|
أكتب أجمل بيت لشباب الغنانيم قرأتة
السلام عليكم ورحمت اللة
يوجد في شباب الغنانيم شعار لايشق لهم غبار سمعت من واحد يقول أن شيبان الغنانيم أقوى شعر من الشباب فحبيت أثبت له ان الشباب يمشون على خطى الشيبان أكتب بيت أو بيتين لشاعر أعجبك من شباب الغنانيم الشاعر حاتم منير البراك قول الليل قمرا والعيون تشوف قلت , أقول = يبا ينقز غزال الصيف .. ما غاب القمر عنّا تعال الله عليك إرو الضما من هرجك المعسول = ترا ماهوب بس اللي تحت ضو القمر حنّا الشاعرمحمد بن راشد السندي خذي دنياي يامبدأ الغرام الـي عليـه أقمـت وعطيني منك كلمـة وعـد تملنـي واصدقهـا تراني من غيابك عن جميع مفطراتـك صمـت وحلفت أقيد البسمه عن شفاهـي ولا اعتقهـا الشاعر رحيم الغنامي حسبني عنه لا ابطيت مالي نفس اجيـه مادرى اني لاجل عينه عكسـت الاتجـاه يحتريني فوق رجـم المحبّـه واحتريـه اسبقه في امرار و امرار يسبقني عـلاه مستعد ارضيه و اعطيه كل اللـي يبيـه بس ما يزعل عليّ و يجيـب اللـي وراه الشاعر ماجد بالود النصيف آثبت لك اكبر دليل ان الزمن ~ جاحد وإن المفاهيم عند الناس | مختلطه .. أفعالنا الصح يلغيها [ غلط واحد ] وأفعالنا الصح ماتلغي ولا غلطه ؟!! |
صريح مشكور على النقل
|
موضوع جميل من شخص راقي يعرف ما يكتب وانا اقول ان فيه شباب شعار اذا لم يكونو افضل من الشيبان فهم ليس اقل واسمحلي اشارك بهذه الرائعه لاستاذنا سلطان مطلق
موجوع ياذيب الخلا ... اصبحت مثلك لي قنيب بعت المبادي والولا ... للارض واقصيت القريب غريب عن داره جلا ... والناس ماتبغى الغريب ياموطني وين العلا ... والتاجر لمثلي حريب فالسوق عانيت الغلا ... أونست جوع وصرت ذيب بالله ويش رايك الليست ابداع تقبل احترامي لشخصك ولموضوعك |
.
. ابو رامي على عيني وراسي انت الله لايهينك وانا يعلم الله ما اعد نفسي الا واحد من تلاميذ نبلك وانسانيتك وجمال اخلاقك واخوتك ياغالي ،، اخجلتني يا ابو رامي الله يطول عمرك ،، تحياتي واحترامي الشديد سلطان .. |
صريح لاهنت
طرح تشكر عليه اتمنى من الجميع المشاركه |
كذا بنحرج سلطان مطلق ياجماعة الخيرلأني أشوف أنه فرض عين على الجميع أن يقولوا سلطان مطلق الغنامي هو الأفضل والأجدر لتولي منصب الرئيس.....والله أني أقوله صادق ولا أجد من شباب الغنانيم من ينازع سلطان مكانته الشعريه
مع أحترامي لواحد من عيال السندي نسيت أسمه لكن هو الشخص اللي يحظرني الآن حقيقة وأحس أنه يستحق الأشهاده به في هذا المقام لكن سيضل سلطان مطلق هو سلطان الشعر وقولوا ماشاء الله لاقوة إلابالله على سلطان والله يعطيه الصحه والعافيه ويطول بعمره لكن لامانع في حظرة السلطان من ذكر قصيدتي الطويله في نظري هي الأجدر بأن تكون أفضل قصيدة قالها غنامي منذ بدئ الخليقه حتى هذه اللحظه وستبقى الفريده دوماً أقول فيها للبحور الزرق فالجو أزرقه تجتمع ياغيم والا تفترق وللصدور أقلام والعين ورقه ... وسلامتكم |
ابو رامي شكرا لكل ماكتبت
والمبدع سلطان مطلق لايحتاج الى رأيي ولو لم يكتب الا هذا البيت لأكفاه فالسوق عانيت الغلا ... أونست جوع وصرت ذيب وشكرا لك |
سند ياهلا ويامرحبا أبيات من الوزن الثقيل
بس كملها ليكمل جمالها |
موسى ماطر الغنامي
يوم الردي دايم كذوبٍ وهذار ... والمرجلة ما له كبر غزة العود لامكرمٍ ضيفٍ ولاحاشم(ن) جار ... ولاينطحٍ الدعوى ولاجالبٍ فود وإن كان جاله طاريٍ ميت النار ... ما احدٍ يعرفه كنه اليوم مولود |
راحـت مجالسنـا مشاريـه وحقـوق=كـلٍ يثـوّر بنـدقـه فــي خبـاهـا واللي توهق وابتلـش راعـي الـذوق=بـذّت خفـاه التايـعـه واحتـواهـا اليا استوى جاته على الراس من فـوق=واليا اعترض ياكثرهـم فـي حراهـا وصارت ملاخص عين ومزارق حلوق=وبروقنـا ورعودنـا فــي سمـاهـا للشاعر / بندر فيصل الغنامي والله يبيّض وجهك على الموضوع يا صريح ويثبت الموضوع |
المشاركة الأصلية كتبت بواسطة نواف الغنامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif راحـت مجالسنـا مشاريـه وحقـوق=كـلٍ يثـوّر بنـدقـه فــي خبـاهـا واللي توهق وابتلـش راعـي الـذوق=بـذّت خفـاه التايـعـه واحتـواهـا اليا استوى جاته على الراس من فـوق=واليا اعترض ياكثرهـم فـي حراهـا وصارت ملاخص عين ومزارق حلوق=وبروقنـا ورعودنـا فــي سمـاهـا للشاعر / بندر فيصل الغنامي والله يبيّض وجهك على الموضوع يا صريح ويثبت الموضوع ------------- قصيده جميله صح لسان قايلها وبيّض الله وجه من نقلها مشكورين |
نواف الغنامي أبيض وجه يالغالي
وماقصرت وأبيات روعة جدااااا بيت لشاعر يقالة أبو ذيب الغنامي اللي يعرفة يكتب أسمة كامل لو سمحتوا وقد أكد لي ذلك ناس واجد الى بغيت الشحم والطيب والدلّة ... أنشد عن الشارع اللي فية غنامي |
بيض الله وجيهكم يالاد غنام .. لكم كل الاحترام
وبيض الله وجه راع الفكر . احترامي |
اقتباس:
كامله والله العظيم |
ياسند يالغالي هههههه باقي شطر أقسم باللة
للبحور الزرق فالجو أزرقه تجتمع ياغيم والا تفترق وللصدور أقلام والعين ورقه ... |
الشاعر سعد بن شاعي بن جريس الغنامي العتيبي
لاضاق صدري وشفته واصل(ن) حده .... مريت قدام بيت(ن)يسكنه خلي واليا تـعدـيت مـبناه الـتفـت قده ... اشوف زول الغضي مدري يخيلّي عهدي بها قدم تلبس غطوة الخده ... يوم إني امر بيته رايح اصلي |
اقتباس:
ثم أن لدي حكمه تقول الزياده على التمام شروع في الهدم وهي حكمه سنيديه نسبه للمغفور له بأذن الله سند بن عبيد الغنامي رحمه الله عموماً لدي قصيده ثانيه مكتمله سأسمعك إياها يقول : يكفيك مني ضربت الكف بالكف والا سلام الله عليك بلساني ثم يسكت في الشطر هذا لألتقاط أنفاسه ويقول فالذي بعده مادام لك وجهين لك حب ثاني وهي ضافيه وافيه مكتمله المعاني سليمه .. |
سند أنت أنسان مبدع وشاعر فلتة
لذلك أكتب ماشئت ونحن سوف نصفق يكفيك مني ضربت الكف بالكف والا سلام الله عليك بلساني أبا أختصر بالهرج وأحدد الوصف مادام لك وجهين لك حب ثاني وهي ضافيه وافيه مكتمله المعاني سليمه ..هههههههه |
صريح موضوع جميل جداً وأحب أن أشارك بهذين البيتين للشاعر سلطان مطلق
** تخيّل الدنيا ورى تلٍ أخضر ........كوخٍ صغير وداخل الكوخ فانوس قارب ونهر ولحظةٍ ماتكرر ........ وانتم على جال النهر مغرب جلوس انت ومناة الروح وحدك تصور ........ لابهذلة عيشة ولاحاجة فلوس |
سلطان مطلق شاعر الرومانسية الأول بعد هذي الرائعة
شكرا لك يامبهم |
موضوع جميل
لي عودة ان شاء الله |
اقتباس:
:) |
هههههه ياسند اللة يعطيك العافية
بيني وبينك ماعاد أقدر على فراقك ... من يوم ماأمشي وأنا أفكر متى أرجع لك ماجد النصيف |
توعد وتخلف وتخدعنـي باكاذيبـك
وأنا مصدق وأحطك دون الاقرابـي من يوم بان الرداء ليش انتظر طيبك منته بأخويه وَلا من خِيرت أصحابي مشرفنا طلال الغنامي |
مشكورين والله يعطيكم العافيه الجميع
|
موضوع رائع
لاهنتوا |
فكررررررررره جداً رائعه
مشكور يالغالي أبيات لماجد النصيف يابو عيونن محاجرها ونضرتها من حلوها تخلف العاقل ليا مرك أما اترك العالم تعاين برآحتهآ ولا تغطّى .. وفك الناس من شرّك , |
مشكور اخوي الصريح وتحياتي لك
|
ماعينتوا من قصيدي شي :d
آتحمـل هرجـة أصحـاب الجهـل يحسبون العلم شـيء مـن الذهـول اللي .. ينشدني ورى جسمك نحـل واللي .. يقول انت غادي ومهبـول آتـذرّا فـي عسـف عـذق النخـل وأطلـب المولـى مفاتيـح القفـول ماعليّه من عـوج هـرج .. وفعـل أعوجانـه يرحـم أرقبـة الذلـول من يبي ياكل مـن المنحـل عسـل لايقـول أبغـاه لكنـي مـاأطـول يدخل ويصبر على قـرص النحـل لازم يجـرب معانـاة الـوصـول يوسف بن راشد بن براك |
اللة يعطيكم العافية ماقصرتوا
|
موضوع جميل
صريح بيض الله فيسك ولآهنت لي عودهـ تليق بّ الغنـآنيم ....! |
ماعلى فيسك زود يالغالي
في أنتظاركـ |
ياقلب انا ماني غشيم يسايرك=حتى تغرك ناعسات العيوني والله لوانـك تنتغيـر لاغيـرك=لواني اخسر ماورايه ودوني ماجد النصيف |
يا صاحبي .. والله اني منك ماني .. بعيـد=في .. داخلي ونّه ضيقه و حسره .. و اذا لا تحسبني .. بعد فرقاك حالي .. سعيـد=والحال .. ينقص شوي شوي منه .. الغذا اضف .. الى ذلك احساسي بإني .. وحيـد=اتوه .. اذا جيت واذا رحت .. و اذا .. و اذا خلك .. معي يا بعد روح الغلا .. و القصيد=لا تترك .. الروح يطويها الموادع .. كـذا تراك .. مهما حصل والله لتبقى .. رصيـد=وابقى .. ملاذك بعد رب العبـاد .. و لـذا ان .. كان داخلك شك اخذ الكلام .. الاكيد=مصير .. الايام تثبت لك كلامـي .. هـذا عبدالرحمن راشد |
الصريح موضوع جداً رائع الله يعطيك العافيه على الفكره وتنفيذها لاهنت
وانا ابي اختار اجمل بيت من اجمل ماقريت للشاعر المبدع مبارك الغنامي (ابو ممدوح) المتواجد معنا هنا في منتدانا ويقول شاعرنا في هذا البيت .
الـرجــل ماتلـحـقـه فـــي نـفـسـه الـشـكـه=والحـر قـبـل الـدخـول يـشـوف مخـراجـه
|
يالربع واحد منكم الله لايهينكم
يروح يجيب توقيع نواف عيد هنا انا زعلان عليه ما اهرجه اخاف يقول رجع توقيعي |
اللة يبيض وجيهكم ويعطيكم العافية ماقصرتوا
|
ماني بجـزعانـن من الـلي كتب لي .... ولاني بشاكي برد الأيام والومد
صابر على مقسومي اللي قسم لي .... ولاني بقائل غير ياللة لك الحمد ((محاولات صريح)) |
انا ابا اصير اطيب منك يا طلال واحط بيوتكــ ,,,!! :)
لو ان الحق لي بالزعل .. !! :)
مانـيب للهزلات وانـا ولـد روق=اشوم للجزلـه واكـب الضعيفـه اليا لقيت الما من الورد مطـروق=عفتـه ولـو ان المـوارد كليفـه يومن ولد اللاش يحوقهـا حـوق=يفرح ليا جا من قصيـره غريفـه لاسر مخلوقن ولاضـر مخلـوق=ولامنه في وقت المهمات خيفـه يمناه تقصر جعل يمنـاه للعـوق=وعينه عن دورْةَ المراجل كفيفـه للضيف لاواجب ولاحسن منطوق=يكض غيض الكره في وجه ضيفه للشاعر / طلآل مشاري الغنامي |
اليا بغيت أم الشحـم و الدلـه
و سوالف ٍ ما هيب قال و قيل رح يمّ بيت ٍ صاحبه غنامـي نسل الرجال متعْبيـن الخيـل و اليا بغيت الشعر على اصوله اسمع قصايد ناصر ابن ثعيـل المراقب نواف الغنامي |
| +4. الساعة الآن 03:25 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط