|
مسا الخير
السلام عليكم ورحمة الله وبركاته
اخواني اعضا منتديات قبيلة الغنانيم حسب ما اورد مشرف القسم عبدالله الغنامي سيكون موعد المحاوره الليله الساعه 11,30 المحاوره بين عبدالله الغنامي وشاعر من خارج المنتدى ودمتم بصحه وسلامه |
يا مسا الورد والفل والياسمين ولا يهون الحبحب او بمسمى اخر الجح يا طلال
|
متابعين ان شاء الله انا في صف الى من خارج المنتدى تشجيعاً منى للمشاركة في المنتدى من خارج قبيله الغنانيم
|
مشكووور يابو فيصل الله يعطيك العافيه
وانا أسف على التأخيرولكن لظروف دوآمي ,, المحاوره ليست مبآشره بما إننا تأخرنا عن الموعد ولكن محاوره كسآئر المحاورات أشكر جميع من مر على الموضوع وسوف أبدىا بأبيآتي ريثما يأتي الضيف فمرحباً به وسهلاً يامرحبا ياشاعر(ن) فالمعركه دايم غلوب ترحيبتـ(ن) من طيبها متغطيّه بثيابها علم صحيبك يترك العلم متستر وامحجوب المسلمه في حالها لا تكشفون حجابها |
عبدالله تقطعت حلوقنا من الساعه حدعش ونص وحنا يلالالالالالالالاله وانت اثرك مداوم مار ارحب
|
وانا مجهز المايك ومجهز ترتيباتي على شان تنزيلها على اليوتيوب
عموماً بارك الله فيكم طلال . يلالالالالالالالاله منور والله |
هههههههههههههههههههههههههههههه
السموحه يا اخوان والله انها ظروف عمل والله يجملنا معكم |
صح لسانك ومعذور يا ابو عابد
بس والله لك وحشة وغيابك صراحة مؤثر خاصة في قسمك هذا يا عبد الله بس لاتنسى لجاك الراتب اعزمنا في اي مكان عادي بس لاتحط بوفيه مفتوح خله بوفيه مسكر :shiny01: الشاعر الاخر وين !! ابمسك صفه لعانة فيك :harhar1: تحياتي ابو ديما .. |
افا ياعبد الله وين المحاوره وانا مجهز فرقه شكشكه ومجس جداوي عشان احطها جنب صفوف المحاوره (متاثر بجواء الغربيه بحكم عملي فيها لي ثلاث سنين عندهم ومن عاشر القوم اربعين يوم ) اخوكـــــــــــــــــــــــــــــــــــــم الشجاع
|
متابعين .....
|
نجيب الزير ونشارك ولا دحه
|
اقتباس:
أرررررحب يابو ديمه معلوم تبي تمسك صفه تراك تعرفه زييييييييييين :p وأبشر بعزك خل يجي الرآتب ولك مني تيس مندي , |
اقتباس:
الله يعطيك من اسمك نصيب والعذر والله بس الرجال في عفيف هالحين ومشغول شوي وان شاءالله راح يدخل وراح تصير محآوره نآريه لأن المعنى نآآآآآآآآآري جداً :p |
لا والله يا عبد الله كانه اللي في بالي ابن بطوطة
فانا اعتذر ابمسك صفك لعانة فيه هو وانا ماعرفته لين قلت في عفيف ومشغول اذن عليك به وبقوة بعد ،،، تشكرات لك وهو لا اخوك :سلطان .. |
المشاركة الأصلية كتبت بواسطة عبدالله الغنامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif مشكووور يابو فيصل الله يعطيك العافيه وانا أسف على التأخيرولكن لظروف دوآمي ,, المحاوره ليست مبآشره بما إننا تأخرنا عن الموعد ولكن محاوره كسآئر المحاورات أشكر جميع من مر على الموضوع وسوف أبدىا بأبيآتي ريثما يأتي الضيف فمرحباً به وسهلاً يامرحبا ياشاعر(ن) فالمعركه دايم غلوب ترحيبتـ(ن) من طيبها متغطيّه بثيابها علم صحيبك يترك العلم متستر وامحجوب المسلمه في حالها لا تكشفون حجابها صح لسانك ياعبالله |
سلام عليكم مساكم/صبحكم الله بالخير معذرتاً على التأخير
وأبك البقا يالشاعر اللي من طناختك محسوب .. تشرب فناجيل العرب من قلب ماتشقابها هذي طبايع صاحبي مبطي ولايمكن يتوب.. لكنّ خابر صاحبي من حسن نيّه جابها |
مرحبابك يامبهم
وصح لسانك |
المشاركة الأصلية كتبت بواسطة مُبهم http://www.gnanim.com/vb/images/gnan...s/viewpost.gif
http://www.gnanim.com/vb/clear.gif سلام عليكم مساكم/صبحكم الله بالخير معذرتاً على التأخير وأبك البقا يالشاعر اللي من طناختك محسوب .. تشرب فناجيل العرب من قلب ماتشقابها هذي طبايع صاحبي مبطي ولايمكن يتوب.. لكنّ خابر صاحبي من حسن نيّه جابها ارحبو يامبهم صح لسانك |
الله يبقيكم وصحت أبدانكم
|
صحت السنتكم ومتابعين عن كثب
وانا في صف عبدالله كان فيها راتب وهبة ريح |
الله الله
أعرف صحيبك ما جهل يطرق صعيبات الدروب إن مرّ له خيمة بدو عوّد يشد أطنابهآ أبشّرك عرق السعودي صار ملكـ(ن) للشعوب مدري علام أهل النسب قامت تضيع أنسآبهآ |
اقتباس:
وأكبر شرف يابو ديمه دامك مسكت صفي , |
صح لسااااااااااااااااانك
|
اقتباس:
افا ياذا العلم ما وقفت في صفي الا عشان الراتب |
صح بدنك يابو عليط ,
|
صح ألسنتكم ولكن ألاحظ أن المحاورات لاتكتمل وتكون قصيره فلذلك أتمنا من الشعراء إكمال محاوراتهم وأتمنا من المشرفين الإهتمام والتنسيق والتنبيه ولكم مني كل الشكر.
أخوك / صقر مطير |
مرحبا صقر مطير
المحاوره هاذي سوف تكتمل بأءذن الله ولكن للضروف الأخ مبهم وظروف عمله يتأخر فالرد لكن أوعدك بمحاوره مباشره في كل أسبوع أنا ايضاً ارتبطت بعمل , ,, وأشغلني عنكم . |
يالربع لاهنتوا على ردودكم البلا من عندي مهوب من عبد الله انا في ديرتن مافيها انترنت واعذروني على التأخر
يستاهل التقدير والحشمه وله حب القلوب .. لو دق باب المستحيله له تفتّح بابها كل العروق الطيّبه في دمجها مابه عيوب.. سنّة نبيك لاتناقشني واقرا كتابها |
باالتوفيق ان شاء الله
|
الله الله
معذور يامبهم ما يلحقك شك ,, استلم ماني معذرب صاحبك أحذر تولعها شبوب معروف في سوق المراجل راقيـ(ن) مرقآبها وسم العطاوي بالبكار اللي تنحت للجنوب وشلون راحت والمطارق بيّنه بأرقآبهآ |
الله الله يابو عابد دوك استلم
راحت لدار اهل الوفا والطيب مافيها ذنوب .. الذنب لاحطيت روس القومِ جنب أذنابها كثر الحكا خلّه عسى عين العدو دايم تروب.. إما تطق أبوابها ولا تكب أبوابها |
الله الله
ها دوك أنت راح الحلال وكلنا صرنا عمايا للقلوب الله يبقّي للنشامى ثروتـ(ن) تغنا بها بعض العرب ودّه يشد السآس بمتون وجنوب ثم راح يبغى الذاهبه لكنّ ليته جابها |
الله الله .
راح الحلال لصاينه فالنور ماهو فالغروب.. في محفلن ضمّ العرب أقرابها بأجنابها الرزق عند الله وانا في موقعي محدن ينوب.. والصعبه المستعصيه آصل لها وأهنابها |
.
. اما عوض صراحة فاجأتني باسلوبك فيه تجديد وتطور للاحسن وعبد الله يبي له كوية على علباه لين يعرف ان الله حق مايتوب عبد الله صح لسانك ولسان عوض وانا اتراجع عن قراري الاداري القديم وانحاز لعوض لانك منسم ومفضح وابي اجيك في محل عملك افقع وجهك وتراك قريب مني على طريق صباحا ومساءً ولاتستفزع بابو سارة تراني شايفن العجرا معه ورى في الجيب اها علمتك . حبي لكما اخوكم : سلطان .. |
أبو ديما صح بدنك نتعلّم منك طال عمرك ونقطه ترانا في بحرك ياسلطان ولاهنت على المرور وإن كان بغيت فزعه ولا شي ترى عبد الله دواه عندي وخابرن داه
|
ههههههههههههههههههههههههههههههههههههههههههههه
صصح لسانك يامبٌُهم يعطيك العافيه وتشرفت باللعب معك شاعر كبير والكبير الله ابو ديما , صح بدنك وترا السالفه مزوح الله يحفظك لا تشيل في خاطرك شي :) واما إنك بتفقع وجهي تمون يابعد سبدي حياك الله بأي وقت افقع وجهي وخذ خصم مجاناً ههههههههههههه أستودعكم الذي لا تضيع ودائعه , |
صح بدنك يابو عابد والشرف لي طال عمرك ومانيب كبير الكبير الله سبحآنه
|
| +4. الساعة الآن 11:28 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط