|
صدور أحكام بإعدام صدام وأبو رأمي وعبدالله الغنامي ومن سأهم معهم ضد ساير ونادر
صدور أحكام بإعدام صدام الغنامي وأبو رأمي وعبدالله الغنامي ومن سأهم معهم ضد ساير ونادر
في يوم الاثنين الموافق 30 / 12 / 1431 هـ تقرر المطالبة بمحاكمة وإعدام كلآمن صدام الغنامي وأبو رامي وعبدالله الغنامي وبعض الموظفين في المنتدى ومن المتوقع إذ صدق الحكم تنفيذه غداَ الثلاثاء الموفق 1/1/ 1432 هـ وليس لهم حق في الاعتراض وسوف يشنق بعضهم في شمال الاصفر بعفيف والبعض يرمى في الجواهش بحفر كشب والبعض أحتمال يعفى عنه لكونه أو مشاركة . 0 00 0 00 000 ياصدام الغنامي تراني احب المزح وانت الله يهديك كلامك الاخير يدل أنك تأيون على طول قفلت تقول في مشاركتك الاخيره مدري ويش ومدري ويش الغنانيم الاوائل تراهم كانوا يتهاوشون بالماشاعيب ويفلقون بعضهم و بعد يوم يتسامحون ويتزاورون وإذا شد ولد عمه بعد الصيف والا الربيع من عنده قعد يبكي عليه والناس تقول أمس ماهو بفالقك يقول أسكتوا والله ماتسوون مطاه هذا والمجادلة في صدام والاغيره ماتفسد الذي بيننا كل واحد يقول الذي يدين الله به ويظنه الحق وحنا موقعنا صارماشاء الله زواره يتجاوزن الخمسمائة في اليوم وبعدين تصير أخلاقنا تجاريه ولانفيد ولانستفيد |
يعطيك العافية ساير ..... الخلاف لا يفسد للود قضية
|
مشكوووووور والله يعطيك الف عافيه
|
ههههههههههههههه
ابو محمد بس انا ودي اعرف اللي فالجواهش منهو الخلاف لايفسد للود قضيه وانت معروف من المشائخ اللي تفخربهم القبيله اختلاف وجهات النظر وارد ولكن لايعني الزعل والحقد وبعض الخوض في كلام ماله داعي تقبل مروري |
اقتباس:
ومشكور على المرور |
الحمدلله وحده والصلاة على من لا نبي بعده وبعد فانني قد توقفت عن الموضوع وامل حذف اسمي من قائمة
المطلوبين للعدالة وشكرا |
السلام عليكم ورحمة الله وبركأته
واشكر ااخوي سأير على موضوعه البسيط الجمــيل من اجـل تلطيف الجــو . بس استفسار بسيط يالغألي . 1- تأيون 2- مدري ويش مدري ويش . < تفتح الالف موضوع. غير موضوع صدآم بس. رآح اخذ اجابيت. الموضوع واترك سلبيأته . مزحتن رزحه |
ياصدام الغنامي
والله ماقصدت الاخير والله مافيها رزحه ياولد العم 1- تأيون يعني تزعل بسرعه وهذا مصطلح للمزح مع الذي بقفل بسرعه إن ماهو قوي 2- مدري ويش ومدري ويش انت قلت: اشكر الجميع على مشاركتهم بالموضوع . وبالنسبه لي انا سحبة نفسي من النقاش من منتصفه . واذا كان هذا اول موضوع لي وسبب دوشه في الاداره ارجو المعذره من الاداره والجميع بسبب النزاعات وبعض الكلام الي ماله داعي اتى من بعض الاشخاص وذالك بسس موضوعي وارجو المعذره مره اخرى وبطلنا ننزل مواضيع وتكفينا المشاركه معكم وشكرا وهذه الكلام يدل على قوة الزعل والتشره على ربعك والتأسف المخلوط بالشره وعلى ماقال الشاعر أشره على الطيب ويشره عليه == والا الردي ماله عليه مشاريه وعلم الشاعر سلطان براك الذي يقول اسقطوا اسمي من من قائمة المطلوبين أن فيه عفوا بس مايشمله الابشروط منها يروح للحفر ويقدم إعتذار على حاضر حبيني ويصدقه من اهل المحازه وظلم وإن شاء الله أنه يسلم |
شكرآ لــك ياساير على التوضيح وان شاء الله مابينا . غــير كـل خــير.
وتــرقب موضوع . هــتلر وستآلين. |
ههههههههههههههههههههههههههههههههههههههههههههههههه
أجل انا اللي شملني العفو هههههههههههه مشكور ياشيخ سآير موضوعك لطيف ’,’ بما إن صدام بينزل موضوع عن هتلر ترقب موضوع جيفارا أجل :) |
هاتوها والله إن شاء الله لنطردكم أنا ونادر لين نوصلكم المزارعه
عندي طرفه صغيره يطبقونها عليه أهل المدينه وانا أقول أنكم تحملون المسؤليه 0 0 0 0 0 0 0 0 0 0 يقولون طيار عتيبي تحطمت به الطيارة وبدل من إنه يبلغ بالعطل وسبب التحطم حتى إذ فتح الصندوق الاسود الذي تبقى أخر المعلومات فيه تدرون ويش قال قعد يردد أبك أبك أبك أبك ولاأحد قد يترجمها |
المشاركة الأصلية كتبت بواسطة ساير الغنامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif هاتوها والله إن شاء الله لنطردكم أنا ونادر لين نوصلكم المزارعه عندي طرفه صغيره يطبقونها عليه أهل المدينه وانا أقول أنكم تحملون المسؤليه 0 0 0 0 0 0 0 0 0 0 يقولون طيار عتيبي تحطمت به الطيارة وبدل من إنه يبلغ بالعطل وسبب التحطم حتى إذ فتح الصندوق الاسود الذي تبقى أخر المعلومات فيه تدرون ويش قال قعد يردد أبك أبك أبك أبك ولاأحد قد يترجمها انت تنكت والريجل طارة قلوبهم من المحاكمه بس عندي قصيده عن محاكمة صدام حسين سوف انزلها في المنتدى بسبب محاكمة صدام الغنامي ومساعديه بس نطمن الاخ ساير ليس فيها ترحم على صدام ولا مدح فيه |
القاضي ساير
طيب ورا ماتحذفهم في دعيكان اطول بتسعين قامه من الجواهش هههههههه وانا اتشرف اني انفذ الحكم في عبدالله الغنامي خله عندي انا اللي ودي انطله فالبير |
الحمد لله هذا واحد من الذين مستعدين لتنفيذ الحكم
بس باقي أربعه وباقي الحبال وبئر ثالثه في الدفينه والا الثميد والا المقر ولازم ينفذ الحكم بكره حتى لاتدخل حقوق الانسا ن والابعض الدول تكفون الهمام الهمام أعجلوا علينا |
اقتباس:
أفا هذا وانا بيني وبينك خبز تميس وفول وعدس تسوي فيني تسذا :sad_1: ما أقول الا حسيبك الله يابو علي :no: |
اسمع ياشيخنا الفاضل
بالنسبه لبو رامي اذا بدت المحاكمه انا المحامي بتاعه بس اذا مانفع وصدر الحكم اتمنى ان يكون سجن مؤبد في بئر العوده في فيضة المسلح بس على شان نزاوره من قريب |
اتمنى ان نبتعد عن المشادات فالاختلاف لايفسد للود قضية
|
انا ابا انافس ذياب بن غانم
على تنفيذ الحكم بــ عبدالله الغنامي وحكمي أنه يصلب في شرة الدعيكه لمده 3 أيام ... ويمنع من الشراب والطعام ومن نظم القصيد بعد !!! :) |
نامل ان تكون المحاكمه عادله على المتهمين وان تعلن اسماء المعفوا عنهم قريبا" حيث الجميع يترقب النتايج
|
اجل يابو فيصل على شان تزوره من قريب ههههههههه
وانت يانواف الغنامي رايك طيب بالحيل ههههه لكن من رايي ان نطلته فالبير احسن حل وانت بصرك ياغنامي وانا على شان العدس والفول اللي بيني وبينه ابا اعتقه لوجه الله :d |
سوف تأجل الجلسة الى العام القادم لوجود متهمين جدد وبرأت بعض المتهمين ولكون نادر ماعيناه من البارحه وكان عنده ضغط والا سكر وذبحتوه يمكن مايبقى الى يلحس يده لابري ولامتهم ويمكن يكون الاعدام بالرصاص بدل من الرمي في القلبان والموضوع يحتاج قضاة ومحامين من دول مجاورة
|
كل يوم وانتم فاتحين موضوع
|
تبون بتاع المشنقه حاضرين للمجرمين ههههههه
|
اقتباس:
:no: وراو تسذا وش بوه وش بوه واحد يبي يصلبني والثاني يبي يحذفني بالبير أعدموني مثل خلق الله ولا فكوني :icon1366: |
موضوع لطيف يبو محمد يدل على نقاء سريرتك وحبك لربعك ياجعلنا مانخلى منك
أنت من الناس يبو محمد اللي أفتخر فيهم عند الأجناب شيخ وماشاء الله عليك لين جانب ولطيف روح والموضوع هذا أكبر دليل على كلامي أعطاك الله ياشيخنا طولة العمر على الطاعه وسامحنا جميعاً لاحصل منا زله بقصد أو بدون قصد اقتباس:
|
اقتباس:
أنا والله أحبك واحب الطيب سواء من ربعي والا من الاجناب ( المسلمين فقط ) وأبغض الكافر والمشرك ولو كان من أقرب الناس إلي ولك عندي هدية :36_15_15: أرجو أن تحملها على الجوال وتستفيد منها تراها ثلاث مقاطع تكمل بعضها وهي شرح لرسالة ماتعه وجميلة وصغيره للشيخ محمد بن عبدالوهاب الله يرحمه والله ماسمعت أزين من كلامه الله يرحمه والرسالة بإسم الاصول الستة تعالى واسمع ثم حملها على كبيوترك وجوالك والله تستفيد إن شاء الله 1- http://www.alamralawal.com/include/s...pup.php?id=238 2- http://www.alamralawal.com/include/s...pup.php?id=268 3- http://www.alamralawal.com/include/s...pup.php?id=269 اما الخراريص أرسل ليعيال عياد والاهذال وشاورهم |
اقتباس:
احبابنا ماأجمل الدنيا بكم ,,, لاتبأس الدنيا وفيها أنتم ها قدعدت لا للحديث عن الإعدام وتبعاته , لكن لأقول كنت ولازلت متابع لكم ومابي إلا الصحه والعافيه لاضغط ولاسكرولاكلسترول والحمدلله , حياكم الله في هذا المساء الجميل و،إنه لتغمرني السعادة والفرحه بمتابعتكم وما تخط أناملكم الذهبيه , أرجوا أن تقبلوني بعيوبي وأن أكون خفيف على نفوسكم والسلام ختام .وليسامحني الجميع |
| +4. الساعة الآن 10:24 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط