|
ضع بطاقتك الشخصية هنا ياولد غنام
ويش رايكم نخلي البساط احمدي وكل واحد يعلم باسمه الحقيقي
من مبدى الشفافيه والوضوح ومن هذا المنبر اطالب كل عضو رجل يكشف الستار عن اسمه ويا حب ذا لو نبذه عن حياته الاجتماعيه والمهنيه ومؤهلاته العلميه اذا لايوجد لديه ما يمنع ذلك اما السيدات فلا الافضل لهن ان يبقينا خلف ستار الاسم المستعار لما في ذلك من منفعه لقد بادرت بكشف الستار عن اسمي واوضحة جميع المعلومات المتعلقه بي والحمد لله لم ينقص مني شي بل بالعكس قوبلت بالترحيب والاحترام من معظم رواد المنتدى. فكرو زين وردو ولا تقولون هذا الموضوع نوقش قبل كذا هذه المره ليس طرح نقاش وانما ساحة تعارف لمن يرغب في ذلك اخوكم : نياف عريمط براصي الغنامي ابو رامي |
هلا ابو رامي
صورتي كافيه اظنك تعرفنا زين تكفا لاتعلق |
هلا والله كنت مجهزلك عريضة ضد الاداره وخصوصآ ابو اياد يوم تطلبهم الوسام ورافضين يعطونك حتى تكمل مية مشاركه لاكن الريجيل ما قصرو وحسمو القضيه
|
فكره رائعه يابو رامي وموضوعك يستحق التثبيت والمشاركه من جميع الاعضاء للتعارف والتقارب بين عيال العم والاصحاب من خارج القبيله
واتشرف اني اول واحد اكشف عن اسمي لو ان بعضهم يعرف جرتي فالارض :d الاسم : مسري بن علي بن عبدالله بن حامد بن حسين بن نافه بن منقي بن متاعب بن سلامه بن عضيب بن حمد بن عويض بن غنام واللقب ذياب بن غانم يوم الجزيره في خذها وذقها والعنوان : كنت فالطايف وهالحين فالرياض ويشهد لي نظام ساهر صورني في كل شارع اتلاها اولا على طريق القصيم والمؤهل العلمي : مازلت ادرس فالجامعه المهنه : موظف حكومي الهوايات : ركوب المسرجات والمشي فالنبات وسواقة الطيارات .... الخ :d (يقولون البدو تطول العمر) والعلم عند الله سبحانه وسلامتك يابو رامي |
والله ومليون نعم يا مسري الى اخر جد وارجو ان يحذو اخونا الاخرين حذوك فليس لدينا ما يمنع ان نظهر على حقيقتنا وان نزيل الحواجز والاقنعه فأني لا ارى منها اي فائده
مسري بن علي من اعز الناس لدي ولاكني كنت اعتقد اني اعرف عنك كل شي ولاكن ظهر لي ان لديك موهبه الشعر وهي ليست غريبه فأنت محاط بنسب كله شعر ولاكن لم اكن اعتقد انك تهتم بالشعر فتحياتي لك وفي حفظ الله ورعايته |
تكفى لاتقول بكره طلبتكم تكتبون اسم المعزبه والوالده
قل تم والساعة كم وانت سهران وراك دوام |
ايو الله قولوا تم وعلمونا باسمائكم , ودنا نعرف ابناء عمومتنا لاننا نجهل الكثير منهم , ومن منبرك يبو رامي انادي واقول الي عنده قصائد او قصص لشيبانا الله يرحم ميتهم ويعافي الحي منهم لايبخل علينا.
ولاهنت يبو رامي على هذه البادره الطيبه. تحياتي لكم جميعاً |
الهدف يااخوان من افصاح الاسم معرفة بعضنا البعض ونبذ الفرقه والبغضاء التي لاوجود لها بيننا ان شاء الله
وكلنا ابناء عمومه او اصحاب من خارج القبيله يجمعنا هذا الصرح الشامخ ولا يوجد مايمنع ذلك وعسى جمعتنا على العز والطاعه الاخ العزيز ابو رامي ماعليك زود والله يعز مقدارك عند واليك الاخ ابو عليط صورتك وش فرقها عن صورتي الاخ ساير هههههه تحب تفتح مواضيع جديده الاخ وحيد الجزيره قريت مشاركتك ودورت اسمك مالقيته :d يمكن سقط سهوا والله اعلم |
اولا:والله ونعم وسبعين نعم ياللي ذكرتوا اسمائكم وياللي ماذكرتوها ثانياً:ياذياب بن غانم عزالله انك صادق اسمي سقط سهواً وانا مادريت لكن اصبر علي واوعدك ان شاء الله اني برجعه ولاعاد هو بساقط ولو غصب :shiny01: |
هلا مرحبا ياالبناخي ماش فرق بيني وبين الصقر
اعرف للي مايعرفني انا كامل بن العبد بن حامد بن حسين بن نافه الغنامي يكفيكم ولا تبون سيره حياتي |
والله ومليون نعم ياكامل والله يرحم ابوك العبد بن حامد رمز من رموز القبيله واسمه نفتخربه في كل مكان الله يرحم اخو غلبا عاش حياته رجل وجمع بين تقوى الله والشجاعه والكرم وعزة النفس وكان اذا امر امره يطاع بدون نقاش فرحمه الله وابقى ابنائه واحفاده الذين ورثو عنه الرجوله والشهامه
فحياك يا كامل في غرفة الاعترافات والبقيه جايين انشا الله |
ماعليك زود يا ابو رامي والله يرحم اثنين جابوك
|
ابو رامي والله انك تحشر الواحد في زاويه :d هذا ثاني موضوع يابو رامي تنزله وتطلب منا نظهر اسمائنا مار اضاهر انك صامل في الموضوع هذا عانك تبا تحطنا في في وجه المدفع :d اثر المنتدى كله نوافه :d مسري على بعد معهم :d اخو اخوي ألأسم : سعد سعود سعد عسير ساير الغنامي العطاوي الروقي العتيبي مكان الميلاد : المحاني مكان الاقامه : عفيف المؤهلات طالب في المرحله الثانويه الهوايه: ماحددت الى الان هوايتي كان تبا ملف علاقي فيه صورة البطاقه وشهاداتي ابا ارسلها مع ابو نمر يوديها لك في الحفر :d |
والله ونعم وسبعين نعم
نياف بن عريمط والله إن بادرتك طيبه جداً ياطيب مسري بن علي يالله حي الزميل الحبيب :d وحيد الجزيره أنا ماعرفك بس أحس إنك من الربع البتارين إحساسن مدري كيفهو قايل لكن الوكاد إنه صحيح كامل بن العبد حيا الله اللي نسمع عنه ولانشوفه وتشرفنا بشوفته هنا ولك عندي سالفه صارت لي في حراج النسيم :d سعد بن سعود بن سعد بن عسير بن ساير يالله حيه ونتشرف بك اخ وابن عم ونعم والله فيكم جميعاً وأبرك الساعات يوم عرفناكم واللي ماعرفناه على راحته ونتشرف به والمقصد معرفة عيال العم لبعضهم البعض اخوكم مبارك بن حمد بن مبارك بن بركه ابن سالم بو بطين طالب في جامعة الملك سعود على وجه تخرج والله ييسره لنا |
المشاركة الأصلية كتبت بواسطة مبارك حمد الغنامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif والله ونعم وسبعين نعم نياف بن عريمط والله إن بادرتك طيبه جداً ياطيب مسري بن علي يالله حي الزميل الحبيب :d وحيد الجزيره أنا ماعرفك بس أحس إنك من الربع البتارين إحساسن مدري كيفهو قايل لكن الوكاد إنه صحيح كامل بن العبد حيا الله اللي نسمع عنه ولانشوفه وتشرفنا بشوفته هنا ولك عندي سالفه صارت لي في حراج النسيم :d سعد بن سعود بن سعد بن عسير بن ساير يالله حيه ونتشرف بك اخ وابن عم ونعم والله فيكم جميعاً وأبرك الساعات يوم عرفناكم واللي ماعرفناه على راحته ونتشرف به والمقصد معرفة عيال العم لبعضهم البعض اخوكم مبارك بن حمد بن مبارك بن بركه ابن سالم بو بطين طالب في جامعة الملك سعود على وجه تخرج والله ييسره لنا -------------------------------------------------------------------------- والله ونعم بكم جميعاً ومن ناحية إحساسك يامبارك تراه في محله ,واسمي بذكره بإذن الله بس اسمحوا لي ماهو بهالحين . مع تمنياتي للجميع بالتوفيق |
تم .. :)
والله وسبعيييين نعم ابكم كلكم وانا نواف عيــد مذكر الغنامي طالب في جامعة الطايف الموقّره .. :) وباقي ان شاء الله السنه الجايه ونتخرّج والله ييسرها .... ومكان الاقامه : ظلم لكن ظروف الدراسه جعلتني أقطن في الطائف .. :) وشاكر لك يا نيّاف ولك تقديري وشكري واتمنى التفاعل من بقيّة الاخوه ... |
ماعلاكم زود ياحباني ويابركها من حزه اللي جابتكم
عمي كامل لاوالله ماش فرق بينك وبين الصقر ياربي حيه والله اني اعاين في صورتك واقول هذا وين شفته :d لكن العذر والسموحه العتب على النظر مدري النظارات اللي في صورتك ههههه مدري من البطا لكن اوعدك بحبة خشم وراس متى ماقابلتك اخو اخوي بعيد النظر الشاعر سعد :d يالله انك تحييه وتبارك فيه وفي صاحب الموضوع اللي كان السبب في ذلك حبينبا مبارك حمد حبتك العافيه اليوم وكل يوم :d والله يبقيك ويطول عمرك الشاعر المخضرم والمعروف نواف عيد يالله انك تحييه وتبقيه واقول والله ماابرك منه ولا منتدى اللي جمعنا ابكم كلكم من غير ميعاد وفي انتظار باقي الاعضاء المتسترين ;) |
اخواني وعزوتي مشكورين على التفاعل وتلبية رغبتي فانا عندما الحيت على كشف الستار عن الاسماء المستعاره كان لي عدة اهداف وهي
1- التعارف والتواصل وتوطيد عرى المحبه لان تباعد المسافات الجغرافيه وكثرة المشاغل جعلتنا لانعرف بعضنا 2- اعجابي الشديد ببعض الاقلا م والمشاركات والاشعار ويدفعني الفضول الى محاولة معرفة صاحب هذا القلم او هذه المشاركه او هذه القصيده 3- احترام بعضنا لبعض وعدم استخدام الردود التي تحمل استهزاء او الفاض غير لائقه فاذا عرفت من تحاور او تناقش فحتمآ لن تتعمد مضايقته 4- كسر حاجز الخجل فبعض الناس اذا سألته عن اسمه تجد وجهه يحمر وتتغير ملامحه ولا يكاد ينطق اسمه الابصعوبه وهي حاله نفسيه اكتسبة من الصغر تعالج بالمواجهه 5- تقريب المسافات بين اعضاء المنتدى ليكون المنتدى بمثابة مجلس يحس فيه كل عضو انه امام الاعضاء الاخرين مباشرة دون ستار او حواجز 6- التقليل بقدر المستطاع من الاسماء والرموز المستعاره لاظهار الشخصيه بطريقه قد تظر ولاتنفع هذا ولا يسعني الا ان اتقدم بالشكر والاحترام للأعضاء الذين بادرو بأزالة الاقنعه المستعاره واظهار اسمائهم الحقيقيه فهم سابقون ولهم لاحقون باذن الله كما ان الشكر موصول لأدارة هذا المنتدى من اخواننا الذين ثابرو وجاهدو حتى اظهرو هذا الملقى القبلي الثقافي بهذا المظهر الجميل الرائع وفاء منهم لقبيلتهم وليس لمصلحه شخصيه ويجب علينا جميعآ ان نرفع لهم عرفاننا وتقديرنا لمجهودهم وانجازهم فبوركت جهودهم. اخواني ساير الغنامي لاتخاف يابو محمد لن تصل بنا الآمور الى هذا الحد الا اذا شفنا هناك مطالبات من الجميع ناقشنا الموضوع وجزاء لك وردعآ لكل من تسول له نفسه في التمرد على مطالبنا فسوف ارفع عنك الستار بيدي شئت ام ابيت ياخواني الي شاهد يعلم ما شاهد هذا تراه ساير بن فاضي بن ساير بن نافه الغنامي الله يرحم فاضي لو اردة التعريف عليه يمكن ان ينتقدني الناس لانه معروف بافعاله الطيبه وشعره المميز وابو محمد ساير من مواليد حفر كشب عمل عسكري لعقدين من الزمن ومن ثم طلب التقاعد المبكر اشترك في الجهاد في افغانستان ايبان الاحتلال الروسي لحوالي اربع سنوات تدرج في الداراسه حتى حصل عل شهادة الماجستير في في الشريعه الاسلاميه ويحضر دكتوراء في نفس المجال وانشاء الله يحصل عليها ويحصل على الجنه في الأخره مبارك حمد ابو بطين شكرآ على هذا الايضاح عن شخصيتكم ونتمنى لكم التخرج من الجامعه ونيل اعلى الشهادات العلميه فالى درجة بروفسير انشا الله وبالتوفيق سعدبن سعود بن سعد ابن عسير سلالة عسير العطاوي الغني عن التعريف شكرآ على التفاعل وبالنسبه للملف ارسله والله يعين نواف بن عيد بن مذكر سعدنا بمعرفتكم وتشرفنا بها واتمنى لك مثل ما تمنيت لاخيك واخونا مبارك حمد فالى الشهادات العلياء انشاء الله اخي وحيد الجزيره كا فشينك ما فيها مجادل ووجودك معنا سواء افصحة عن اسمك ام لا شرف لنا ويسعدنا وقابلينك على الحالتين مسرى علي وكامل اخذتو قسمكم من الاطراء قبل شوي لاتصيرون طماعين واقول لكم والله ومليون نعم جميآ محبتي للجميع وننتظر المزيد من زوار غرفة الاعترافات |
ونعم وسبعه انعام بكل عيال عمي انا موغنامي بس خوالي غنانيم .........شجاع
|
ابورامي يسعد مساك انت تحب تلعب على المكشوف والله ونعم ابك انت والربع كلهم واحس كل الي كشفو عن اسماءهم من ربعنا اهل الحفر اناطال عمرك ابوسطام وسجلت بسم سطام لاني يوجيت اسجل كان عندي وازعجني وسجلت باسمه هاذى سبب تسجيلي بالاسم هاذى وانا طال عمرك فيصل سالم مشعان ابوبطين وتقبلو تحياتي يالاد غنام
|
والله ومليون نعم ولا تكفي يا فيصل بن سالم ابو سطام معرفتك شرف وجودك من دواعم المنتدى الاساسيه
وشكرآ على تفاعلك معنا واتمنى لك التوفيق |
ماعليك زود ياابورامي والشرف الي اني اتعرف على بني عمي وجودك زاد المنتدى اشراقا
|
وينكم يالربع لاتنسون اني طلبتكم وسمعتكم كلكم تقولون تم تم تم تم تم تم تم تم تم تم
واشوف الكرسي ما عليه احد لاتخافون ترى ما هوكرسي اعدام ولا الكرسي العنابي بافضل منه ولا شاطي الراحه بأفضل من منتداكم نريد تفاعل وارقام متزايده لانريد الركود فيصبح الوضع أسن وعلى فكره ترى فيه بعض الاخوان عاذرينهم الي يتقنصون والسياسيين |
ونعم بكم كلكم وربي ماني قايلن اسمي تباني اقول اسمي ثم يحرجون علاي بكره يقولون السربوت الي بالمنتدا اسمه هواوي داج هو تراه هواوي داج ولد فلان بن فلان بناخي فلان ثم اروح مريسه انتم ماعلاكم ماضيكم ابيض محمر واسماكم زانه وانا هروجي قشر وحادرتن لها وادي وانا مسندلي شعيب .ها خلوني اغير اسمي من هواوي داج وامسح المشاركات القشراء المعثفره وبعدها اجي واكتب اسمي واسم ابوي وجدي واسم كل الجيران والجماعه الي وزانا , ربي يستر رحنا ملح:sadwalk::no:
وبه شرط ماعاد اكتب والا دورولي مساعد يكتبلي لحيث اني صعب اهرج مثل هروجكم بالتثقاف |
عندك الشجاع والهواوي حدهم على اقصاهم يابو رامي :d
وبناخينا الشجاع كرسي الاعتراف لجميع اعضاء المنتدى وليس مخصص للغنانيم |
المشاركة الأصلية كتبت بواسطة ذياب بن غانم http://www.gnanim.com/vb/images/gnan...s/viewpost.gif
http://www.gnanim.com/vb/clear.gif عندك الشجاع والهواوي حدهم على اقصاهم يابو رامي :d وبناخينا الشجاع كرسي الاعتراف لجميع اعضاء المنتدى وليس مخصص للغنانيم لا لا لا لايمتكن v المشاركة الأصلية كتبت بواسطة هواوي داج http://www.gnanim.com/vb/images/gnan...s/viewpost.gif http://www.gnanim.com/vb/clear.gif ونعم بكم كلكم وربي ماني قايلن اسمي تباني اقول اسمي ثم يحرجون علاي بكره يقولون السربوت الي بالمنتدا اسمه هواوي داج هو تراه هواوي داج ولد فلان بن فلان بناخي فلان ثم اروح مريسه انتم ماعلاكم ماضيكم ابيض محمر واسماكم زانه وانا هروجي قشر وحادرتن لها وادي وانا مسندلي شعيب .ها خلوني اغير اسمي من هواوي داج وامسح المشاركات القشراء المعثفره وبعدها اجي واكتب اسمي واسم ابوي وجدي واسم كل الجيران والجماعه الي وزانا , ربي يستر رحنا ملح:sadwalk::no: وبه شرط ماعاد اكتب والا دورولي مساعد يكتبلي لحيث اني صعب اهرج مثل هروجكم بالتثقاف |
وينكم يالربع اشوف ما فيه تجاوب متكبرين علينا والا مستحين ان كان متكبرين يحق لكم واذا كان خجل الخجل ما هو للرجال كل اللي نطلبه اسم ما طلبنا مذكرات يوميه
|
لا حول يانياف اثرك شغله انت وش تبابالناس تنشدهم عن اساميهم
هههههههههههههههههههههه ابورامي طرح مميز وفكره منتازه طلال ابن مشاري مناجا معضد بادي باتل متاعب وش باقي بعد |
الربع اللي ذكروا اسماهم والله وسبعة انعام
وننتظر الباقين |
والله يبو رامي ولايهونون الربع انا رجالٍ منزل لي قصايدٍ بعضها ثراويت :no:لذلك اعتذر عن ذكر اسمي في الوقت الحالي, لكن بذكره ان شاء الله <<اذا زانت القصايد:d
|
والله ومليون نعم يا طلال بن مشاري
وحيد الجزيره والله ونعم ان علمت وان ما علمت باسمك |
ماعلاك زود يابو رامي
وين باقي الربع ودنا نتعرف على الجميع |
يالربع ما صارت ولا استوت وين الاعترافات وين التخلص من الاقنعه المستعاره وين التجاوب وين التعارف هاما تقولون انا ربع وجماعه كيف تصير وحنا كل واحد يخفي اسمه عن الثاني ترى المنتدى نظيف ما فيه شي يعيب
الاخوان اللي كشفو عن اساميهم ما حصلهم اي شي شوفوهم احياء يرزقون وما حصلهم اي شي |
المشاركة الأصلية كتبت بواسطة ابو رامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif يالربع ما صارت ولا استوت وين الاعترافات وين التخلص من الاقنعه المستعاره وين التجاوب وين التعارف هاما تقولون انا ربع وجماعه كيف تصير وحنا كل واحد يخفي اسمه عن الثاني ترى المنتدى نظيف ما فيه شي يعيب الاخوان اللي كشفو عن اساميهم ما حصلهم اي شي شوفوهم احياء يرزقون وما حصلهم اي شي ابو رامي موضوعك مميز بس فية نقطة ( بعض الاعضاء عندهم تحفظ من ناحية ذكر الاسم لهم اسبابهم الخاصة . يعني لا دقق بالحيل الى يبي يعلمك بسمه شي يرجعله النقطة الثانية : انت قلت ياخواني الي شاهد يعلم ما شاهد هذا تراه ساير بن فاضي بن ساير بن نافه الغنامي الله يرحم فاضي لو اردة التعريف عليه يمكن ان ينتقدني الناس لانه معروف بافعاله الطيبه وشعره المميز الشيخ ساير معروف _ بس تراك ما رجعتله في ذكرك لاسمه وخاصة في تفاصيل حياته ( حرية شخصية ) |
السلام عليكم ورحمة الله وبركاته أمّا بعد ,
الإسم : " طلال تركي مخلد تركي الغنّامي " ماقدر أقول الباقي عن الإسم , الوظيفة : " طـ..ـآلـ..ـب " توني يعني هع هع , الإقامة :" ظــ...ـلــ...ـم " , الهواية : " كرة القدم بِلا شكّ " , المنتدى المفضّل عندي : " هو منتدى شبكة قبيلة الغنانيم الرسميّة " , العمر : " ][ (( 15 )) ][ . وتحيّاتي لكم : كـ.ـاتـ.ـم الاحـ.ـزآن |
طلال
ونعم ياسمي |
والله ومليون نعم يا طلال بن تركي وباقي تسلسل اسمك معروف الله يكثر من امثالك
مشاركات نشيطه وعقليه واعيه اتمنى لك التوفيق اخوك نياف عريمط الغنامي |
اخوي مخاوي الذيب شكرآ على المشاركه والتوجيه فلو انني اعلم ان الحاحي على الاخوان في رفع اقنعة الاسماء المستعاره عن شخصياتهم الحقيقيه سوف يضايقهم لما اقدمت عليه ولاكنني طلبت من الاخوه ما طلبته بحكم الاخوه وصلة القرابه بيني وبينهم واوضحة اسبابي في عدة نقاط وقد علمت ان ادارة المنتدى لم تعارض ما قمت به والا لاغلق موضوعي في حينه ولن يضايقني ذلك وانا لم استخدم عبارة أمر وانما طلب فمن يرغب الافصاح عن اسمه والا فلا ضير في ذلك
اما بخصوص اخي وحبيبي الشيخ ساير فأنه يمون علي وانا امون عليه فهو ابن عمي ويشرفني تاريخه واسمه ولو انني اشك ولو لواحد في المليون ان ما قمت به سوف يغيضه لما اقدمة عليه فأسمه واسم والده وجده وتاريخهم وتاريخه شرف لي وللقبيله فشكرآ على التوجيه وارجو قبول ايضاحي |
المشاركة الأصلية كتبت بواسطة طلال الغنامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif طلال ونعم ياسمي ماعليك زووود |
المشاركة الأصلية كتبت بواسطة ابو رامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif والله ومليون نعم يا طلال بن تركي وباقي تسلسل اسمك معروف الله يكثر من امثالك مشاركات نشيطه وعقليه واعيه اتمنى لك التوفيق اخوك نياف عريمط الغنامي ماعليك زووود , ونعم في أخوي نياف عريمط الغنامي |
| +4. الساعة الآن 04:56 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط