما حصل في التنافس على خدمات الهاتف الجوال

المشاركة الأصلية كتبت بواسطة سموالذات http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
الله يستر لا يلحقني الدور حيث ان العديد
من احياء العاصمه تعاني هذه المشكله
من ذو بضعة ايام والشركه ولا همهم
هذه هي الاحياء "السلي"والخليج"
"والنهضه"النسيم"وهي لا تنقطع
بالكامل بل اجزاء والكهرب مغار يرمش
تقول مرتاع ههههههههه
ومشكور على طرح هالقضيه الشائكه
والله يعينك ان شاء الله عليك بالشموع










سمو الذات ابشرك الكهرب اشتغل قبل دقايق وزانة العلوم بس عقب النامس هجدنا مغار ياخذ ملا فمه وينطل ههههههههههه
مشكلة الكهرباء عندنا شايكه الاحتكار والفساد المالي والشغل اللي ماهو مطابق المقاييس والمواصفات العالميه اذا جاء معصير وهز الاسلاك تلامسة لاكن الله يعين
احترامي لك الله يسعدك

المشاركة الأصلية كتبت بواسطة سطام ابوبطين http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
ابورامي يامرحبا الوضع مزري من ناحيت الكهرب الصيفيه ذي الله يعينكم تصدق امس طافي الكهرب في الليل ثم اشتغل ثم طفا من الساعه 9الي الساعه 2الضهر وحنا في الرياض العاصمهواخذالورعان ووديهم لبيت جدتهم في النسيم واروح اقيل عند ساير نسيبي الشايب الاكيدغثيته امس غدا وحوسه هههههههه بسباب الكهرب واخيرا رجعنا لبيتنا العصر بعد مشتغل وش اطول السالفه اله على العموم فيه شركه كانت شركت الكهرب متعاقده معها عسها للفقر عشان مكاين ضغط عالي وبعد زلزال اليابان جت الشركه وسحبت المكاين ودفعت الشرط الجزائي واكلنها تدرون ليش لان اليابان مهتمين بشعبهم ودفعوعشرات اضعاف الي شركتنا دافعته واخذوها وسلامتكم وخابرن شركتنا اولا يخططون كيف يرفعون الفواتير على المستهلك المسكين سواانقطع الكهرب ولا اشتغل 0


على قولت ابن افطيس مالك الاالصبر وش وداكله ههههههه


تقبو فايق احترامي


اخوكم فيصل










ابو سطام الله يسعدلي ها الطله الغاليه
تدري ويش مشكلت الكهرب عندنا الشركه اللي اسست التمديدات يبخششون للمهندسين المشرفين على المشروع ويركبون من الخامات الرخيصه الله لا يوفقهم لاهم ولا وزارة الكهرباء
شرفني مرورك الله يسعدك

المشاركة الأصلية كتبت بواسطة مــعــدي الـغـنامـي http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
ابو رامي

علاك بالسراج والقاز عانه في اجريكلن عند حوش الثويني










هههههههههههههههههههههههههههه
هلا يابو ثامر شرفني تواجدك
الجريكن ما ضنتي انه مكانه اخذينه اللي انت العام لقيتهم يازنون النور على الحوش
تحياتي لك يابو ثامر

المشاركة الأصلية كتبت بواسطة ناصر http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
بيت الشعر اركزه يابعدي والفانوس موجود والقربه وخل عنك الفله والكهرب ريح نفسك من المشاكل الطويله العريضه









يامرحبا ياناصر الله يسعد مساك
بيت الشعر والقربه وملحقاتها هي الحياه الحقيقيه
والله ما جابت لنا المدنيه غير المشاكل
لاكن الله يخارجنا
احترامي الشديد لمرورك الغالي

المشاركة الأصلية كتبت بواسطة سند http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
أخف للسما وأبرد يابو رامي هههههههه

لكن أحسن الظن بالحكومه يمكنهم ذالين علاكم من الضغط العالي تعرف أنتم لهالحين في طور النمو وماتعرفون خطورة الكهرب لا وبقولون أنكم تليمون على سيارة الشركه لاجو يسوون الكهرب وتعطونهم معاريض اللي بيا وظيفه لولده واللي يبا بيت في الرياض واللي يبا نقل واللي يبا يقابل طويل العمر أبلشتوا الفلبينيه وأشغلتوهم في أنفسهم هذا غار العلوم الثانيه اللي تقولونها للفلبينيه كفانا الله شركم :)

تبون سلك من ظلم أبشروا بس عطوني وقت أقطع أسلاك اللنبات وأربطها في بعض وأنتم ببعد ليموا الأاسلاك وأربطوها في بعض والوعد بيننا مفرق دغيبجه وأم الدوم وأن تباطيتوني أنطلوا الأسلاك وأنحاشو تراني معترف علاكم معترف الله لايعوق بشر










هلا يابو عبيد الله يسعد مساك
شرفني تواجدك واسعدني تعليقك
الفلبينيين ما يجونا يشتغلون في المناطق المتحضره مثل ظلم والمويه حنا ما يجينا غير بنقلاديش والنيبال
وبعدين انت تقول تبا تطلع اسلاك الاناره وتمد النا كهرب كيف وهي عليها مترين بطحاء وليا حفرتلك متر ورحت للغدا يوم ترجع لياهي معودتن مكانها
الله يعين بس يابو عبيد
احترامي لك الله يحفظك

المشاركة الأصلية كتبت بواسطة مخاوي الذيب http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
المشكله في صيانه الشركة لكيابل الضغط العالي

انا آطالب ومن زمان بعدم احتكار للخدمات المقدمة للمواطن لابد من شركة اخرى منافسة لشركة الكهرباء كما حصل في التنافس على خدمات الهاتف الجوال










يا هلا والله وغلا يا مخاوي الذيب
شرفني تواجدك وتعليقك
هذا هو مربط الفرس سبب تدني مستوى خدمات المؤسسات الخدميه هو الاحتكار فلو ان هناك منافس لشركة الكهرباء لأصبح الوضع اجود من ذلك وحتى الاسعار لو هناك منافس ما سددنا تعرفة الكهرباء بالألاف شهريآ
لاكن نقول حسبنا الله ونعم الوكيل
احترامي الشديد لك

المشاركة الأصلية كتبت بواسطة فيصل الروقي http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
على قولت ابن افطيس مالك الاالصبر وش وداكله ههههههه









فيصل الله يسعدلي مساك
شرفني مرورك الله يحفظك
تقول الصبر الى متى الصبر انقطاع للتيار بين كل فتره وفتره وتعرفه مرتفعه بشكل مبالغ فيه ونقص في التيار بعض المنازل لا يتعدى التيار فيها المائه وثمانون فولت
لو اننا لا نستطيع ان نعمل شي ولاكن دعنا نفضفض على الأقل
احترامي وتقديري لك

خلل طبيعي .. ولكن يمكن مايدرون المساكين عن الخلل .. لأنها عادة الشركات السعوديه في اي مجال .

تعجز عن حل المشكلة في اسرع وقت . وربما يأتي مواطن ليخبرهم بالخلل .

فهم كسالا ولاهمهم شي الا جمع المال بأقل مجهود .

او ربما انهم يخططون لرفع فواتير الكهرباء ووضع التبريرات الكاذبه للمواطن .

الله اعلم لكن الكهرباء مهمه لأننا تعودنا عليها ولانقدر الاستغناء عنها .

لذالك الحمدلله على هذه النعمة .. وعساه يشتغل عندكم يابو رامي ويصير مثل أول واحسن .

المشاركة الأصلية كتبت بواسطة بعيد النظر http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
خلل طبيعي .. ولكن يمكن مايدرون المساكين عن الخلل .. لأنها عادة الشركات السعوديه في اي مجال .

تعجز عن حل المشكلة في اسرع وقت . وربما يأتي مواطن ليخبرهم بالخلل .

فهم كسالا ولاهمهم شي الا جمع المال بأقل مجهود .

او ربما انهم يخططون لرفع فواتير الكهرباء ووضع التبريرات الكاذبه للمواطن .

الله اعلم لكن الكهرباء مهمه لأننا تعودنا عليها ولانقدر الاستغناء عنها .

لذالك الحمدلله على هذه النعمة .. وعساه يشتغل عندكم يابو رامي ويصير مثل أول واحسن .










ابو سعود شرفني مرورك الله يسعدك
احترامي لك

ابو رامي

الدسي لل مقطووووووع

مغار على التنكت نوب يفتصل ونوب يعيي