|
يالربع من يعين لي ذياب بن غانم يادخل اباه ضروري
ياذياب اباك تعلمني اقدر على هاذي القصيدة يوم من الايام
فيه امل اصير شاعر وهاذي اول مرة اكتب قصيده مدري خثاريق ************************************************** ****************** الا يالهيب الصدر يوم بيح اكنونه من ضيقتن بالصدر عيا يونه يجر صوته باللحن لين يدنه في جرته يسحب خطاي لحنينه حنيت يابندر وهو كثرت اطعونه ومن كثر حبي له زادت اظنونه اشقاني وابكاني وخلاني مجنونه حتى الربع في قصتي يخبرونه سالم وماني بسالم من اجنونه واخر لحوني اجرها على نه وونه |
والله انك صادق ياخوي الملحس
والاصدق انك اسم على مسمى انا افطر على مقابل الريجبل الطيبين والا انت اللي تصلح لك التونه هههههههههههههههههههههههههههههههههه وشكرا على مرورك |
وانا في انتظار انتقاد واراء عيال عمي الغنانيم
على القصيده |
صح لسانك ياسالم !
|
عساك سالم يابو عدي
ومشكور على مرورك |
صح لسانك اذا هذي اول قصيدة الجايات جزيلات
|
.
. سالم نحن معك في انتظار ذياب بحكم ان النص موجه له ،، والراي واحد بلا شك ،، تحياتي لك اخوك : سلطان .. |
وانا اخوك انت عندك المفردات وتقدر تجيب قصايد
بس يبغى لها وقت وتصير من الفطاحله ان شاء الله وصح لسانك |
صح بدنك يالطيب
ومشكور على ردك يامخاوي الذيب وشهادتك اعتز فيها |
المشاركة الأصلية كتبت بواسطة سلطان مطلق الغنّامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif . . سالم نحن معك في انتظار ذياب بحكم ان النص موجه له ،، والراي واحد بلا شك ،، تحياتي لك اخوك : سلطان .. النص موجه لكم ياعيال عمي وانمنى اشوف ردودكم وخاصه ذياب بن غانم ومشكور على ردك يالطيب |
المشاركة الأصلية كتبت بواسطة سلطان مطلق الغنّامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif . . سالم نحن معك في انتظار ذياب بحكم ان النص موجه له ،، والراي واحد بلا شك ،، تحياتي لك اخوك : سلطان .. مشكور يالطيب على الرد والقصيده موجه لكم ياعيال العم وخاصه ذياب بن غانم |
المشاركة الأصلية كتبت بواسطة مبارك حمد الغنامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif وانا اخوك انت عندك المفردات وتقدر تجيب قصايد بس يبغى لها وقت وتصير من الفطاحله ان شاء الله وصح لسانك مشكوريالطيب على الرد والله يجبر بخاطرك وشهادتك اعتز فيها |
صج لسانك والى الامام وننتظر رد ابن غانم
|
مشكور يالطيب يالرعد على المرور والرد
|
سالم شاعر يا سالم بس مسري علي مشغول يغرقله على جحر ضب في سفوه ولا اضن يتركه لين يظهره ويمكن يرجع نص الليل لاكن يقول سلملي على الرجال وانا ليا جيت ارد وقصيدتك لقيت مثلها كنها هيه تقول مقطوعتن من جنبها بس ما هي غزليه لقينها معلقتن في ذنب بسة سودا
والقصيده تقول ياركـــب مـن عندنا فوق دنــــه ××××××× الدنه اللي تشيل الثور بقرونه مزخرفه ومعلق من ورى شنه×××××××× ومقطع نسافها الكلب بسنونه والجرذي اللي تنحر لاهب الكنه ××××××× عارضني اليوم يمشي كل طبلونه لولا التريلات عني جنب حدنه ×××××××× والهاه عني يولع جمر غليونه والا ليمد الكفر في الخط داسنه×××××××× ويمد الجراذي تدير الخط مغبونه وسلامتك وباقيها عن مسري ويمكن طلال عنده منها بيوت والربع ما يقصرون كلهم خابرهم اهل نخوه وعلمن شين |
ابو رامي دايم قصايدك حادرتن لها وادي
وانا ماجيب القصيد الثراويت ما استلم الله على اللي ليا اقفا من ورا كنه =ضبن من الجحر بالعكره يجرونه خنفوس ج ال س ي دي دن دنادنه=فتحه سبيرين تيدر ماتعرفونه كل الجراذي خلافه ماتعدنه=حتى الجرابيع يقصر عزمها دونه لكن عيون الحسود اضن ماخطنه=الناس مافيه واحد مايحسدونه عارض صليب النصايف واختلف ضنه=ومن قبل لا ياخذه صلب دركسونه |
محشوم يابو فيصل من الثراويت
هههههههههههههههههههههههه تصدق دوبي عرفت الليله ان الخنفوس ممكن يركب عليه تيدر ويحمل رجلين نمل |
الله يرحم الشعر ويجبرعزانا فيه!!!!!!!
هههههه............تقبل مروري |
أبو رامي أشكرك على مجاراة معلقة سالم
وابو فيصل مازاده الى خير والله من الفله عندكم اسجل اعجابي بقوه عطني خشمك ابى أحبه يانياف |
التوبيخ ما هو يمنا يالرعد اذا قصدك سلطان براك عانه يجهز يبا يحول في الغبه وابو ممدوح يبا يجي لايهمك ونبا نسمد ها القصيده لين تصبح الف بيت وتدرس للأجيال القادمه بأسم ( انة العرب) مثل قصيدة الشنفري
|
اشوف يم الشرق طنه ورنه ××××××× كلن يولع مشعله من ردونه
يابن مشاري كان في العلم لنه×××××× ما همني يالقرم هاك النمونه الشعر اجيبه من مواقع مغنه×××××× ارقى مراقن صعب غيري يجونه احكم بيوت الشعر واجيد فنه ×××××× ماني من اللي شعرهم يسرقونه |
المشاركة الأصلية كتبت بواسطة ابو رامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif اشوف يم الشرق طنه ورنه ××××××× كلن يولع مشعله من ردونه يابن مشاري كان في العلم لنه×××××× ما همني يالقرم هاك النمونه الشعر اجيبه من مواقع مغنه×××××× ارقى مراقن صعب غيري يجونه احكم بيوت الشعر واجيد فنه ×××××× ماني من اللي شعرهم يسرقونه تسلم يابو رامي اثرك حرك تبلش ههههههههههههههههههه |
ابو رامي
هههههههههههههههههههههههههه ليه فيه احد شاك في شعرك |
اقتباس:
وعلمن شين ومقطوعه من جنب بس هههههههه انا ماعاد في حيل من المتسون اللي اطردها من عصر على الحراثه اغرقتها بالببس لين طمست عيونها وحين ظهرت من جحرها وانا ارصها بالكريك على الصابر وهي تردح هناك على جنبها ومِدحّ راسها فالرقه كبر الوجار ونهارنا وليلنا رثعان واثعانا فالارض وقصتها طويله لا مجال لها ها هنا لكن وفيت وكفيت يابو رامي وان كان باقي شي على جلد البس هاته :d اقتباس:
هذا والله التوصيف مبدعين في شعر الوصف انت وبو رامي لله دركم هههههههه وش خليتولي لكن ابا اعود وادور في جحر المتسون يمكن القا جلد البس اللي مكتوبتن فيه القصيده |
صح لسانك يانياف !!
احكم بيوت الشعر واجيد فنه ×××××× ماني من اللي شعرهم يسرقونه البيت هاذا عن قصيده ! بس لايكون احد شاك في شعرك !! ههههههههههههههههههههههههههههههه:harhar1: |
ابو علي الله يهديك ليش خربت بشرت المسون بالبسي تعرف ان فيه مواد حافظه تخرب البشره
|
صبحك الله بالخير ياسالم شعرك روعه وانت روعه براسك واذانيك
الله يسقيبك البلاد ويرزقبك العباد :d والشعر انواع وقصيدتك الظاهر انها من بحر الثراويت على لحن العثافريات ولا يجيده الا واحد جيد على راس العيار لكن واصل قبل الفاصل وبعد الفاصل والله يبرجلك من عنده ويطيب ثراك والقصيده لقيتها مكتوبه على جلد نيص في جحر ضب على طرق قصيدتك واستلم يامال العافيه قم عطني الفاروع والبيت غنه = لين الجماعه كلهم يسمعونه شيول يشيلونه بقلاب دنه = وقدرٍ يبنّون الفلل في ركونه فالمرباعنيه ملاهيب كنه = والثلج فوقه ضبهم يطبخونه والسالم اللي ماسلم منه فنه = لقوه في جحره تزالم عيونه ورا الجخاخ اللي على راس قّنه = يفلا القمل والنمل يجدل قرونه ويسوي ربوق القعوس المرنّه = ويقيّد الكسّاي تحت الفنونه يرضع عجايين الحلم لاضونّه = والا القراد يطير مايمسكونه وكلٍ مع الشعار غوجه يعنّه = ويقول انا اللي ماترقّع طعونه يعطي من الموجود وبدون منه = مار العرب في مَدّته يجحدونه ....الخ والزبده طلبت قدامك عيادة مجنه = مار الاداره مطلبي يرفضونه مدري لاه :d والباقي عند نواف الغنامي والقصايد اللي جابوها الربع مكتوبه على جلد بس بينما (لاحظ التعبير) بينما هذه القصيده مكتوبه على جلد نيص كما اوضحنا سالفا وتختلف كليا عن القصائد السابقه وياللهول وياللعجب زد فحمت |
ههههههههههههههههههههههههه
مسري ابك تسيف يفلون القمل هاذي اللي ماجت ومستحيل تصير على مر العصور القديمه والوسطى والمقبله. بس البحور اللي قلتها اول مره اسمعها |
صح لسانك سالم
|
هههههههههههههههههههههههههه عز الله انك ضبطتها يابو علي
والله اني دارن ثرب المسون اللي انت حمسته في حنافيه البارح انه يبا يسوي الهوايل لااله الا الله علمن غضيب الله لايغضب علانا خربت الشعر يبا ينتقدونك الشعار الفحول ولا باقي علاك الا تجمع المحاورات وتقول هذي قصيدتي |
اقتباس:
|
اقتباس:
ابك تسيف محموس في حنفيه هاذي تصلح في قصيده لكن المره الجايه نباه يملا الحنفيه رز ويصوطه بالرشا والا بعمود الخامه والشعر سبقونا علاه الاولين وكل شي نسمعه مقول ولافيه شي جديد الا المدوكرات هاذي |
والله منت هين يابو رامي وانا لي سنين ادور مقطوعتي الناقصه واثرك لاقيها على ذنب بس مير انا يوم رحت اكتبها لاقيها منقوشه على ذنب حصني اذنك يابو رامي شايف الحصني في الليل وتحسبه بسومشكور يابو رامي على المرور والسوالف الطيبه انت وابو فيصل والرعد وابو علي
|
لاوالله اللي حادرن قصيده في وادي انا يابو فيصل ماهو ابور امي مير هاذي المعلقه لاقيه في جذيبه قريبه من جحر الضب اللي رايح له ذياب بن غانم والقصيده هاذي مسترفدها ورحت تدبع في وكتابتها معلقه ولا جايبه غير سالم ولاعاد جاي بعدها ولا معلقه مير الله يعينكم تتدندثر المعلقات بس لحقوا على واحدن مثلي يجيب لكم المعلقات
|
اقتباس:
شف كم عليها رد تعدت اربع صفحات حياك الله وننتظر معلقه ثانيه |
