|
يالربع حنا رثع في زهابنا
مواضيعنا اللي حنا تعبانين فيها من اسبوع وجاي ما عاد ندري وان راحت جانا شباب نشاط الله يعافيهم وخلوها ثعوه اظهرو اللي في الخملان واللي في العياب واللي تحت الزهاب وقامت غبرتها واقفه والمشكله من الأوسمه الماخوذه كلن يبا يجمع نقاط على شان ياخذله وسام لاكن انا تراني متنازل عن اوسمتي الخمسه وزعوها علاهم وفكونا من تفتيش
خملانا اللي بعضها والعتن فيه الأرضه |
ابك ما فيه احد يفتك زهابنا
|
ابك الحقو زهابكم جاته سحابتن ندرا وعانو طوسكم وقدوركم تطافح مع السيل الحقو على الباقي
|
هههههههههههههههههههههههههه
اضحك الله سنك يابو رامي والله يسعد ايامك انا من اليوم ادوركم ولاخليت متسان ماجيته والربع راحو شعر ظبي احسبني منجوم وطايحن في منتدا مهوب منتدانا لين شفتك مار واغلّي يالعب التسلاب في عطايا الله :d |
لايمك للنار يابو رامي والله ماندري من حنا في يده مير الشكوى لله والبارح لقيت جرتك يومنك تجمع زهابك وبغيت اعاونك يابو رامي ثم عقبني شخب ابليس على زهابي ورثع فيه ثم نطله فالمرحان اللي حولي وثم دقو علي جيراني وقالولي تعال اخذ اعفوشك اللي منثورتن في كل مكان وعاني مغر امشي واجمع في اغراضي والظاهر اني معاد اجمع من كثر ماجمت من الاغراض حفت من زهاب الناس شين واجد وان لقيت شين علاه وسمي رده علي جاي تكفا يابو رامي
|
هذا والله الليل اللي مافيه مسرا
ابك العلم ويش يالربع تجودو في بعضكم لا تضيعون والزموا مويضعاتكم الجديده جاكم واحدن منطلق من رباطه وفيه نشاط وجعيل ويبا يرثع فالزهاب كله لكن عطوني الليور وقربولي الحراثه وشريط بندر بن سرور اللي يقول (والله لاحده لان تابس شفاياه) |
يااااااوك ربعي يااحبتي يالاد غنام لا يسري لين يلامجها وانا هونت ماعاد ابا حراثه ولا ليور مار عطوني الشوزل عانه تعداني يطردله باغه ولسانه طول ذنبه <<<<<<<<<<<< عاصبن راسه وقاعدن للذيخ دون المراحين اللي يقمقم فيها |
ياذياب والله انك صادق عانها قامت تطرد عطايا الله وهي صايبها هراش
مغار تلحظ الرايح والجاي وهالحين الواحد مايقدر يروح لمراح حلاله عشان يظرمها |
السلام عليكم ورحمة الله وبركاته
ابو رامي الله يضحك سنك والعتن فيه الارضه ههههههههههههههههههههههههههه مالقيت في امراحي الا جركل القاز ماشافوه ورى الشره وطشتن في امراح الخلفات اظرم به السويده طشت مع همل النجيل تعين لي البكار المغتر تراي كاويها عن الشوكه وص لي ابن جعيد تقبل مروري |
السلام عليكم ورحمة الله وبركاته
العبرود هههههههههههههههههههههههههههههههههههههههههههههههههه ه لقيت في العهينات خميلن والعتن فيه الارظه تباه منهوله وبدارتن فيها نسيه تقبل مروري |
السلام عليكم ورحمة الله وبركاته
ذياب ابن غانم ههههههههههههههههههههههههه مساك الله بالخير اعسمتهم قاتمه يتحمطرون ورثعو في الخملان وطرحو الصفيف ابعثوالميت ودفنو الحي نبا ريجيل وسيارات وعلمو الخدام ربعي ياربعي ومرابطه المخظار وعلملي صعيقر الظاهر لقانا حليت ناقته المهيجيره تقبل مروري هههههههههههههههههههههههههههه |
هههههههههههههه
ابو رامي مسري العبرود اهب عساكم للصمم ابك من البارحه ادروكم ماخليت متسانن ماجيته واثركم شادين مادري انا مضيع المهم ماحد شاف الشنطه الحديد اللي فيها الدربيل ولاحد شف الخثل اللي فيه المرسه اللي منول نجذبّها الدلو من العوده وحلالاه اي والله العبرود تعال جاي ابك البقشه هاذي من هيله تباها على درب المحيلين |
ابك انا فيه قشيشٍ لي داسه بعضه بظهره من العفوش وبعضه ماابى احد يدري عنه وقالوا به ليهو طشيش
|
اقتباس:
وحيد الجزيره ايه انا امس مادري وش شفت مار والله ما ابرك منها خلك الحفيش اللي تدسسه يظهر |
يابو فيصل البارح مسري شافهن يطردلهن باغه ثم جاها معصير شالها وعانهن يلحظن المعصير ليا هالحين ثم تعدن من عندي ودسيت زهابي خلاف رمثه وفيهن واحدن من خلافهن دوب يعدي ويوم قربته لياهو مقرطن في غوريك الاصفر اللي عروته حاطن متسانها سيم اللي ظليت تسويلنا فيه حليبه بالزنجبيل يوم نسير علاك ومنفاخ النار حق مسري ناشبن في رجله وعان ابو علي مايلقى ماينفخبه النار وليا مفواح القهوه حق نياف ناشبن في راسه ومغار يتخثع في السلم وهذا ابشرك مهوب رايحن ديره يبا يموت قريب وانا ابروح غبشه اسرح اجيب المري يقص جرته لين نلقاه ونرد اغراظنا اللي اخذها
|
ياابورامي اثر الخملان الي اكلتها الارضه ماسلمت بعد انا اشومنكم ماخليت الى صميل مفري مع الجنب
|
العبرود
ابك انت وش تقول الابريدز راح مغار المشكله غوري نياف حق القهوه وانت تعرف ابو رامي والله ليلعن الحي والميت مار اذن الله يطرحه في شبك العرب اللي فالمراح |
ابو عليط
لا انت اشوي رافعن قشك فوق الرضم ماتلحقه |
ابو ثامر هههههههه
الله يكرم الميهجيره عنها لا ابشركم ركد الهيج عقب الليل التسدر يوم اصبحت اليوم ليا المراح مليان من المتوع والطسول والخياش والشمايل والجنايب واللساتك والجلود (احسبني فالجنادريه وسط الموروث الشعبي:d ) ثم اوحيت حسه يصوي ولقيته رابضن في الشنطة متقنعله باغه وقلبت الشنطه فوقه والثاني لقيته رابضن في كفره يلهث والغوري بين ذرعانه ثم حطيت فوقه جنط مورسدس لكن تبون علمي اليوم نباها هدنه وقلبن ياويلهن هدان خلو الربع يجتمعون وبعضهم يلقا بعض ثم ازهمو على راع الدنه (عبدالله) يجي يقتشها كلها |
اقتباس:
ابو علي جيتك فيها بركه مار النشبه واحد طول النخله ماتشوفه غار معدن فوق المركا يتهايق من ورا السناح والا العجاج ركد ابشرك |
عمود الخامه يوفي بالغرض لمن يتهايق من ورا السناح
خلك قريب وانا ابا انقز على رجلن وحده وارصه بين حجانه |
مسري
الصوره اللي في معرفك بعييييييييييد وشهي |
ههههههههههههههههههههههههههههههههههههههههه
ههههههههههههههههههههههههههههههههههههههههه الله يرج ابليس يا ابو رامي ،، انا مثلك امس دخلت ليا الوضع ماهوب اللي انا خابره ناس جدد ومواضيع ماعمري شفتههها قلت وخذنا لاحاجة ،،،،، الله يرج ابليسك ههههههههههههههههههههههههههه ... |
هههههههههههههههه
يابورامي تصدق انك الوجبه الريسيه في المنتدى العفش راح ان سلمنا حنا سالمين ........تحياتي |
مساكم الله بالخير ليتهم يفهمون المواضيع المبطيه مانباها
|
ذياب بن غانم - العبرود - معدي الغنامي - وحيد الجزيره - ابو عليط - سلطان مطلق - سمو الذات - عبدالله الهاشمي
الله يسعد ايامكم والله ان كل واحد منكم يستحق اني ارد علاه لوحده ومروركم على الموضوع اسعدني جدآ وضحكت ضحك عمري ماضحكته في حياتي الله يسعدكم ولانشغالي رديت جماعي لظرف سوف اقوم بأيضاحه ادناه . انا من البارح وانا حارس عوايزي واحامي عنها ما ابشركم الجعر طرحها السهر والرثعان ويوم جاء الضحي ولياهي نطل تحت القشع مرقده وكل واحد تدواوى الذبان في فمه وكل واحد غمصته هذا طولها ومعهم جعريه ربداء ختلتها لين قربتها ولين فيه دجاجتي البرقاء اللي منول ابا ادخلبها المزاين من اللي ذبحته الجعر المهم نتفت ريش الدجاجه وفريت بطنها وعبيته شطه وجنزبيل وعويدي وملح المهم اشليت الجعريه نبزه نبزه نبزه لين تطمنتلي وانا انطلها الدجاجه المحشيه وهي من الرثعان والجوع ما عادتميز وهي تناول الدجاجه وهي تزقعا لقمة وحده وتغصصبها قلت حيت قلت ماتت المهم بلعتها صماء وحصيلها فيها ويوم اخذت شوي وهي تمغط وهي ترفع ذنبها وهي تدمجها رثعه والله لايوريك تاخذ الشعيب من اوله ليا اخره نوب مسنده ونوب حادره لين امساها الليل ولع الفلفل والجنزبيل نار حمراء في بطنها ويوم غابت الشمس ما عاد اسمع غير ادبكتها وقبل شوي يوم اختفا دبكيها وانا اخذ الكشاف واروح ادورها ويوم جيت لياهي منسدحه وعيونها في اقصى راسها ومشطرتن ذنبها وهو سايل خلافها وتاخذ وتظرب بذنبها فيه وغمصتها هذا طولها ويوم عودت للجعر اخوياها واليهم على نومهم المهم هيه سديتكميها اما عيبتها والا غيبتها بس انتبهو من الجعر الثانيه على زهابكم ترى هاذي حزة مقامهم |
ههههههههههههههههههه
الزهاب يعني العفيش والعفيش يعني الطلي المنقطع والخملان شكلها دابتن فيه الخمله هههههههههههههههه |
بالعكس انا مبسوط من سلمان لانه ابدع وابو رامي ترى كان يمزح ويلطف الجو يااخوي سلمان ولاتاخذ على خاطرك ترانا اخوان
|
| +4. الساعة الآن 07:13 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط