الطارف واللي واثق يقرب
 

اليه ثلاث الليال ماشفت من يبدا مـــعي قــــاف = والقاف سهل وكل شاعر يبى يـظهر حصيله
مدري علام الناس من شعرنا صيبت بخفخاف = يــمكن على شـــاني تزعتـهم فــي ظرف ليله

أأرحب مليوون

وأستلم

الثالثه ياصاحبي ثابته قيلة بالأعرآف
جعلك بعدها يا صحيبي تضوي لك جميله

ما أنته بمطلق ياعميلي ولا أنت بمثل صيآف
خل الزعآمه مانت حصنن ليا حميّت نجيله

خل الزعآمه مانت حصنن ليا حميّت نجيله

ههههههه صح صح

صح لسانك ياالحصان على البدع الرائع وصح لسانك ياعبدالله على الرد الوافي

<<في صف عبدالله وفي يدي باور هاوس هالمره

صحت الالسن


واصلوا يا مدبعين

والثالثه ثابته :)


والصف صف عبدالله

ابنشدك عن ما كتبته ياعبدالله في الاسلاف = عن قايل الابيــات وانــته تمثــلك قبــيله
يا وجد حالي يوم اشوفك تعلى كل مشراف = واللي برك للحمل ياصاحبي لازم يشـيله

معليش ترى ما انتبهت للرد الا قبل شوي

تصبح على خير وان كان به رد ابا القاه بكره

الله الله

ها دووك

بجاوبك لو كان مالي معك شيكـ(ن) وصرآف
اسمه نجم والفعل نايف وهو فوق الطويله

خل التوجد وأطرح العلم جعلك رجل عرّآف
وانا على قد الحمول الخفيفه والثقيله

سند أرحب مليوووون

دامك في صفي عز الله ما شكيت ,,

لاهنت

نواف يامال العافيه

ارحب ملايين

وأحتزم وانا اخوك يبى يجي لليل ,,

وابنشدك كم لك تغني ياعـــبدالله في الارياف = والا الــــمدينه جيتك في ارضها دايم قــليله
وراك ما شاركت في شاعر المعنى وتنشاف = وتجيب سيف الشعر ياصاحبي بهون وسيله

لاهنتوا يالحرار الصواريم وصحت الابدان .......مواصلين

اسم قائل الابيات الثلاثي انا سمعت انه من ظلم ولا هنت ياعبدالله

أرحب مليون

واذا خلصنا قلت لك اسمه الثلاثي

غديت في غبة بحر ياولد واعجل بالأنكاف
حنا تعبنا ننتظركم نبي شوف العبيله

رآحو رجالـ(ن) يعرفون المعاني جل ونحآف
كلـ(ن) على مدة يدينه وكلـ(ن) من حصيله

اللي يحــج البيــت ياصاحبي يــسعى ويــطاف = وانــته من البارح عيونك تخايـلك مخـيله
جاك المطر ياصحبي والمزون اثقال وارداف = وانته تضيع العصر ياصاحبي منتب دليله

الله صحت السنتكم

والصف مع ابو عابد ولايهون الحصان


كله على شان مبهم معه

مبهم ابو فيصل

أرحبو ملاييين

لاهنتو ,,

الله الله
شاعر وانا اخوك شاعر

شاعركم اللي كل ليله نشيله فوق الاســـعاف = روح يخض الماء يباء الزبد يظهر من صميله
ياشاعراً في الملعبه مالقى تــــشجيع وانصاف = من خـــوخ الاردن لايجـــي غير ملـيانن شليله

اليا سلمت من الكوايا ترى ما جاكم خــلاف = المــيد يــارجــال ازود حــمايمـــكم ملــيله
اكويك بنيران واحرق جنوبك عقب الاكــتاف = ياشعراً في الشعر يزهم على عمه عديله

.
.

فرك وعرك ،، ياشباب ماخلص القاف !!


وين انت يا ابو عابد


صحت السنتكم جميعا ياشباب

تحياتي لكم

سلطان


..

صح بدنك اخوي سلطان وحياك الله

أرحب ياسلطان

انا توني اشوف رد الرجال والعذر والسموحه على التأخير

خلوهآ,

يافكرتي باللي شبيه الحصن قدّآم وخلاف
لكنّ لامن جيت له مندفع شوّل بذيله

ياشاعراً لامن غدى الليل تلبس ثوب شفّآف
مدري وش الحكمه من الثوب مير الله وكيله

مبدعين الله يعطيكم العافيه واصلو وحنا معكم متابعين

الله الله
صح لسانكم جميع

ياطــيب نقـــزك في الـسعه يالوفي لاصــرت ميلاف = اتشــــمشم الباغات وادسها وسط المسيله
خــلك وزان الوايــت اللي علــى شــراع واعــلاف = والا الحـصان يروعك لو توحى في صهيله

المشاركة الأصلية كتبت بواسطة الحصان الاول http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
ياطــيب نقـــزك في الـسعه يالوفي لاصــرت ميلاف = اتشــــمشم الباغات وادسها وســــط المسيله
خــلك وزان الوايــت اللي عــلاه شــراع واعــلاف = والا الحـصان يروعك لو توحى في صـــهيله

.
.

والله عندي تعليق بس خل لين تنتهي المحاورة هذي اطول محاورة مرت على المنتدى

مادري عناد فيكم ولا لكم معنى باطني غير المعاني اللي بدت تطفو على السطح ،،،

بصرونا معكم ترانا ضعنا في الطوشة ياشباب

صحت السنتكم ،،

سلطان


..

صحت الابدان يالجميع

مابدينا على شان ننتهي !!!

سلطان أرحب مليوون

وإن كان الرجال ما طاح اللي في راسه انا معه لأخر الدرب ,


الحصان أستلم ,




أرفع علومك وأترك الهرج راح أرباع وأنصاف
والشمشمه للي سواتك تبطح فالخميله

أحذر من البطناج يا صاحبي خلك بالأطرآف
أوحي نبآح ومر(ن) نهيق صابتني مليله

الشعر مع شرواك يـابن الحموله دوم ينعاف = بـس الــخطأ مبداه منكم وعود لك فشيله
شعرك دمـــار ان كان لــفيتها ياهــن بلفــاف = والا انت صيده ما تدسم ووزنك ما نكيله

في الحقيقه لم ااحب ان تكون هذه المحاوره بهذه المستوى وفي الحقيقه انني اسف على ما بدر مني اذا ضايقت احد او زعلت احد من الكوكبه الموجوده من الشعار واعلموا ان الابيات مجرد دفاع فقط ولا يوجد مما قيل في الطرفين ماهو صحيح الا العلوم الغانمه فقط .... لذالك انا اكرر اسفي ومع السلامه لانني لا استطيع الدخول في هذه الاسابيع المقبله لظروف العمل امل بعد الاطلاع على ما تقرءونه السماح لي أخوكم (خالد عبدالعزيز العتيبي )