المشاركة الأصلية كتبت بواسطة ذياب بن غانم http://www.gnanim.com/vb/images/gnan...s/viewpost.gif
http://www.gnanim.com/vb/clear.gif صبحك الله بالخير ياسالم شعرك روعه وانت روعه براسك واذانيك الله يسقيبك البلاد ويرزقبك العباد :d والشعر انواع وقصيدتك الظاهر انها من بحر الثراويت على لحن العثافريات ولا يجيده الا واحد جيد على راس العيار لكن واصل قبل الفاصل وبعد الفاصل والله يبرجلك من عنده ويطيب ثراك والقصيده لقيتها مكتوبه على جلد نيص في جحر ضب على طرق قصيدتك واستلم يامال العافيه قم عطني الفاروع والبيت غنه = لين الجماعه كلهم يسمعونه شيول يشيلونه بقلاب دنه = وقدرٍ يبنّون الفلل في ركونه فالمرباعنيه ملاهيب كنه = والثلج فوقه ضبهم يطبخونه والسالم اللي ماسلم منه فنه = لقوه في جحره تزالم عيونه ورا الجخاخ اللي على راس قّنه = يفلا القمل والنمل يجدل قرونه ويسوي ربوق القعوس المرنّه = ويقيّد الكسّاي تحت الفنونه يرضع عجايين الحلم لاضونّه = والا القراد يطير مايمسكونه وكلٍ مع الشعار غوجه يعنّه = ويقول انا اللي ماترقّع طعونه يعطي من الموجود وبدون منه = مار العرب في مَدّته يجحدونه ....الخ والزبده طلبت قدامك عيادة مجنه = مار الاداره مطلبي يرفضونه مدري لاه :d والباقي عند نواف الغنامي والقصايد اللي جابوها الربع مكتوبه على جلد بس بينما (لاحظ التعبير) بينما هذه القصيده مكتوبه على جلد نيص كما اوضحنا سالفا وتختلف كليا عن القصائد السابقه وياللهول وياللعجب زد فحمت ابو علي زادنا الله خيراانا وانت وعم بنا في البلاد وكثر الله من شاكلتنا مير ابك انت كيف تباني اكمل مشواري وانت ذابحني المتسون وذابحن اللي كاتبن فيها معلقه ماعاد احد بيكتب مثله وابك اكتب فيها غزل واتعود تسري الليل عليها وتذبحها الله يسامحك يومنك ذبحتها وذبحت قليب اوخيك المعنى بس اما لاقيها منقوشه على ذنب حصني وانت لاقيها على نيص وابو رامي على ذنب بس يالاد احد سارقه وموزعها مير توبت اكتب في المنتدى يوم اكتب وفي دقايق لينها ماخلت ذنب بس ولانيص ولاحصني مانقشت فوقه ومشكور على مرورك ياذياب بس ياذياب انا لقيت قمله مختلفه عن القمل اللي افليه والله انه الظاهر انها طايحتن منك بس ثاني مرة انتبهه لاتطرح قملك عندنا وبعد يذبح حبيبتي ويطرح قمله علي وابك النذاله هاذي من وين جاتك ياذياب شكل ماسح عليك العود ابو جيب مسحت نذاله وبعدين والله مايوسع خاطري في المنتدى الا انت وابو رامي وطلال خاصه والربع كلهم عامه |
وابك يافيصل كيف تباني اجيب معلقتن ثانيه وذياب يتلحظهن في اللليل ويسري عليهن يذبحهن وليته ياذبحن ومايشوهن واللحين انت خابر عمليات التجميل تبالها دراهم وانا وش اتلحق عليه اسويه الها النفخ والا تالشفط والتا ويش ويش بس اوريك في ذياب مشتت الخلان ادور لي وحدتن ماتخطر في باله بس المشكله لايستلم ابو رامي بداله ويصير مشتت الخلان ومشكور على ردك وابشرك اصبر لين اروح اقيل تحت سرحتكم واجيب المعلقه الثانيه وتتطلع اردودكم اكثر من هاذي
|
كل من خط قلمه هنا الله يسعد قلوووبكــــم |
ويسعد قلبك يالغالي ومشكور على مرورك
|
وسع صدرك يا سالم عطنى قصائد جديدة وما عليك من الربع نبا ننصحهم يزينون فيها وملحونها
جديدك يا سالم |
| +4. الساعة الآن 09:28 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط