منتديات شبكة قبيلة الغنانيم الرسمية

منتديات شبكة قبيلة الغنانيم الرسمية (https://www.gnanim.com/vb/index.php)
-   الــصــيـوان واستراحة الأعضاء. (https://www.gnanim.com/vb/forumdisplay.php?f=3)
-   -   انا والبريق (https://www.gnanim.com/vb/showthread.php?t=5339)

هواوي داج 11-15-2010 02:04 AM

انا والبريق
 
مادريتا ؟ ياربي ياحبيبي قل والله مادريتا :msn-wink:

يقول اخوكم بالله ترى ماهو انا لاتقولو

الداج المهم ترى الهرجه طويله

الي عنده شغل يروح ويرجع بعدين

تيب في احد الايام كان الجو حلو ( حق طلعه للبر )

المهم دق علي واحد من الشباب الساعة 9 الصبح

وانا ابا اطلع للجامعة قال: وش رايك نطلع للبر

قلت : قدام بلا جامعة بلا هم

المهم كل واحد منا يجيب شوي من العزبة

انا جبت السكر والشاهي وفص فص . إلى خ

المهم رحنا للبر ودقينا الخيمة وافطرنا

جلسنا 10 دقايق إلا يوم جتنا ذيك العاصفة

اللي ماتركت أحد منا في الخيمة ( اصلا طارت الخيمه )

والمهم وحنا كل واحد يركب سيارته

وصار الشباب يكلمون بعض بالجوالات

وانا جوالي مافيه شحن ادق وافصل عليهم

ولا يدقون علي يحسبوني استهبل

وحنا نرجع للرياض وصلت البيت الساعه 2 الظهر

وانا انام ماحسيت إلا عصى المكنسة فوق راسي

وانا انقز من السرير إلا هي امي

قلت: يا امي وربي احسبك حرامي ناوي العب عليه كراتيه

قالت: والله من جد

وهي تصكني بعصا المكنسة على راسي

قالت: وين ابريق الشاهي

قلت: ضاع في البر

قالت: تدري إن الا بريق هذا ابريق جدتك الرابعة عشر

يعني ذا تراث ياغبي رح جبه

المهم وانا انقز بسرعة ابي أجيب الإبريق كل شي

ولا ترااااث العائلة

ورحت للبر وانا ادور ابريق العائلة

ولا لقيته وقمت افكر وش اسوي

ضيعت ترااااااااث اجدادي

مع الوقت شفت حاجه تلمع ورحت ابي اشوفها

يوم وصلت لقيته إبريق قديم لونه فضي مصدي

وانا أخذها قلت : ابي المع الإبريق شكله تراااااث

جد واحد غبي مثلي

واجلس امسح الإبريق شوي يوم الإبريق قام يهتز

ويطلع نور ويطلع لي واحد ضخم من الإبريق

قال : شبيك لبيك لؤي بين يديك

قلت: يرحم والدينك وربي مادريت ان الإبريق حقكم

انا لقيته طايح وادور راعيه ابا ارجعه له

وهو يجلس عند رجولي ويقوم يبوس فيها

ويقول : انت انقذتني من حبسي اطلب ماتشاء

لك ست طلبات بس

المهم دريت انه العفريت اللي يجي في سندباد

وينفذ اللي تطلبه منه

قلت له : ودني لامريكا ابي اشوف الديمقراطية

وحقوووق المراة اللي يقولونها

ماانتهيت من كلامي إلا انا في شارع ضيق

وحارة مافيها نور

وانا امشي الا فيه اثنين عبيد (كلنا عبيد لله )

متجهين لي يوم وصلو عندي واحد طلع سكين

والثاني طلع سلسلة طولها 4 متر

قالوا : هات الفلوس اللي معك

قلت : وش القصة تطورت منفوحة

سرقة عيني عينك وسط الشارع

انقلع ياعبد انت وياه لا اتصل على 999

يمسكوووونكم

قال العبد : انت في امريكا ياورع

قلت : طيب

وانا اعطيهم كل الفلوس اللي معي

حتى جوالي خذوه

والمهم وانا اطلع للشارع العام اللي في لوس انجلوس

الظاهر اذا ماخانتي الذاكرة اسمه شارع المطاعم

المهم طلعت للشارع الا البنات في الشارع اشكال

والون ( مايلبسوووون عباية ولا نقاب او برقع )

وانا افتح فمي واجلس اناظر في البنات

كل مامرت بنت جلست امشي وراها واقول رقم جوالي

مادريت الا يوم وقفت جنبي دورية وهو يناديني

قلت : يااخي بدري توكم تجون العبيد اخذوا فلوسي

قال: انت تزعج المواطنين في اي شركة اتصالات تعمل

قلت: طالب جامعي انا

قال: طيب وش الارقام اللي توزعها

قلت: يالليل الليل من الهيئة حتى في امريكا لاحقيني

وانا انحاش

وانواع المطاردات في شوارع لوس انجلوس

المهم ضيعتهم ودخلت في بيت ولقيت لي حرمة

عمرها في الثلاثين قلت لها ابي اسكن عندكم

قالت : خلاص بس لي شروط

قلت : اوكيه تدللي ياخلفهم

قالت : ماتعزم احد وتنام الساعه 9

وماتجيب اكل من برا البيت ولي بنت عمرها 15

اسمها ( جيسيكا) مالك دخل فيها

قلت : اوكيه

المهم نمت جت الساعه 12 الليل

طلعت من الغرفة ابا دورة المياه

وانا رايح للدورة سمعت صوت في الصالة

يوم دخلت الصالة لقيت (جيسيكا )

ومعها بنت ثانيه شعرها اشقر

جلست معهم وسعلت جيسيكا ماعرفتيني

على صديقتك وهي تموت من الضحك

وقالت: ذا ولد

وانا اضحك قلت: الله يهديك ياجيسيكا ولد شعره اشقر معصفر

وماله شنب وحاط سلاسل في رقبته

إلا يوم تكلم ابو شعر اشقر

الا صوته صوت ولد

وانا انفجر غضباً قلت وش جايبك هنا

قم اطلع برا لا اتوطئ في بطنك قم

مادريت الا الام يوم جت معها مسدس

قلت: سنايدي والله إنك الام اللي تخاف على مصلحة بنتها

اقتليه والعنيه

مادريت الا يوم حطت المسدس على راسي امحق ياناه

قالت : ماقلت لك ابتعد عن بنتي

قلت : انا مبتعد بس بنتك جايبه ولد متنكر بزي حرمه

قالت: هذا صديقها

قلت : واتي تدرين اه صديقها ومبسوطة تعلميني انتي ووجهك هذاا


قالت :اطلع برا يامتخلف

وانا اطلع للشارع والقى لي راعي تكسي

واركب معه واعلمه بقصتي واني مسكين مالي احد في لوس انجلوس

قال : نام عندي ب20 دولار في الأسبوع

قلت : خلاص

وصلنا للبيت حقه ورحت انام سمعت صراخ في الصالة

ونزلت لقيت فيه واحد ضخم يضرب الشايب

وانا افرقهم قلت: سلامات كل واحد يصلح سيارته ليش تتضاربون

قال الضخم : وش دخلك ابوي

قلت : ابوك ابوك يعني ابوك زوج امك اللي جابتك

قال : ايوه

مادرى الا يوم جاه ذاك البوقس وانا اتوطئ في بطنه

مادرى إلا باب البيت يوم انكسر والناس قامت تدخل

مع الدرايش حقت البيت

قال واحد منهم : ال v.p.i وصلو

قلت: امسكوه هذا يضرب ابوه مايخاف من ربه

وهم يمسكوني ( يقولون اني مخالف قانون الولاية )

بتهمة الاعتداء على الغير

وانا انحااااااش مره ثانيه وهم يطاردوني في شوارع امريكا

جلست في حديقة اسمها حديقة العاشقين

ولقيت لي سيارة قلت : ابا اسرقها واتمشى عليها

يوم ركبت السيارة سمعت صوت في المرتبة اللي ورى

يوم ناظرت لقيت حرمه ورجال في وضع لايرضاه ربي والاسلام

ولا ترضاه القيم والمبادئ والاخلاق السعوديه

قلت : لهم اخذو راحتكم لا من شاف ولا من درى

وانا انزل وادق على الشرطة يوم وصلت الشرطة

قلت : شف ياحبيبي قانون الولاية عرفته زين

ماضربتهم ولا قلت لهم شي بس دقيت عليكم

قال العسكري : لك الحق بالتزام الصمت وطلب محامي

انت مقبوض علاك( مخالف قانون الولاية )

انتهاك اسرار الآخرين الي تحت المرتبه

وانا انحاااااااااش وهم يطاردوني في شوارع امريكا

المهم رحت سكنت في عمارة مهجورة مدة اسبوع

وكل ما اطلع الشارع لقيتهم معلقين الصور حقتي

وكاتبين ( مطلووووب للعدالة )

المهم طلعت للشارع ولقيت الشعب مبسوط

قلت وش القصة

قال واحد : اليوم عيد راس السنه والخمر مجاناً

رحت للكازينو ابا اشتري سفن اب ولقيت العفريت لؤي

سكراااااااااان قلت: لؤي وينك ياشيخ ودني للرياض سرعه

مطلوووب انا للعدالة سارق بنك ( من زين وجهي أاقول له منتهك خصوصيات الاخرين )

قال طيب : مادريت إلا انا في قسم شرطة لوس انجلوس

(حسبي الله عليك يالعفريت السكران اقول ودني للبيت توديني للشرطة )

المهم في اليوم الثاني صحا لؤي من النوم

قال : وين حنا فيه

قلت: لا ياشيخ ماتدري انت ووجهك وش مسوي ماتدري

قال : لا

قلت اسمع كم بقى لي طلب

قال :3

قلت طيب انا الان رايح يعرضوني للمحكمة رايح

انصحهم لعل قلوبهم تنشرح للإسلام ثم نتجه للرياض

اوكيه يا لؤي

قال: اوكيه

اتجهنا للمحكمة وضعوني في قفص الاتهام ولؤي جنبي

وقفت وقمت اتكلم : عن الإسلام وان القران هو الذي نتحاكم به وكيف ان المرأه معززة لدينا وكيف إن الوالدين لهم قدر كبير في قلوبنا وذكرت اية من القران ]ولاتقول لهم افٍ ولاتنهرهما [ مادريت إلا لؤي يوم اختفى حسبي الله عليك يالعفريت الغبي ( نسيت ان الجني إذا ذكر عنده اسم الله عزا وجل ينحاااااااااااش ) بسم الله الرحمن الرحيم

وهم يمسكووني بتهمة جديدة الإرهاب ومعاداة الغرب

وخصوصاً اسرائيل واني تابع لتنظيم القاعدة

المهم حكمت علي المحكمة بالموت بالغاز

دخلت الغرفة وربطوني في جهاز

وقام الغاز يدخل في الغرفة

وبديت بذكر الشهادة

مادريت يوم دخل علي لؤي

قال : سيدي بقى لك ثلاث طلبات اطلب

قلت: وش رايك انت ووجهك ودني للرياض قبل

امووووووووووت خخخخخخخخخخخ

مادريت الا انا في الرياض

قال: اطلب سيدي

قلت : جيب الإبريق حق جدتي الرابعة عشر

مادريت الا الإبريق بين يدي

قال: سيدي بقي لك طلب اخير

قلت: اقلب وجهك عني ولا عاد اشوفك انت وخشتك

ثاني مره هنا لا اتوطى في بطنك

وهو يختفي

ورجعت للبيت وانا كلي فرح وامل بالمحافظة

على ديني وتراث اجدادي عادي

طولت علاكم كل سنة وانتم طيبين

الصاعق 11-15-2010 02:15 AM

مشكور
هواوي داج
على موضوعك

هواوي داج 11-15-2010 02:40 AM

المشاركة الأصلية كتبت بواسطة الصاعق http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
مشكور
هواوي داج
على موضوعك











الصاعق صعقتني بردك الطيب وتشكراتي واشواقي

عقاب الروقي 11-15-2010 03:43 AM

مشكور والله يعطيك الف عافيه

غنامي ضايع 11-15-2010 08:19 PM

الله يرجك كل هاالشغله علشان ابريق شاهي اقول قم بس قم ومشكور يالغالي بس لاعاد تطول اصلفتني خخخخخخخخخخخخخخخخخخخخخخخخخخخخخ

عبدالله الغنامي 11-15-2010 10:21 PM

هههههههههههههههههههههههههههههههههههههههههه

خيآآلك وآآسع يالغالي,,

لا تهمل نفسك حاول تكتب أكثرر وانا متآبع لك

تحيآتي لك ,,.

أبو إياد 11-16-2010 11:24 PM

ههههههههه اخوي هواوي انت شكلك حلمت حلم قل اللهم اجعله خير

لأن الشغله فيها سندباد وامريكا وشي خيالي .



دمت بحفظ الله

إياد الروقي 11-17-2010 12:42 AM

هههههههههه مشكور يا داج

هواوي داج 11-20-2010 11:24 PM

المشاركة الأصلية كتبت بواسطة الــےـهــےـآويے http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
مشكور والله يعطيك الف عافيه









تشكراتي الهواويه للهاوي هوى في ابو حلق وهو مزبور ورد:essen::36_3_11:

هواوي داج 11-20-2010 11:28 PM

المشاركة الأصلية كتبت بواسطة غنامي ضايع http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
الله يرجك كل هاالشغله علشان ابريق شاهي اقول قم بس قم ومشكور يالغالي بس لاعاد تطول اصلفتني خخخخخخخخخخخخخخخخخخخخخخخخخخخخخ









الله يرج سمو سعادتك يالضايع الي مضيع الطاسه والطاسه مضيعته ايه بريق شاهي وخاصتن انني مدمن شاهي ماغار اتكربز الاباريق خخخخخخ ياحبي لك ياهالضايع اصلفتك انا ميت من الصلف والطرقه خاصتن الدستن ماغار تنزي وودي ابيعها واشتري ميتين واربعين ال الي ماغار تغمز وتخفص بك ان ركبت فيها تقول راكب لك ترايستار:flex:

هواوي داج 11-20-2010 11:35 PM

المشاركة الأصلية كتبت بواسطة عبدالله الغنامي http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
هههههههههههههههههههههههههههههههههههههههههه

خيآآلك وآآسع يالغالي,,

لا تهمل نفسك حاول تكتب أكثرر وانا متآبع لك

تحيآتي لك ,,.










خخخخخخخخخخخ يابعد كبيدتي وكبيدات وطحاحيل الجماعه كلهم ياهالضحكه الي كنها ضحكت اسعد عمر قلي , خيالي واسع امحق من خيال الا مندمر والله ودي اكتب اكثر على شانك وشان جماعت الربع كلهم فلاكن اصابعي ومتوني تعورني تقول محذوف من الخضراء وذبحني الصلف مثل ماقال الاخ الضايع الي فوق ذبحه الصلف وهو يقراءا والشي لو يكتب كان انسدح مع الاولين:p

هواوي داج 11-20-2010 11:44 PM

المشاركة الأصلية كتبت بواسطة أبو إياد http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
ههههههههه اخوي هواوي انت شكلك حلمت حلم قل اللهم اجعله خير

لأن الشغله فيها سندباد وامريكا وشي خيالي .



دمت بحفظ الله










نائب المدير العام للريس مجلس هيئه الامم في منتدانا ياربي حيه ياربي حيه
والضحكه دوم طال عمرك وهو مثل ماتكرمت قريب من الحلم ولاهوب حلم ومثل الحلم وكنه حلم
خخخخخخخخخخخخ سندباد الي يطير ابهم في تمثيليات غضب غضب الكويتيه القديمه
يوم الحمر الطرق يسبرن مع الدرايش خخخخخخخخخ تشكراتي لسعادتك:bye1:

مخاوي الذيب 11-20-2010 11:46 PM

ابلش الله ابليسك مسحبني من اليوم من البر ولوس انجلس في الشرط والمحاكم تفقعت عيوني وانا اتابعك موضوع مميزززززززززز

هواوي داج 11-20-2010 11:49 PM

المشاركة الأصلية كتبت بواسطة إياد الروقي http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
هههههههههه مشكور يا داج










اياد الروقي ياهلاوين ياهلاوين ياربي حيه فلاكن عندي سعال بري وفيه رعده ورعب .


تعال تحت اباك




ابوك نائب المدير ؟ :d ,, كان ابوك المدير تراك صديقي من هالحين :dلحيث اني ابالي ماضوع
والواسطه فوق القانون:36_1_11:

مخاوي الذيب 11-20-2010 11:50 PM

ابلش الله ابليسك مسحبني من اليوم من البر ولوس انجلس في الشرط والمحاكم تفقعت عيوني وانا اتابعك موضوع مميزززززززززز الله يبارك فيك

هواوي داج 11-20-2010 11:59 PM

المشاركة الأصلية كتبت بواسطة مخاوي الذيب http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
ابلش الله ابليسك مسحبني من اليوم من البر ولوس انجلس في الشرط والمحاكم تفقعت عيوني وانا اتابعك موضوع مميزززززززززز










خوي الذيب ياهلاوين ومسهلتين انت متى جيت هنيا ؟ ربي مار يسلمك من يوم تليتها من البر لاان جيت مع شوارع لوس انجلوس فلاكن انتبه لاتمر جيسيكا خخخخخخخخخخخخخ

الحنونه 11-21-2010 03:36 AM

روعه روعه روعه...
مشكور اخوي الدااج داااااااااام تواجدك .

الامير 11-21-2010 04:42 PM

مشكور خوي على القصه لك حترامي

هواوي داج 01-18-2011 01:47 AM

المشاركة الأصلية كتبت بواسطة الحنونه http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
روعه روعه روعه...
مشكور اخوي الدااج داااااااااام تواجدك .










الحنينه ياربي يسلم هالراس ياسيادة المديره العامه للمنتدى العام للعام الفايت ولهذا العام:flex:

غنامي ضايع 01-18-2011 01:59 AM

الله يشغلك انت مغير تعيد في القديم اقول بما انك اهنا متواجد ياحضي اسدحلنا بكذبه من اكذابك لحيث اني ادمنت على هروجك والله انه محريتنه اناوانت مدرهاماعندناسالفه مغير نفترفي المنتدي تقول مضيع حاجه خخخخخخخخخخخخخخخخخخخخخ شكل الشباب بيطردونا مار دورلنام على منتدى ثاني خخخخخخخخخخخخخخ

هواوي داج 01-18-2011 02:20 AM

المشاركة الأصلية كتبت بواسطة غنامي ضايع http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
الله يشغلك انت مغير تعيد في القديم اقول بما انك اهنا متواجد ياحضي اسدحلنا بكذبه من اكذابك لحيث اني ادمنت على هروجك والله انه محريتنه اناوانت مدرهاماعندناسالفه مغير نفترفي المنتدي تقول مضيع حاجه خخخخخخخخخخخخخخخخخخخخخ شكل الشباب بيطردونا مار دورلنام على منتدى ثاني خخخخخخخخخخخخخخ









خخخخخخخخخخخخخخخخخخ تفتر ضايع صوح خخخخخخخخخخ ها افتر انا جاي عشان افتر من اليوم فيه سربوت شبهه ياكل العرب من شينه وجايني كاتب اسمه اجمل غناميه وابتلشت فيه اباه ينسا انه سجل بهالمنتدى وابا اطرده لاان الله يفرجها وليارجع وصار قرد ابا ارجع لك احط لك اكبر كذبه من ام كذاب حقنا خخخخخخخخخخخخخخخخخخخخخخخخخ وان مالقيتني هنيا تلقاني منسدح بالسطح

غنامي ضايع 01-18-2011 02:28 AM

ابك انت علامك لاتفضحنا في بنات عمنا كود هاالحين يقولن هواوي سربوت ويمتحنونا الغنانيم وانت تعرفهم دمهم حار المهم انكانك مصمل انا ابا اتراجع لان تطرحونه انكانه راجل وانت ماتدري لوانه بنيه هالحين ذابحنه الدلع يقولون من زود النعومه اتركهن وعطنا من اكذابك تراه ازين وان اخوك خخخخخخخخ

هواوي داج 01-18-2011 02:36 AM

المشاركة الأصلية كتبت بواسطة غنامي ضايع http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
ابك انت علامك لاتفضحنا في بنات عمنا كود هاالحين يقولن هواوي سربوت ويمتحنونا الغنانيم وانت تعرفهم دمهم حار المهم انكانك مصمل انا ابا اتراجع لان تطرحونه انكانه راجل وانت ماتدري لوانه بنيه هالحين ذابحنه الدلع يقولون من زود النعومه اتركهن وعطنا من اكذابك تراه ازين وان اخوك خخخخخخخخ









خخخخخخخخخخخخخ ياحبي لك ياهالضايع اللي شكله مضيع الطاسه تبا كذبه هاه ؟ والله اللاله النافوخ مجيم ماعاد به غار الدجه . وعلا طاري الدجه والنعومه هاذي ما دانيها وخاصتن الي تسوي روحها زانه وهي تاكل العرب من شينها الله يزينها خخخخخخخخخخخ امرح الله يزوجك:msn-wink:

سموالذات 01-18-2011 03:59 AM

ههههههه قصه ممتعه . بس تصدق انك داج؟؟
تحياتي لك

هواوي داج 02-07-2011 01:09 AM

المشاركة الأصلية كتبت بواسطة سموالذات http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
ههههههه قصه ممتعه . بس تصدق انك داج؟؟
تحياتي لك










صاحب السمو الذاتي قصدي سمو الذات ات ياربي حيه تشكراتي واشواقي لمرور سموك الكريم

سامي مشعان 02-07-2011 01:37 AM

الف شكر لك يالداج
ولاعاد تفتش الاباريق الي تلقاها فالبر ثم يطلعلك واحد مع زقم الابريق ويوديك دولة ماتجي منها

هواوي داج 02-07-2011 01:59 AM

المشاركة الأصلية كتبت بواسطة العبرود http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
الف شكر لك يالداج
ولاعاد تفتش الاباريق الي تلقاها فالبر ثم يطلعلك واحد مع زقم الابريق ويوديك دولة ماتجي منها










خخخخخخخخخخخخخخخخخخخخ هاتشكراتي للعبرود والرصاص وخاصتن المحرق منه
ولاتلوم الداج كل مالقا له خنتق مخلي دحدر معه ومادام هاذا ردك ها اجحر هنيا ولاعاد تعودها وتفول على الدويج انه مايجي:no:
http://www.gnanim.com/vb/showthread.php?t=6040


+4. الساعة الآن 04:19 AM.

Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.

جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط  

2 3 9 11 15 16 19 20 21 25 26 27 30 31 32 37 38 39 41 42 43 46 49 53 54 55 58 59 60 66 69 70