|
قصايد بندر بن سرور كتابة
بندر بن سرور
الشاعر الكبير بندر بن سرور بن خضير بن شايد بن مدرع القسامي العطاوي |
قال في قصيدة عندما حصل بينه وبين أحد الشعراء مرادات مادحاً أهل المدح ذوي عطية : يالله يــاجــالِ الامــور العــظايــــم"="نســألــك الجنــه وتثـبيــت الأقــدام يابـن مــلافــخ خــل عنـك الظـلايـم"="مــن يظــلم الاجــواد يـظلــم وينـظام ذوي عطـــيـه يـاردي العــزايـــــم"="هـــل المــهار اللي عـلى المــوت عـزَام على ظهـــور أمـعالكــــات الشـكايـم"="كــم سربــةٍ خــلو مراضيــعهـا ايتـام اليــا جــرها قشعــان والحـظ قــايـم"="يشـبــع بهــا طيــرٍ اليــا مـالقى حـام وبخــيـــت عنـد التـوم جـا لـه زحـايم"="في مـاقـفٍ يالـلاش مـافــيــه رحَـــام هـذي فعــولـك تـجحــد الطيب دايــم"="وعـلى حمـارٍ لـك بـمـغـزاز وخــطـام جـدك دنـيـَس يـا لعيـــن الـرســايـم"="جــابـوه مـن مكــه ملــيـس ولحــام غـشـيـتــوا العـالم بلبــس العمـايــم"="والبـاســكم مـن لبـس زيــنات الاوشـام عـز الله أنـك يابــرق الـريــش هــايـم"="كنـك صــدوقٍ وانـــت تضـرب بالاوهام |
منقول
هذه القصيدة للشاعر الكبير ( متنبي عتيبة) بندر بن سرور والمقصود فيها (فيحان)هو فيحان بن متروك الفراهدي اخو بندر من امه وإليكم القصيدة: آه يافيحان من بعد المسافة= بين نجد وبين ريعان الحوّية راكب اللي يعجبه يوم حافه= زين صوته بالسيور المعدنية زين الصناع شغله بالكيافه= ناسجٍ حوضه على ذوق الحنية يوصل الي بان بالقلب اختلافه= عيت الأيام تسمح لي بمجيه شبه وضحى قيضت فوق اللصافه= ربعت بطبيق وفياض الثنية ماتلت راع الغنم مجيف لحافه= ثانية طق العصى بارد حتية مع بلاوي زينها زود النظافه= ماتمشت بالرفايع دلبحيه |
منقول
حنا اليا جاء الطلب جينـا رباعيـن=كل ليا جـاء لزومـه شـد ميـزاره ننطح من الوجـه مانقفـي المقفيـن=مانيب هقوتك خالـد ماكـر الفـاره يابن ملافـخ تراهـا بيـن الاثنيـن=والكلب دربه علي القصـاب معبـاره انته ذريق الجمـل رجـلاه فالطيـن=وليـا هـدر فـي نحـاه هــداره وهقك عنـد الصلـب قـول ملبيـن=نعم اليا اقبلت من طمـران وطمـاره الناس يا الـلاش كـل ماقفـه زيـن=الا انت ماقفك بين الفـرد وحمـاره وتـراك دايـم مـلـم للشياطـيـن=وتثور الحرب عقب الخبز وكـراره يالنجس يا الدود يا الديان يـا دويـن=يالفاجر اللي يعـم النـاس باشـراره عمتك تعمـي عيونـك يـا كوينيـن=عمتك بالشر حمـرا عنـد جـزاره مزبـانـي الله يقولـونـه مغنـيـن=من حمدي العبد يوم ايوضح اشعـاره يالنـذل يالـلاش عمانـك سلاطيـن=ماهمهم لـو تجـار الطيـب بنكـاره تري الكرم يا الردي يملـك كريميـن=والا انت مارد مريـد يـذي الجـاره ويش انت خابر حداك الله علي الشين=لولا الرباعين ماغنيـت يـا عمـاره غير الدفينه طـلال وكـون فرقيـن=والعطفه اللي لخيـل القـوم حشـاره والا انت شوخك تحنشـل للبعاريـن=اطيبهم اللي يجيب الحق بـه جـاره وحسن الذنب يا الذنب ما يقضي الدين=اذنابك مثلك مع الاجـواد غـداره |
منقول
ماني وانا بندر براعٍ ولد راع /// انا الحصان اللي طوالٍ حباله إبن سلايل خير من شالت القاع /// المصطفى الهادي وديع الرسالة ماني وانا بندر ببيّاع دمه /// يقطعك يا بياع دمه و مهفيه اللي يبيّع لابسات الأزمه/// ثورن يبي بيض العماهيج تغنيه ماني وانا بندر بهيسن ولد هيس /// هيسٍ يدنع عند حرمة قصيره ليا بغيت اجلس ترى لي مجاليس /// وليا بغيت انهج دروبي عسيرة ماني وانا بندر بهيتٍ ولد هيت /// هيت مقابل خمّةٍ يكرهونه من كثر ما جرّبت وأقبلت و أقفيت /// قولة هلا من لا يودّك مهونة ماني وانا بندر على درب الأنجاس /// اللي قريبٍ تفلها من لحاها أنا بدرب الصيرمي عدم الأجناس /// زيزوم روق ليا تنصّت عداها ماني وانا بندر بنصّاي جابان ///شوخ الجموس مناقرين الحليلة ليا صار لي لازم نصيت ابو فيحان /// شيخ الشيوخ مكمّلين الجميلة صوتي وانا بندر طويل ليا بان /// إن ما خشيت الرب ويش اختشي له ما ينرمي قولن على غير نيشان /// و من لا يثبّت حجته ويش هي له |
منقول
شي بقلبي واهجه مستمري "="لولا ازرق الدخان يطفي لهيبه سلط على الدخان لو هو مضري "=" له حزة عند احتكام المصيبه وأنا الذي ماابدي على الناس سري "=" من خوف سودان الوجيه تحكيبه اصبر على ضيم الدهر والتعري "=" من شان من يرضى على الغليبه وابعد مجالي عن عيال التزري "=" من لاهو قلبي دواه المغيبه اخاف لي من مجلس ما يذري "=" في جانبه بوم حساسه صليبه سوالف مابين تجحد تقري "=" يجرح فؤادي عية وابتليبه والله خلق بالكون لي ثلث بري "=" يكفن ثلثين البحر ويش ليبه وإليا بغيت الدرب ما نيب اطري "=" امس للفرجه حبال النجيبه واقطع تهاتيه الخلا بالتجري "=" واللي يجيبه والي الامر اجيبه يرضيني المقسوم خير وشري "=" سبحان من لا تعلم الناس غيبه احد على ربعه يحب التحري "=" للشر بلاس وخيره بجيبه هذاك انا يالربع منه متبري "=" لو عظني ناب الدهر ما انتخيبه من خوف يضحك لي وهو يستغري "=" يفتل حبال السوء ما يندريبه يفرح على بكل شر يمري "=" وان شاف يمي خير عني انهيبه |
منقول
عز الله انه هال ما طال يا سعيد"="زل الشهر والوقت طوال بديده اللي من اول للخلايق مواسيد"="أسقي غرير الهم لو يستفيده قم يا رشيد الحق واقول يا رشيد"="الله عليك انت من ايا بديده اما البديده منك عند المواعيد"="ولا همومك من حياتك زهيدة ابستفيدك كان جربت افيد"="تنام واسمك حول الاسمر رشيده لي قصة يشهد بها راضع الديد"="يعدها غيب السراب الطريدة طويلة عريضة بالتماجيـــــــد"="يفرح بها الطيب فعول مجيده طويلة عريضة بالمناقــــــــيد"="يفرح به النمام شين العقيدة جار الزمان وعاونوه الحواقيد"="اللي لهم من قبل ذلك حقيده يا رشيد يوم اتعبتني بالتناشيد"="خذ لك من الدرويش زبدة قصيدة واليا ذكرت الله وكثرت تمجيد"="ترى محمد صفوة الخلق سيده ترى ابرك الحزات يوم صدف عيد"="جمعة اسبوع وصادفت يوم عيده أذكر الاجواد صد وصوامــــيد"="وانذال لا صدوا ولامن صميده واذكر لك اقشر ما على السيد والبيد"="اللي طمع بنت القصير الحديده فضحه قصيره عند انه اكسب فيد"="سوالف بها للناس خطو البليده سولف بجرح سال جرحه تضاميد"="زود لجرح الجرح ينزف صديده من لا ستر خلات غرات اجاويد"="هـــــذاك نقال الخبيثات بيده وليا وطاك اللي وطاني تراديد"="رد السؤال ولا تحير بريـــده وانا الذي قد مرني سلك تجنيد"="خــــــدمت به عدة سنين مديدة مرحول هم وكل شي احيــــــــد"="احيد زين وشين والهم احيده اسمع صرير القلب بين الحواديد"="حدنه الاضلاع واسمع رديـــده والله مأهني قاضي العمر ترغيد"="ابن الئيم اللي حياته رغيــــده أهني الكلب الحجل بالمراقيد"="وضب الخلا لو كان ياكل رديده |
منقول
الا يا نديبي فوق دوج عليه شراع "=" ما قال انفخ التشريق جا في مواصيره ليا هبّت العليا و قام العجاج و راع "="يهيضك مع السكة تثاوع معاصيره صنايع يهودٍ لا يبدّل ولا ينباع "=" يقربك من دار ويبعدك عن ديرة بعد طلّعوه مجَيّكٍ ما يبى المرجاع "=" سمع من وراه الفوج غنّت مواطيره ليا دق سلفه قام حسّه يرجّ القاع "=" ما جاه المعاون يشتغل في مساميره عطاه الثنين و زاد له بالأبنص و فاع "="رزيمه رعد مزنٍ تهلّع دناقيره خرط له بثالث عقب نشّه بعزم و زاع "=" و شتل له برابع ما يضيّع تغاييره ليا شال عزمه ريّحه وامنٍ مارتاع "=" مسك مع يمين الخط و يلدّ لانبيره |
منقول
سرى البارق اللي روس مزنه تنصت الغال "="على هجرة ابن سنون وادني الشبيكية على شان حصة جعل يسقيهم الوبال"="إليا عودت مالي ومال الحبردية تتل الضماير تل غرب على محال"="تصافق به الجيلان ملح اجماليه اليا نقضت شقر على ردفها ميال"="تخابط سبلهنه مطارق شراطيه ألا يا عيون اللي مواكيرها بالخال"="توايق رقايب نجد ما هيب بحرية |
منقول
اشرب من ابو بس و أنسها نس "=" نس المهرب مع خطوط الجزيرة ليا من عطى له ثالث قام يضرس "=" خفر السواحل في طريقه خطيرة شدة قصير ولا يمر المهندس "=" توّه جديد و عالمٍ به خبيرة يسري من الحدّين و يصابح الرس "=" عليه بندر ما يخونه ضميرة جاب البضاعة من مغانيه بالدس "=" ماهوب شاةٍ ميتة في حظيرة يالله يا منشي السحاب المطمّس "=" تفرج لمن مثلي عيونه سهيرة |
منقول
ياسخيف الذرعان مافـي وسـواس "=" لي حاجتةً بالعرش واسعى وراها واسجد لقادرها على غفلـة النـاس "=" واسالـه الجنـه يكمـل عطـاهـا اسعـى ورى حـد مهاويـة دراس"="زيـزوم نمرً قادهـا ماتـلاهـا علق حبالي فرخ واليـوم قرنـاس "="واللـي بحالـي للولـي مشتكاهـا اعوذبك يارب من سعي الافـلاس "="وانته رقيب النفـس تعلـم خفاهـا يابنت انا هـذي شفايـاي يبـاس"="اطابق الوجبات ما اشفـق علاهـا ماني وانا بنـدر بتبـاع الانجـاس "="اللي قريبً تلفهـا مـن لحاهـا انا بدرب الصيرمي عدم الاجنـاس "="زعيم روق اليـا تنصـت عداهـا |
منقول
بالي تحته الله من عين(ن)ليا عسعس الليل "=" عافـت لذيـذ النـوم ماتهتنيبـه ياوين ابا القى من يحب التعاليل"=" يبدي بزين القـول والاابتديبـه خطو الولد يامال قصف التماثيل "="يشرح عيوب الناس ماشاف عيبه يفرح ليا شاف المجالس هراميل "=" ويكره ليا شاف المجالس مهيبـه ماشوقنـه طيبـات التماثـيـل "="مع شايب(ن)قد بين الوقت شيبه ماهوب شايب شيبنـه غرابيـل "=" عيد(ن)يقفي به وعيد(ن)يجيبـه وانا الذي شفت الوزي ياسماعيل "=" طاوعت نفسي لين شفت الغليبـه النفس طير(ن)والخطايا محابيـل"=" والناس رواي الحديـث تحكيبـه وانصحك ياللي تايه(ن)بالدواويل "="اليا تاه فكرك تاه مسرى النجيبه احذر تصلي بالهـدوم المسابيـل "="واحذر تخاوي اللاش تابع نسيبه 77 |
بديت ذكر الله على كل ماصـار "=" يستاهل الذكرى عزيز الجلالـي
والكار للي صار بالشرق مسمار "=" بنحور الاعداء مايحيله محالـي الين من الماهود واقسى من النار "=" يفتل وينقض مبهمـات الحبالـي ياشيخ انا حملي ثمانين قنطـار "=" عجـزت والله ماقويتـه لحالـي والانت حر(ن)صيرمي وجبـار "=" شيال صعبات الحمول الثقالـي شل عني الحمل الذي فيه محتار "=" تلقى جزها عند منشي الخيالـي واللهم صلي على سيد الاخيـار "="المصطفى اختامهـا اول وتالـي |
مالوم عين(ن)تصطفق بعض الاحيان "=" شافت غرابيـل الزمـان الغريبـه
ياكثـر ماشـف وياقـل الايـمـان"="بقلوب مـن بقلوبهـم شـك ريبـه من ينصح اللي يعتقـد لـه بكهـان"="يشـرك مـع الله واحدًًًًُمايثيبـه لو يصدق الكاهن طلع منه برهـان "="وافتك نفسه من حـدوث المصيبـه لاشك كـذاب خـذو منـه كذبـان "=" والله صدق عـلام غيبـك وغيبـه من سبتـه ياميـت القلـب ندمـان"=" لعـل فلبـك للعمـى ويـش تبيبـه انصحك ياللي رشك الشيب عميـان "="وادي جهنم حادر(ن) مـع شعيبـه يطغيك زود المال والزود نقصـان "="غـادي بسـوق السؤليـه تغديبـه لاتدعي بالمـال رابـح وخسـران "=" يفلجك مـن زيـن العمـل يدعيبـه |
اللــه مــن عيــن تزايــد تلــفــها"="بـيَــن كــدها بالعــروق السـخيـفــه
كــم واحــدٍ لــه حــاجـةٍ مـاصرفها"="يـصــد عن صـرافــها لايضيــــفــه يخــاف لايقــضب نــديـــم طــرفها"="قـلبــه صـدأ وأطـــراف جسـمه نظـيفه لــو كـان مـاهـا مايـلـيَـن ليــفــها"="سـيَـل بـها القــتــات وادي حنيــفـه واللـه خـلق بيــد الـذلول وعســـفـها"="للـي يـبي المنــهاج مــثـل القــطيفــه والفـضـل للـي مـدها مــا قصــفــها"="وأنـهـج من الــدار المحيــلـه للمــريفه وانصحــك ياللي غــرتــه مــاعرفــها"="شيــبٍ تشـيــب مـا يحـــول رديفــه رديفــها يركـض ويــركـــز هــدفها"="وقــتٍ يـقــص العـظم من حــدَ سيفـه وجـت بك الـدنـيا وجـــابك صــدفـها"="لاتـعـتـز بأهـل النفــــوس الضعيــفـه أنصـحــك نفســك لاتســقــط شرفها"="تـرى بعـض بيـض المجــالس أمجيفـه |
يأهــل الونـيـــت اللي تزايـد عويـلــه"="مكينتـــه ذيــب النصـارى شغلـهـــا
حــده وقود النـار وأبعــد مقيـــــلـه"="شاقـــه بعيــد العيـــن وادنـى جبلـها إليـــا لفـيـــت العيـن اخـذ لك دليلـه"="لاتبــدي الشكــوى على غيــر أهلـــها وأحــذر يغــرك من بســط لك شليلـــه"="كم واحــدٍ يبـي العــلا مـــاوصلــها علـيــك باللـي بالقـسى ينعـني لــــه"="اللي ليـا قــاد السفيــنـه عـــدلــها السـالميـــن اللي خطــاهم طــويــلـه"="وسعيــد زيـزوم البــلاوي فحـــلـهـا قـــل حـاجتـي يـابو مبارك ثقيـــــله"="ما كــل رجلٍ ينتــخي لـي حمــــلهـا وابــغــاك تــدركهــا بحــالٍ وحيلـه"="عســاك تـاجــد عند ربــك بـدلـــها و لا تـرى الدنـيا قــريــبٍ رحــيــله"="كــلٍ تـبي نفــســـه تلاقــي عمـلها |
هذا جزء بسيط من قصايده
|
مشكور الخوي
|
مشكورعلى النقل الجميل
|
يوسف الروقي مبدع كعادتك
|
المشاركة الأصلية كتبت بواسطة عـبـد الـعـزيـز الـروقـي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif مشكور الخوي
شكرا لمرورك على موضوعي وهذا شرف لي ووسام على صدر موضوعي |
المشاركة الأصلية كتبت بواسطة ابوعليط العطاوي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif مشكورعلى النقل الجميل
شكرا لمرورك على موضوعي وهذا شرف لي ووسام على صدر موضوعي |
المشاركة الأصلية كتبت بواسطة إياد الروقي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif يوسف الروقي مبدع كعادتك
شكرا لمرورك على موضوعي وهذا شرف لي ووسام على صدر موضوعي |
[marq="3;right;2;scroll"]
وشكراً لكم [/marq] |
مشكور اخوي يوسف على
القصائد الجزله لمتنبي عتيبه رحمه الله تقبل مروري اخوك سلمان |
| +4. الساعة الآن 11:16 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط