|
شغب اطفـــال
بسم الله الرحمن الرحيم
السلام عليكم ورحمة الله وبركاته كيف حالكم يالغنانيم عساكم بخير ؟!! طبعاً كلنا كنا اطفال وكانت تصرفاتنا مضحكه وغريبه .... http://www.mstaml.com/imagesData/f-78185.jpg كل واحد يدخل يقوول وش المواقف اللي يسويها او بالاحرى الجرايم اللي يسويها في اخوانه اللي اصغر منه او عيال جيراهم...او حتى في نفسهـ http://vb.arabseyes.com/imgcache/39690.imgcache والموضوع ذاااا للكل .. اللي يدخل يقول وش سوى ايام طفولته اعضاء ومشرفين وحتى المديرين مانبي رسميات في هالموضوع و بدوووون تشفير ههههههه http://vb.arabseyes.com/imgcache/39693.imgcache وأنا ببدء ... انا ضعيف حالي حال نفسي ماكنت اجرم في احد كثر ما اجرم في نفسي .... اذكر مره قفلت باب الحمام الله يكرمكم علي وطاح مني المفتاح وماعاد له رجعه :p ومن الخووف اللي انتابني جلست ساكت في الحمام مابكيت خوفاً من فجعه امي لاني عارف اني باكل لي قرصه محترمه.. عاد مر وقت طوويل ويدقون الباب وما ارد وينادوني ومطنشششش .. حيلي انهد وانا واقف في الحمام لاشغله ولا مشغله ههههههههههه قال واحد من اخواني< اللي استأنسه .. سطام انت في الحمام؟ قلت وبصوت مخنوق : ايه http://forum.z7mh.com/images/fisat/20.gif قال افتحه قلت المفتاح طاح بح ..!! وتخنقني العبرا واقعد ابكي بقووووه وكسروا الباب وطلعوني .. واطالع في امي وابكي بقوووه وبصوت عالي .. اتبع سياسه (ناطح الصياح صياح تسلم) هع هع هع والجريمه الثانيه مو مني من اخوي اللي اكبر مني بشوي ... كنت انا عنده فأر تجارب http://forum.z7mh.com/images/fisat/32.png كان ياخذ الشامبو ويكته كله على شعري ويحطني عند المكيف ويكفخني المكيف لييييييييين تنشف شوشتي .. ثم يجلس يتفنن بالتسريحات ويسوي لي سبايكي .. واقوم الصبح مسخن ومزكم وحلقي ملتهب والسبه اخوي المجرم .. ــــــــــــــــــــــــــــــــــــــــــــــــــ ـ يلا لاتبخلون بمواقفكم الطريفه . تحيتي. |
رد: شغب اطفـــال
[TABLETEXT="width:70%;"] | [/TABLETEXT]انا كنت يوم اني صغير مع ابوي عند البل يومياً وما اخاف منها وكنت اذا شفت لي بعير كبير ولا ناقه من زود الهياط ادخل من تحتها مسوي راعي ابل :pبس في يوم من الايام جيت عند بكره دوب عمي شاريها مهيب هديه (هديه للي ما يعرف يعني هادية الطباع ) يوم جيت ابا ادخل الى الرمحه يوم جتني على البطن خررررررررررر ليني مثل اللعبه يوم قمت ليني برى الشبك من الخوف تركت نعولي:D لي ذكريات في الجنادريه لن انساها مع البل وانتهت الغصه |
رد: شغب اطفـــال
ايــــــــــــــــــــــــــــــــــــــــــــــــ ــــه ياحــــــــــــــــــــــــــــــــــــزم الضـــــــــــــــــــــــــامي
^ قلبت المواجع ياسطام اما يومنك في الحمام هذا حكاية ثانيه يعني ساكت ليــــه وش تحتري هههههههههههأإآي اما عبدالمحسن والله ودي اشوف الفيديو حق الرمحه ههههههههههههههأإآي 7 7 7 طفولتي عااااااااااااااقل ومسااااااااااااااااااااااااالم ومظلوم طيب انا طفولتي موب ذاك الزود طفولة اي فرخ بدوي كنت البس فلينه هلاليه وسروال نصراوي عشان ابين االروح الرياضيه اللي عندي كنا في بريدة في حي الزهور وكنت توني داخل اولىآ ابتدائي في مدرسة انس بن مالك الأبتدائية طبعاً الحضر زراديات يطلعون عيالهم للمدرسة بفسحه جاهزه من البيت عصير وصامولي بجوبون < جبن ههههه وانا يابو حنيس كنت اجي معي عشره ريال الله يخلي لي ابوي يطنخني لا جت الفسحه الله لا يوريكم انواع البذخ يوم كان في بسكوت الفراوله الشكولاته جواتها فراوله اللي علبتها عليه حبه فرواله شعرها اشقر كان اربع حبات بريال واشتري بريالين واوزع على اصدقائي ولا خلص البسكوت ما عاد اشوف منهم احد . كان فيها مدرس والمشكله ملتزم بس عنصري لأبعد درجة التسسلب جعله الماغص لو اني ادري وين هو بوه بيتوه ذبحته ملعون المترس كان يهاوشني يدرسنا قراءة وفي الاختبار انا اسمي يوسف زي ما انتم عارفين وهو يمشي بالابجدي لا جاء دورني صفقني مخمسات وقال روح بيتكم ويوم تجي الشهادة كل المواد ممتاز ممتاز ممتاز الا مادتة ض كبر راسي هههههه حسبي الله ونعم الوكيل ويكررررره البدو كره العمى والظاهر مرسبني عشاني بدوي وكان يوقفني في زاويه الفصل كل اخر ربع ساعه هههه ويقول للطلاب كشو عليه ويكشووون مع رفع الدين على طريقة الكش و اخراج صوت يشبه صوت مجموعه من الذبااان صوتها قوي كذا كشششش كشششش كششششش كشششش كشششش كششش < وتستمر عملية الكشه ربع ساعه لين تخلص الحصه وومحسوبكم سعييييييد جداً والإبتسامة تعلو وجهه لأني بكل بساطه طفل ولا ادري عن شي .. بس لو اقدر اعيد الزمن رجعت وفحطت في بطنه اليهودي لين يعرف ان الله حق وبس هذا جزء من حياتي العلمية ولا يقولون ليش نسبتك في السبعين هههههههههههههههههههههههه . سطام بغيت اثبت الموضوع لينك انت مشرف القسم الفرفشه ثبته انت ياعنوني هـع هـع :) |
رد: شغب اطفـــال
اقتباس:
وانتظرونا في الحلقه القادمه |
رد: شغب اطفـــال
هذا بدال ما تقول امش نروح بريدة ندوره تضحك ايييييييييييييه بسسس هههه
|
رد: شغب اطفـــال
هههههههههههههههههههه عبد المحسن .. تارك نعولك من الفجعه:eek:
عساني منرفس بيوم..! ــــــــــــــــــــــــــــــــــ يوسف اووووووووه من قدك ماشاء الله فسحتك عشره .. انا فسحتي 3 ريالات ريال ينطح ريال .. ولا اضيع فيها عند المقصف .. معرف احسب خصوصاً لامني شريت حلاوه مصاص بنص :o اعطيهم الـ3 ريالات كلها واخذ حلاوه واروح .هههههههههههههه أجل لو عطوني خمسه وش بسوي؟! ـــــــــــــــــــــــــــــــ مسير لاتبطي .. بشوف مواقف طفولتك أحس انك مشمر اكمامك اربع وعشرين ساعه:mad: ــــــــــــــــــــــــــ يا اعضائنا الكراام .. الموضوع تثبت .. والاعضاء قله !! فا اللي يدخل الله لايهينه يقول كحد ادنى موقفين .. عشان نثري الموضوع:D |
رد: شغب اطفـــال
اذكر مره اشتريت دجاجه من حرامي عندنا في الحاره نصاب حرامي بزبز اي شي يسرقه يبعه وذاك اليوم لقيت معه دجاجه سحريه ليش سحريه هههههههههههههه كانت تطير على مستوى الارض ما تبتعد وقسم بالله كانت يعني لا طارت ما توقف لين تصفق اي جدر يجي في وجهها على طول دجاجه خطيره وكنت لا جيت من المدرسه احل واجباتي ولا جاء العصر اطلع وانا شايل دجاجتي السحريه واستعرض بعها انت اصدقائي اطيرها ونركض وراها بسعادة هههههههههههههههههههههه اخر شي ماتت الله يرحمها عن عمرن يناهز الستين عامااا احس انها مخرفه تحسبنها حمامه اكلها تسسلب متشرد يوم جيت لين راسلها وجنحانها ورجلينها بس اخر ما تبقى منها . وقلت فيها قصيدة ههههههههههههههههههههههههه بس احتفظ فيها بنفسي لانها قصيدة مسكوها علي عيررره ههههه :d
|
رد: شغب اطفـــال
امااااااااااااااااااااااانه لتقولها تكفى تكفى يوسف قولها ههههههههههههههههههههه
الله يسعد صباحك قول امين .. قول القصيده ابهجنا:d |
رد: شغب اطفـــال
تكفى انك تعفيني انا فدا ذاللحيه هههه هي بويتات مالها داعي من الصحه والوجود وهي على البحر اليوسفي خخخخخخخخخخخخخخخخخخخخخخخخخخخخخخ < ضحكه فشيله اقولها لك بعدين
|
رد: شغب اطفـــال
البحر اليوسفي ... شييييي
خلاص طيب بس لاتنسى :p |
رد: شغب اطفـــال
ايـــــــــــــــــــــــــه ذكرت فيه موقف طبعاً يوم اعدت سنه اولى ابتدائي نقلني ابوي لمدرسه كويسه مدرسينها حلوين متفهمين وصرت انا الوحيد اللي فاهم الطبخه كلها التسميع وكل شي
جيت المدرسة الجديده وكل الطلاب اللي حولي يبكون لأنه اول يوم ويوزعون بساكيت وفشفاشات وانا ماابكي الا انا لأني قوي ههههه المهم كان فيه طالب اسمه عبداللطيف وكنا نناديه الدب اللطيف وكنت دايم اجلده صرت انا وياه زي طاش ما طاش يومنهم حلقت كاوبوي يوم محمد العيسى يكمخ قم بس قم ايوووه زيه بالضبط كل ما شفته مسكته وجلدته جلد في المدرسه في الفسحه وفي البدنيه وفي الطلعه وفي مزرعه كانت جمب المدرسه كان ينحاش مني وياخذ طرق ملتويه واساليب خبيثه للهرب وكان يختصر مع المزرعه وكنت الحقه لين اطرحه واجلد فيه بمعاليق بخشب ببلك اللي يتفتفت وبنعالي الله يكرمكم وبكل ما اوتيت من قوة وذاك اليوم اثره معلم ابوه وحين رن الجرس شال شنطته وانحاش والطلاب ياويله ياويله يحذرونه مني وانا لا سمعت هتافات الجماهير الغفيره احس اني اقوى واحد في العالم واطرد الضعيف هذا وها المره يوقف عند باب المدرسه يوم طلع وأشر يمي انا ما كنت ادري وش السالفه ولا دريت انها فزعه ولا حاجه يوم جيت عند الباب الا احلا ما اشوف ابوه قال وش فيك على عبداللطيف هااااااااااااااااااااااه :mad: انا بلعت لساني قال تعال وقربت منه قال والله لو تلمسه اني لحطك في المكينه كان معه هيلوكس قديمه صوت مكينتها يخرع عاد انا المكينه فوق استيعابي فا حسيت انه شي يخرع وانا احط يدي على وجهي واقعد اعيييييييييييييييييييييييييييييييييييط لين راح فكيت يدي عقب شي هيك خمس دقايق لينه رايح ومشيت للبيت وانتهت بطولاتي مع الدب اللطيف وشكراً للأنصات |
رد: شغب اطفـــال
يسلمووو ع الموضوع ياصطـآآم
وين الآعضاء ليه محد يسدح نبذهـ عن طفولتهـ :) انا ابي اسدح بس لين افطر وروق المنقى :) |
رد: شغب اطفـــال
< يحتري طفولة ابو بطين هههههه
|
رد: شغب اطفـــال
يقولون اني يوم كنت صغير .. ارقس اذا اذن http://forum.z7mh.com/images/fisat/86.gif وابكي اذا غنوا http://forum.z7mh.com/images/smilies/zx9.gif
مخي مخبط شوي ههههههههههه ومره لصقت علكه بشعري .. سويت مناحه لانهم قصووه :( ــــــــــــــــــــــــــــــــــــ شوفوا هالمقطع يحزن http://www.youtube.com/watch?v=K8On7...layer_embedded |
رد: شغب اطفـــال
:(الله لا يواجره ليش كذا عيونها حمرت ياخي حرام :(
|
رد: شغب اطفـــال
ياويله ياويله يحذرونه مني وانا لا سمعت هتافات الجماهير الغفيره احس اني اقوى واحد في العالم
ابوها يا اندرتيقر مصارع الاخ ياليتني لحقت عليك وانت صغير |
رد: شغب اطفـــال
[tabletext="width:70%;"] | [/tabletext]ابو بطين وين طفولتك ومسير بعد عجلو علينا سطام مخبط بقووووووووووووه |
رد: شغب اطفـــال
هههههههههههههههههههههه
هههههههههههههههههههههه يمكن لو انك دارس معي يابو حسن يمديني اجلدك |
رد: شغب اطفـــال
انا احس ان يوسف راعي فزعات :rolleyes: مدري ليه .!!!
كل واااااااااااااحد يقول اكثر من موقف .. لايكتفي بموقف واحد بس :mad: قلدوو يوسف عبد المحسن تزكرلك شي مووئف تاني .. عجل علانا :p وين باقي الاعضاء؟؟ ماعشتوا طفوله؟؟؟ |
رد: شغب اطفـــال
[tabletext="width:70%;"] | [/tabletext]انا يقولون اني اطلع بدراجتي لي اعلى الدرج واجيك مسرع واتزحلط مع الدرج والحمد لله ما يجيني شي تدرون ليش لاني مركب في الدراجه مانع انزلاق ومصفحها ومركب مكينه ربع 2009 بس يوم كبرت قلبت مكينتها ديزل المهم جاك اخوي عبد الرحمن يبي يقلدني اول مره مشت معه صح والمره الثانيه جاك على راسه :( هذى بعض من طفولتي من شانك سطام تؤبر البي |
رد: شغب اطفـــال
مشكوووووور عبد المحسن .. طفوله رائعه :)
|
رد: شغب اطفـــال
مشكور مره اخرى على الموضوع الحلو
انتظروني اتعشآء وروق المنقى واسدح لكم طفولتي |
رد: شغب اطفـــال
ذيك المره بيفطر ويروق المنقا... ولاعاد شفناة
والبارح بيتعشى ويروق المنقا .. وهذا هو انحاش بيجي رمضان .. وبيقول بتسحر واروق المنقا واسدح لكم طفولتي .. الظاهر بتشيب وانت تحاول تروق هالمنقا هههههههههههههههه لامنها راقت قلنا بنسوي احتفال :p |
رد: شغب اطفـــال
هذا موقف قاله لي ابوي امس
يقولي جيتني وانت عمرك ست سنين مدري سبع قلت بابا < كثر منها قلت يبه : عطني خمسه ويقول عطيتك خمسه . ثم رحت قيس ربع ساعة ورجعت والخمسه معك قلت يبه عطني ريال وقلت لك: ليش اعطيك ريال وانا معطيك خمسه ..؟ يقول رفعت يدك بالخمسه وقلت عشان تصير خمصه ريال < اي الخمسه والريال مع بعض ما كنت ادري ان الخمسه خسمه ريال بدون الريال هـع وشكراً |
رد: شغب اطفـــال
هههههههههههههههههه طيب هالحين فرقت بينهن |
رد: شغب اطفـــال
ايه بس لو اني ما افهمها للحين تخيل شلون بيصير شكلي غبي اجي لبوي يبه عطني عشره وريال ههههه حدعش ...
|
رد: شغب اطفـــال
انا طفولتي كلها معارك مع الصوماليين حقين الرياض مره تهاوشت انا وصومالي ومسو فيها مصارع ويوم لويت رقبت الرجال وهويقرط في حنجرتي ليا مبا غير الفكه.
|
رد: شغب اطفـــال
هههههههههههههههههههههههههههههه
ههههههههههههههههههههههههههههه هههههههههههههههههههههههههه ههههههههههههههههههههههههههههه ههههههههههههههههههههههههههههه مشرهن في العبندا انحش بس هههه |
رد: شغب اطفـــال
ومره ياطويل العمر منزلني عمي في المدرسه هذا الكلام اولى ابتدائي قالي خلك مع المدرس انتبه تحوص منا ولامنا يقصد التركيزمع الدرس وادخل المدرسه ويشرح المدرس ويطلع المدرس والحق المدرس ويوم انبه لي قال ليه ياابني لاحقني قلت عمي يقول خلك مع المدرس طبعا اخذني ورجعني للفصل الله يذكره بالخير.
|
رد: شغب اطفـــال
ههههههههههههههههههههههههههههههههههههههههه
الله يسعدك موتني زحك عاد عساك مركز معه وانت تلحقه برأة |
رد: شغب اطفـــال
[tabletext="width:70%;"] | [/tabletext][tabletext="width:70%;"] | [/tabletext]طفولتي تعرفون ورعان الرياض حظر اذا الواحد منهم طلع للبر ما يعرف شي انا ياطويلين العمر يوم عمري 6 سنوات طالع للبر عند خوالي ولي ولد خال بدوي اذا قلت له شي قالي انت تراني ارقد مع الحييا والعقارب وانا مصدق قلت والله اني اصير مثله قال اتحداك تلحقني حنى في الليل محطني على جبهتي وزبن وراه من خيمه الى خيمه من الوايت الى مراح البل ما يعرف الفحمه متعود يطرد الغنم كل يوم المهم وراه لي ما دريت الى القرصه في رجلي المشكله انه داعس عليها بس ما جاه شي رجله يابسه المهم يجي خالي يحطلي تمرة وملح علي القرصه بعد ما فتح القرصة وطلع السم تصدقون ابوي جانا بعد شهر ما عرفني صاير تكروني من الشمس والشوشه يابسه ما عقبت ترويشة البيت. |
رد: شغب اطفـــال
افا عليك عوامل التعريه هههههههههه
|
رد: شغب اطفـــال
هههههههههههههههههه
يوسف انت حكايه مستمعن صار تلحق المدرس ! هههههههههههههههههه ماشاء الله من زود الدوفره الله لايضرك :) الموقف الاول .. ياخي فاتني ليتني اقدر اشوف وجهك أثناء التقريطه. عبد المحسن وربي تخيلت شكلك ,أشعثٌ أغبراٌ :p ـــــــ* ــــــــ *ـــــــــ أنا اليوم عشت طفوله متأخره جداً http://forum.z7mh.com/images/fisat/44.gif جالس في الفصل مع الطلاب .. مرحله متوسطه , بس أشكالهم صغااار مره :o وطاق حنك مع هالطلاب وأسئلهم وش يحبون وش الالعاب المميزه اللي يلعبونها ومن كثر ماحنيت للطفوله بغيت اقوم العب معهم في الفصل http://forum.z7mh.com/images/fisat/126.gif والميانه وصلت حدها الاقصى .. بس غيرت جوي وسويت نفسي عصبي ورسمي http://forum.z7mh.com/images/fisat/76.gif .. تدرون أهم شي الهيبه. |
رد: شغب اطفـــال
ههههههههههههههههههههه
|
رد: شغب اطفـــال
ههههههههههههههههههههههههههههههههه
هههههههههههههههههههههههههههههههه سطام شكلك تبي تصير مثل ناصر القصبي يوم يقول نهق الحماروو نهقااااا عاد يوم ضرب فيوزه من لجت الطلآب قام يعدي يقول انا لستو مدرساً ههههههههههههههههههأإآي |
رد: شغب اطفـــال
ههههههههههههههههههه
عاد والله الحمد لله ارتحت ودي اصير معلماً وأربي أجيالاً وأجيال :) |
رد: شغب اطفـــال
اليوم
أهلي يسولفون عني يومني صغير تذكروني يوم انهم يشغلون المطحنه وأعض على اسناني بقووووووووه ووجهي يتعفس :confused: كذلك الحال اذا شغلوا المكنسه لاتسئلوني ليه ! فديتني هاادي ماحب الاصوات العاليه :o |
رد: شغب اطفـــال
الموضوع هذا ممتاز
وأنا عندي موقف قديييم هالموقف فيه واحد من خويا أبوي كل ماشافني ضحك بسبته مع إن له 18 سنه مبطي وأنا صغير عمري 5 سنين رحنا للجنادريه أنا وأبوي عاد شبكنا جنب الحراج اللي في وسط الشبوك المهم دخلنا الشبك واشتغلنا فالبل بعد هالمجهود عطاني ابوي 10 ريالات وأروح وأشتري لي عصير توت كانوا يحطونه في أكياس الزوله ويبيعونه وعطيت الزول 10 ريال ورجع لي 9 ريالات صرف أنا أصلاً ماعرف وش هالفلوس بس إنبسطت إنها ريالات واجد وماسكها في يدي وأعدي ورافع يدي فوووق وابوي جايه ريجيل واجد وانا اصيح بصوتي كله يبه أنا تاااااجر لعبت على السوداني عطيته ريال ورجعلي ريالات كثير هههههههه كنت مبسوط والريالات تطاير من يدي يوم وصلت لأبوي لين مافي يدي غير ريالين وابوي مات من الضحك وخوياه يضحكون هاك اليوم وجلسوا يعلقون على السالفه شهر كامل هههههههه |
رد: شغب اطفـــال
هههههههههههههههههه
ياماغدا للحاج من جمل |
رد: شغب اطفـــال
اقتباس:
|
| +4. الساعة الآن 09:35 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط