|
لا والله الا غرست واقبل الليل
لا والله الا غرست واقبل الليل=في وسط واد (ن) ساع دقت تليعه وامسيت مابين الخثث والغراميل=وضاقت علي افجوجها اللي وسيعه وعديت في راس الطويله بدربيل=وليا خلاء ماحولي الا القطيعه جعل العوض في الددسن ام البهاذيل=جيب (ن) يشوق الناضرين بلميعه ابغى ليا مني نويت المحاويل=واللي يجي من نجد يذكر ربيعه دنيت لند اكرووز يصبر على الشيل=صدره رفيع اعن الخطوط الرفيعه وليا بغيت اقنص على طلعت اسهيل=أما وراى هداج ولا الوديعه قربت صندوق العزب والمعاميل= واخترت لي ملحوم ساكن طبيعه وليا بغت ازور مكه ورى السيل=طفت البنوز امع الخطوط السريعه حسه ليا وصل الثمانين بالميل=في قربته حس الذياب المجيعه صاف البلوف مذلل البعد تذليل=حقك على اللي يمسكه ثم يبيعه |
رد: لا والله الا غرست واقبل الليل
السلام عليكم ورحمة الله وبركاته
يامرحبا بك يبو فراج ورحم الله فراج بن غريب الذي يعتبر من شعراء الغنانيم الكبار وسيكون له ديوان مستقل إن شاء الله تعالى لأنه يستحق أكثر من ذلك. وسلم الله يدك على نقل هذه القصيدة هنا. |
رد: لا والله الا غرست واقبل الليل
الله يسلمك ياحاتم بن حمد وتشرفت بممروك العطر ياخوى ياحاتم
ولا هنت يالغالي .. |
رد: لا والله الا غرست واقبل الليل
وليا بغت ازور مكـه ورى السيـل
طفت البنوز امع الخطوط السريعـه صح لسان فراج والله يرحمه ويغفر له وتسلم يابو فراج على موافاتك لنا بقصايد والدك تقبل مروري |
رد: لا والله الا غرست واقبل الليل
الرمش
الله لايهينك واشكرك على مرورك العطر تقبل تحياتي |
رد: لا والله الا غرست واقبل الليل
الله يرحم ابو عطا الله ويسكنه فسيح جناته ..
شاعر بما تعنيه الكلمه .. الله يرحمه .. وبيض الله وجهك على نقل هذه القصيده .. ونتمنى منك المزيد .. وشكرا .. .. |
رد: لا والله الا غرست واقبل الليل
الله يقبل منك ياعزيز النفس
ويجزاك الف خير وابشر باللي تبي ويشرفني مرورك تحياتي لك |
رد: لا والله الا غرست واقبل الليل
الله يرحم الشاعر فراج بن غريب
ونشكرك على ايراد قصائده |
رد: لا والله الا غرست واقبل الليل
الله يقبل منك ياغيمار واشكرك على مرورك العطر تحياتي لك |
رد: لا والله الا غرست واقبل الليل
[tabletext="width:70%;"] | [/tabletext]شكراً ابو فراج لا تبخل علينا بقصائد المرحوم باذن الله تقبل مروري |
رد: لا والله الا غرست واقبل الليل
تسلم ياعبد المحسن على مرورك ياخوي تحياتي لك |
رد: لا والله الا غرست واقبل الليل
ابو فراج الله يرحم فراج بن غريب ويسكنه فسيح جناته
الشاعر فراج غريب يعد من اكبر فحول الشعر والشعراء وهذا مايختلف عليه اثنين لكن عندي طلب يابو فراج اذا كان مايثقل عليك نبغى كل ثلاث ايام تنزلنا من قصايده وركزلنا على المساجلات يابو فراج وتقبل تحياتي |
رد: لا والله الا غرست واقبل الليل
الله يجزاك خير ياعين الذيب ويشرفني مرورك يالغالي وابشر باللي تبي غالي والطلب رخيص تحياتي لك |
رد: لا والله الا غرست واقبل الليل
السلام عليكم ورحمة الله وبركاته العزيز ابو فراج تم تركيب الديوان الألكتروني وأرجوا منك تزويدي بقصائد والدك والتي تريد أن تكون من ضمن الديوان وأتمنى كتاباتها في ملف وورد أو تنزيلها هنا لكي يتم تسجيلها ووضعها في الديوان بعون الله |
رد: لا والله الا غرست واقبل الليل
ابشر يالغالي والله مدري شلون اشكرك لاكن ابشر بالقصائد . راح انزل ان شاء الله كل يوم او يومين اقل شي قصيدتين وشاكر لك كل الاهتمام ولا هي غريبه على واحد مثلك تحياتي لك |
الله يرحم اموات المسلمين
ولاهان من نقلها |
| +4. الساعة الآن 03:27 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط