سرقت من بستانه ورده بدون علمه
 

هذه القصيده للشاعر ابو ديما سلطان مطلق الغنّامي تجولت في بستانه فوجدتها فقررت ان انقلها لكم بدون علمه وردتاً فوّاحه اتمنى ان تنال الإعجاب

قابلتني باشة الغيد الرزينه .. صدفةٍ ماجات حتى بالمناوي
قلت ياشيهانه اسمي تذكرينه.. قالت الغالي ويفداه الف غاوي
أنت سلطان الطواريق الحزينه.. تسخر القيفان وتجّر الحداوي
الوحيد اللي على متن السفينه.. يستفز الموج ويلبّ النخاوي
قلت ياعنق الغزال وسهم عينه..ماكذبتي لكن الدنيا بلاوي
صرت غير اللي منوّل تعرفينه.. بار بي وقتي وضيّعت الهقاوي
من كثر ما اونست في سجن المدينه.. بين جدران الوجع طحت متساوي.

أنت سلطان الطواريق الحزينه.. تسخر القيفان وتجّر الحداوي
الوحيد اللي على متن السفينه.. يستفز الموج ويلبّ النخاوي


اول مره اشوف لي سرق مزين منه ولا سرق !!
بيض الله وجهك يامبهم على نقل هذه الرائعه
وانا نقيت هالبيت لانه فعلاً سلطان !! صح لسانه ولا تكفي

الوحيد اللي على متن السفينه.. يستفز الموج ويلبّ النخاوي

بيض الله وجهك على السرقه وفتواك عندي حلال زلال ما يلحقك فيها غير بياض الوجه
سلطان مغار يدسس عوايزه مار نبا نرثع فيها لين نهبله ما عاد يدس
مبدع ابو ديمه وراقي وانت مجمل الله يحفظك
تقبل ودي وشكري واحترامي

صح لسان ابو ديما
ومشكوووور على الطرح

مبهم تعال ياحرامي
هههههههههههههههه


صح قولك ومنقولك وكثر من السرق اللي مثل هذا

حاول تكثر من السرق يابو طلق ابو ديما لو اعرف مكان دسايسه رثعت فيها كلها
وصح لسان ابو ديما وبيض الله وجهك يابو طلق

مبهم يابعد حيي ابك ايه اظهر الدرر الي داسها ابو ديماء

وماعليك ماجاك عندي انا خصم ابو ديما ازهله ههههههههههههههههه

تحياتي لك يامبهم ومعك امانه انك تاخذه بالجره وتنزل الدرر الي مخبيها

صرت غير اللي منوّل تعرفينه.. بار بي وقتي وضيّعت الهقاوي


تحياتي الى سلطان مطلق من متصفحك يامبهم ابيض وجهه ماقصرت

ههههههههههههههههههههههههههههه
ههههههههههههههههههههههههههههه







:( من متى ياعوض ،، وراك عليّ



بس احلى استعارة يابطل والله انك تمون يا بو طلق


وانا اشكرك واشكر كل منّ مرّ من هنا جزيل الشكر

وممتن لك ولهم ولكل حرف كتب ثناء واطراء على هذه المتواضعه


ارثعوا الحلال حلالكم مايهمكم ياغالين :)


تحايا طيبة

اخوكم : سلطان

..