|
أمانه لاتتركينه
سلام عليكم ورحمة الله وبركاته.. مساء الخير .
يطيب لي ان اقدم لكم هذه القصيده اتمنى أن تنال الإعجاب.. { تنويه} :- يوجد كلمات باللغه الفُصحى أمانه يامُنى لاتتركينه .. حزينن يذكر إنك تعشقينه خفوقه مرخصن لك كل غالي.. مُناه إنك بحضنك تحتوينه وبرمجنا على سمعاً وطاعه.. نطيعه والصعب مستسهلينه وانا خايف من القلب وحبيبه.. أخاف من التهوّر والغبينه خفوقي ليت معشوقك يفكّر.. بأن الوقت مايعرف كنينه ويقدم واثق الخطوه ويحكي.. عن اللي في فؤاده محترينه وانا بغمض عيوني وأنته.. عليك إثبت وأثبت له حنينه ولاتترك مجال يقول رايه.. قبل يسمع حكاوينا الحزينه ليا ناموا عباد الله سهرنا.. بداخلنا سؤال الزين وينه؟ تُرى هل حُبنا له سوف يبقى .. بعمرٍ يقصر وتنقص سنينه نكّن اله المحبه لن نخونه.. ونرفع لاجله رماحاً سنينه نحامي عن حماه بدمّ طاهر.. ومن عادا يروح مصوبينه انا والقلب يالعين الكحيله.. فداً لك كان هذا اللي تبينه كتبنا في الدفاتر عن هوانا.. قصايد لك معانيها ثمينه تعالي وأركبي معنا لنبحر.. لأرض الحُب واشواقي سفينه وسلامتكم ./ بقلمي |
صح لساك يا المبهم
لاعدمنا قلمك ... شكلك كتبت القصيدة وانت بالحساء |
صح بدنك يامخاوي الذيب .. والقصيده كتبت بالحساء الله الله .. شكراً لك المرور ياطيّب
|
جعله قلمن ما يندثر وسلمت يدن توجهه
رائعه من روائع مبهم الله يحفظه تقبل ودي واحترامي واعجابي بما كتبت |
.
. والله شكلك مثل ماقال مخاوي الذيب البحر ملهم يامبهم ،، والشعر لايعترف بحدود ولا حواجز ياتي عابرا رقراقا ليتربع على عروش القلوب ياخي لو من وجهت له القصيدة يعي جمال هذاالطرق وحزنه وحزن من كتبوا عليه سابقا وحاليا لاتاك طائعا يا عوض ،، الصخري ،، مجال للشدو الحزين يامبدع ،، تحياتي لك اخوك :سلطان .. |
أبو رامي مرورك بهذه المتواضعه يزيدها جمالاً ولمعان .. تقّبل ودّي ياصديقي
|
أبو ديما أستاذي الغالي .. مرورك هُنا شرف وتعليقك الجميل ايضاً .. شكراً لك المرور ياصاحبي
|
اخوي مبهم صح لسانك وسلمت يمينك
قصيده رائعه كروعة حضورك .. |
اختي الحنونه.. صحٍ بدنك وشكراً لكِ على المرور الرائع
|
الله عليك يالمبهم روعه وصح الله لسانك
ابداع وجماليه تفوق الخيال ..الف شكر .. |
سمو الذات صديقي العزيز .. صح بدنك ومرورك بهذا المُتصفح يُعطيه لوناً آخر شكراً لك وتقّبل ودّي
|
صح لسانك قصيده رائعه تشكر عليها
|
اخي العزيز التلميذ صح بدنك ومرورك الرائع زادها جمالاً .. تحيّتي لك
|
صح لسانك يامبهم
|
صح بدنك يابو مشعان لاهنت على المرور
|
صح لسانك شاعر ومبدع
وأسترسال وسبك وحبك جميل جداا اللة يبيض وجهك ((لاتمشى في سوق القيصرية واجد )) شكرا لك ههههههه |
صح لسانك يامُبهم وبيض الله وجهك ... ... ...
|
كتبنا في الدفاتر عن هوانا.. قصايد لك معانيها ثمينه
تعالي وأركبي معنا لنبحر.. لأرض الحُب واشواقي سفينه بيتان عن قصيده كامله......... |
صح السانك اخوي مبهم وعتلى شانك
|
العزيز صريح :d صح بدنك ووجهك ابيض ومن ناحية القيصريّه ماهذي بحولها والسوق لو انه زين وبضايعه باهظة الثمن لكنّي ما احب اجيه واجد شكراً لك على المرور تقبّل التحايا
|
إياد الروقي صح بدنك ووجهك ابيض وشكراً لك مرورك لهذا المُتصفح وإضفاء لوناً اخر له
|
جرّاحة القلب اشكرك على مرورك الذي يُعد عن 100 موضوع :d تحيّتي لكِ
|
صح بدنك يابو فايح ومرورك بحدّ ذاته شرف .. تحيّتي لَك
|
امانه ياعوض لا تحرمنا من قصآيدك
قصيده قمه في الروعه تحياتي لك ولقلمك يامبدع ,,, |
مرحبا يابو علي مرورك شرف وشكراً لك هذا الإطراء تحيّتي لشخصك الكريم
|
مبهم
بيض الله وجهك وصح لسانك بس لاعاد تبطي علانا بجديدك |
خفوقي ليت معشوقك يفكّر.. بأن الوقت مايعرف كنينه
ويقدم واثق الخطوه ويحكي.. عن اللي في فؤاده محترينه صح لسانك لك كل الشكر تقبل مروري.. |
أبو فيصل صح بدنك ووجهك أبيض وابشر وعسى الله يزينها وتزين
|
الجريح صح بدنك ومرورك شرف يالغالي .. شكراً لك من الأعماق
|
| +4. الساعة الآن 12:10 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط