|
مشكلتن مشكله
سلام عليكم إلى خبراء الأجهزة المحمولة والغير محموله هههه الزبده
امس وانا قاعد اتمشى في سوق الصواريخ بجده لقيت اسمراني يعرض جهاز توشيبا لوغطه مع اني دريت انه سارقه وهاذي مواصفاته هو اسمه ستلايت على حسب قوله اخوانا في الله افضل مميزات في التوشيبا سرعته خياليه السرعه السرعه المعالجCore 2 Duo T7300 الذاكرا الرام 2 قيقا الهارد 300 قيقا الشاشه 15,4 استعمال شهر و 8 ايام بالضبط يقول شريته 3200ريال الفاتوره والكرتون واغراضه كلها موجوده ياهبيبتي وشغال ميه بالميه وفيستا بالميه ياهبيبتي < عاد انا يوم قالي حبيبتي قلت بشتريه قلت كم تبي فيه قال الف وخمس وحط يده اليسرى على وسطه زي اللي تقول ينتظر عاد انا مشيت من عنده قال تعالي وانا اطالع فيه قال كم تعطيني قلت ياخي غالي انت ورحت قالي بصوت اعلى تعااالي وقفت وطالعت فيه قال كم تعطيني لين ابو عبدالعزيز معي قال الف ريال ههههه قال هات قلت صبر بفحص الجهاز وفحصته سليم ما فيه شي يوم اخذته معي البيت طلع المسنجر ما يشتغل حملته وعيا يشتغل ما ادري وش المشكله وكل ما شغلته طلعت لي الصوره هاذي مع اني مدري شتبي سبب بيعه للجهاز عنده اربعه زيه يعني لو قالي عندي ثاني صدقته ما علينا نجي حق المشكله لا جيت اشغل المسنجر طلعت الشاشه ذي ولا ادري وش العلم http://up3.m5zn.com/photo/2009/5/1/08/duplnnzep.jpg/jpg |
رد: مشكلتن مشكله
أعرضه للبيع شي بلاش ربحه بيٌن واشترجديد مع دفع فرق بسيط :msn-wink:
|
رد: مشكلتن مشكله
والله هذا اللي فكرت فيه بس تخيل شكلي مطروح في محل كمبيوترات في جده وفضيحتي في قلاقل ببيعه في مكه ولا في عفيف
|
رد: مشكلتن مشكله
يوسف
1300 ريال ومبلغ الشحن dhl علي وش تقول ؟؟ |
رد: مشكلتن مشكله
ياحبيبي يفتح الله هذا جاني رزق من الله
|
رد: مشكلتن مشكله
يوسف
تذكر اني ابي اشتريه منك وانا ادري انه خربان يعني رسوم التصليح وكل شيء .. !! .. وبعدين من الاخر عشانك ولد عم وتستاهل لكـ 1400 ريال ... والدفع عبر الوسترن يونيون << انقلبنا مصاريه ورسوم الشحن علي انا << العرض جدي وليس من باب الهزل والـضحك |
رد: مشكلتن مشكله
مسيّر .. اسلوب تجاري مغري ..
يوسف قل تم تم :d |
رد: مشكلتن مشكله
الجهاز صيده..
والحقيقه مشكلته سهله جدا.. فرمته وبس!.، لأنك ماتدري وش حط فيه راعيه الأول من برامج يمكن فيها ملفات تجسس. فيه خطوات بسيطه افتح قائمه ابدأ ثم اكتب في محرك البحث " تشغيل " أو " RUN " بالانجليزي او اضغط من لوحة المفاتيح على اختصار علامة الويندز + حرف R ثم اكتب في الامر تشغيل هذه الشفره : ( " msconfig " ) ومن التبويب " بدء التشيغل " سيكون التحديد على جميع الخيارت اعكس التحديد وذلك بالضغط على " تعطيل الكل " . ثم تطبيق ثم موافق سيطلب اعادة التشيغل عطه اوكي وبعد مايشتغل من جديد ستظهر لك رساله تقول "تكوين النظام..كذاكذا..الخ" حدد على العلامه عدم الظهور مرة اخرى وجرب اتصل بالماسنجر. هذا الامر يقوم بتجاهل جميع برامج بدء التشغيل وقد يكون منها تروجونات او ملفات تعطل او تشل عمل خصائص الويندز او الماسنجر مثلاً! جرب وعطنى الزبده. .. وفيه امر ثاني اذا حبيت تعمل له برنت سكرين عشان ينبسط اخونا مسير يشوف مواصفات الجهاز وهو dxdiag هذا تكتبه في خانه التشغيل عساس يوريك مواصفات كثيره عن الجهاز اذا حبيت تعرضه للبيع وهذا الامر" drwatson " يخلي دكتور اسمه وطسون يفحص الجهاز ويطلع جميع مشاكل وبلاوي الجهاز. وفي آمان الله |
رد: مشكلتن مشكله
مسير ابشرك صلحته موب خربآن ازلت المسنجر ورجعت ركبته وشغال ميه ميه وزي العسل على آلبي هواك ...
سسطام منب بايعوه ابيه ههههه أحمد معلومات خطيره ياشيخ جزاك الله خير |
رد: مشكلتن مشكله
اقول يوسف الجهاز مسروق وخرباان
بس خذ 1500 +مصاريف الشحن |
رد: مشكلتن مشكله
المشكله وانا اخوك حلها
تحذف الماسنجرتلقى فيه عطب ولا شىء ثاني وحمله من جديد وانصحك دامه جديد عليك تفرمته وتركب ويندوز أكس بي سيرفس باك 2 أو 3 واذا ما انحلت المشكله علمني << معليش رديت بسرعه بدون ما اشوف الردود < كسلان ^_^ ودي الرحال |
رد: مشكلتن مشكله
جزاك الله خير يالرحال على المشاركه وسويت اللي قلته انا وزبطتك بس نظامي فيستا للحين وشكلي برجعه ويندوز القديم
|
رد: مشكلتن مشكله
تصدق
مشكلةٍ مشكله مالها حل ههههههههه مرور لا أكثر تحياتي |
رد: مشكلتن مشكله
حياك الله ياعيون الصقر حليته ومرورك اسعدني
|
| +4. الساعة الآن 11:24 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط