الله من قلباً همومه كونّه
 

سلام عليكم ورحمة الله وبركاته أحب أن أقدم لكم هذه القصيده المرثيّه في طلق بن عوض بن مشلح الغنّامي { رحمه الله } قالها أخيه عايض بن عوض بن مشلح الغنّامي ..

الله من قلباً همومه كونه -- أونست في قلبي جديد المكاوي

البارحه ياناس جريّت ونه -- جريتها من قلب ماني بغاوي

أمراً فجعني ماتحملت اكنه -- والله يكافينا شرور البلاوي

ياعزوتي سود الليالي خذنه -- ويش اعتزيبه في نهار العزاوي

واسيفي اللي في المهمات اسنه -- قفت به الدنيا تجر الحداوي

عزي لمن سود الليال افجعنه -- سود الليالي مخلفات الهقاوي

كم غافل سود الليالي فجنه -- لو أمهلت فجعاتها بالحراوي

يقوله اللي مونسٍ حرهنه -- اصبر وانا للصبر ماني بقاوي

يا الله طلبتك كافنا شرهنه -- العفو والرحمة وانا بك رجاوي

مرحوم ياللي بالرجاجيل كنه -- نجمٍ يدل اللي عن الدرب غاوي

أمسٍ وانا وياه حنّه ورنه -- واليوم في لحلوح قبرٍ خلاوي

يا الله عسى ملفاه حورٍ بجنه -- واغفر ذنوبه يامجيب الدعاوي

ياغافرٍ زلات عبده بمنه -- يامنتهى الشكوى عليك الشكاوي

أفرج لمن قلبه على النار كنه -- أحس قلبي تقل يلويه لاوي

على الذي ماقط كشّر بسنه -- ولاهو مضريني بشين اللغاوي

وانا ادري ان الموت حقٍ وسنه -- الموت بين الناس سارح وضاوي

لكن عبرات الضمير هضمنه -- تشدي لعبرات الغريب الجلاوي

مسكين ماله والياً يستظنه -- الموت عنده والحياة متساوي

ياربنا طالبك عفو ومحنه -- استغفر الله عن جميع الخطاوي

على محمد هادي انسه وجنه -- صلوا عدد رش السحاب السماوي

الله يرحم طلق ويسكنه الجنه


اخوي مبهم صح لسان شاعرها ولاهنت على النقل


لوانك صبحتنا صباح تسدر

مبهم صبحتنا الله يهديك قصيده مؤثره والله يرحم ابو بدر

الله يرحمه ويسكنه جنات الفردوس صح لسان الشاعر
والله تقطع القلب ما ر الله يكفينا شر الدنيا
الف شكر يا مبهم على النقل ...............تحياتي

مبهم لك كل التقدير على ما اوردت وصح لسان القائل ورحم الله من قيلت فيه
تقبل احترامي

الله يرحم ابو بدر

وصح لسان عايض

صح لسان قائلها ورحم الله طلق وكل الشكر لك يامبهم على النقل

.
.

رحم الله والدك ياعوض رحمة واسعة واسكنة جنات الفردوس

وعوضك بصبرك على فقده انت واخوتك وكل من يعز عليه هذا النادر

كأني به واقفا يلوح بكفيه النديتين الى الافق البعيد قائلا :

هناك ياولدي ياسلطان وراء هذه السماء جنة خضراء للنبيين

والصالحين والشهداء ،، قلت :وانت منهم ياعمي انت منهم

واختفى الى الابد ياعوض اختفى واخفتفت معه كثيرمن القيم

والمباديء والسيرة العطرة التي مازال الجميع يرددونها بينهم ،،

والدك حكاية كبيرة لن تحصي صفحاتها الكتب مهما قيل عنه ،




صح لسان ابو يوسف


شكرا لك

سلطان

..

مشكور اخوي مبهم على القصيده المؤثره
والله يرحم جميع اموات المسلمين.

صح لسان قايلها ورحم الله طلق واسكنه الله في فسيح جناته

وسلمت يمينك يالمبهم للنقل الرائع

مبهم ,,,,
والله آبكيتننآ في قصيدتك المؤثره ,
ولكنك رآئع بمعنىآ الكلمه ,اللهم آ رحم جميع آموآت المسلمين ,
لك ودي وشكري وآحترآمي آخوك بن وبصآن ,

الله يرحم ابو بدر ويجعل مثواه الجنة ويجعل قبره روضة من رياض الجنه..

مشكوراخوي على القصيده.

مبهم صح لسان الشاعر والله يرحم ابو بدر ويسكنه فسيح جناته والله انه فقيده
مرحوم ياللي بالرجاجيل كنه -- نجمٍ يدل اللي عن الدرب غاوي

وانا اشهد

تحياتي واحترامي لك

الله يرحم الميت ويسكنه فسيح جناته وجزاك خير ياقايلها والله انه موثره وصح لسانك

الله يرحمه ابو بدر

عز الله إنه فقيده

وصح لسآن ابو يوسف

ومشكور يامٌبهم

لا عدمناك

تحياتي ,,’

الله يرحمه ويعفي عنه

نعم الرجل دين وكرم وخلق

عزاؤنا انه من اهل الخير ان شاء الله


شكراً على النقل اخوي مبهم

الله يرحمه ويرحم اموات المسلمين
وبيض الله وجهك على النقل المميز