محاورة النار بين حبيب ومستور
 

حبيب العازمي:

ابن تركي يباله قاف مثل النار والبنزين

ـــــــــــــــــــــ حريقه في حريقه والمطافي ماتطفيها

على شان العلوم اللي نبى تفسيرها بعدين

ـــــــــــــــــــــ يخربها ولد جاره ولا يقدر يسويها

رد: محاورة النار بين حبيب ومستور
 

مستور العصيمي:

ليا شبيتها نرميك فيها ياغراب البين

ـــــــــــــــــــــ علاك اتشبها وأنا علي اكفتك فيها

والا يالعازمي ماني بزايد فوق دينك دين

ـــــــــــــــــــــ أخذ عبر التجارب فاول الدنيا وتاليها

رد: محاورة النار بين حبيب ومستور
 

حبيب العازمي:-

أنا ماني غراب البين أنا خلالً يخل العين

ـــــــــــــــــــــ وأنا وشلون احول وسطها وأنت متوقيها

ثمان سنين زايدها ثمان سنين كم سنين

ـــــــــــــــــــــ نعش الأرنب السوداء وتفتلنا باذانيها

رد: محاورة النار بين حبيب ومستور
 

مستور العصيمي:-

أنا ماني بخابر عازمي واحد طويل ايدين

ـــــــــــــــــــــ ليا طالت يدينه ماتعدّا عن مخابيها

سوالف ماتخالف ياحبيب بين حين وحين

ـــــــــــــــــــــ لكن العازبات اللي يسرحها يضويها

رد: محاورة النار بين حبيب ومستور
 

حبيب العازمي:

لا بالله ربعك أنته كلهم شجعان وأنت دوين

ـــــــــــــــــــــ تمد ايداك وحبيب على كيفه يلويها

رحانا كل مادارت على حبً يروح طحين

ـــــــــــــــــــــ نداويها ونجرحها ونكحلها ونعميها

رد: محاورة النار بين حبيب ومستور
 

مستور العصيمي:

بناناها على طول الليالي مثل صور الصين

ـــــــــــــــــــــ تراكم صيدة ً فالوقت نطبخها ونشويها

ولا يارعي الحجه نبى برهانها ذالحين

ـــــــــــــــــــــ ولا تغدي علينا بين كاتبها وقاريها

رد: محاورة النار بين حبيب ومستور
 

حبيب العازمي:-

حديتونا على علم الردى ياربعنا الغالين

ـــــــــــــــــــــ رديه والرديه راجعها في حظ راعيها

يموت الحظرمي والحبحبه حمراء على السكين

ـــــــــــــــــــــ ولا يقدر يقطــــــــــــعها ولا يقدر يخليها

رد: محاورة النار بين حبيب ومستور
 

مستور العصيمي:-

عسى الله ينصر الأسلام ويقوم عمود الدين

ـــــــــــــــــــــ ويكتب لك ثوابك فالصلاه اللي تصليها

ابوي امحارب الكفار في غزوة بدر وحنين

ـــــــــــــــــــــ وأبوك اللي مغار يسند الديره وينحيها

رد: محاورة النار بين حبيب ومستور
 

حبيب العازمي:-

يقولون الرجال الضعف دائم حيلة المسكين

ـــــــــــــــــــــ وحنا أهل المروه والضعافه ماندنـــــيها

ابوك الله يغفر له قضاها مع رعاة الضين

ـــــــــــــــــــــ ويزعل لو يشوفك فالغنم سارح مفليها

رد: محاورة النار بين حبيب ومستور
 

مستور العصيمي:-

يقولون الرجال العز ضرب السيف ابوحدين

ـــــــــــــــــــــ وابا اذكرك في بعض اللحون اللي تغنيها

أنا دوبي عرفتك ياحبيب بعد عام الفين

ـــــــــــــــــــــ واعاين في وجيه الناس واجرحها واداويها

رد: محاورة النار بين حبيب ومستور
 

حبيب العازمي:-

ترى اللي يدفع الدرمه على وقت الشريف حسين

ـــــــــــــــــــــ علاه ملاحظه عند الزكاه اللي يزكيها

ليا منا تمادانا ترانا كلنا مخطين

ـــــــــــــــــــــ وأنا جيتك مصيبه والمصيبه وين تغديها

رد: محاورة النار بين حبيب ومستور
 

مستور العصيمي:-

أخذها شيخنا يوم العرب بين القساء واللين

ـــــــــــــــــــــ تبى تشهد لنا الأيام حاضرها وماضيها

رد: محاورة النار بين حبيب ومستور
 

وسلامتكم
تحياتي لكم

رد: محاورة النار بين حبيب ومستور
 

يعطيك العافيه على الجهد الرائع

رد: محاورة النار بين حبيب ومستور
 

هلا بك
اللي تعافيك
تحياتي لك

رد: محاورة النار بين حبيب ومستور
 

تسلم والله آخوٍي على مأ قدمت لنأ


سلمت يدك

دمت بخيرٍ

رد: محاورة النار بين حبيب ومستور
 

رد: محاورة النار بين حبيب ومستور
 

تسلم يالغ نامي

رد: محاورة النار بين حبيب ومستور
 

تسلم مشكور على المرور