|
اقرب جاي وانا اخوك
عيون الصقر يا شعار جاين يكحل عيونه=يبى شوف الحروف اللي تنومس شوف راعيها ليا فاضت بحور الشعر عنده زانت لحونه=ويعرف كل كلمه قبل ما تطرح معانيها |
رد: اقرب جاي وانا اخوك
هلا يامرحبا وعداد برق الخير بمزونه = تراحيب ٍ تسر اللي يشاهدها وقاريها
ولا ياشاعر ٍ غنى وبيّح كل مكنونه = ما دامنك مسرحها لابد انك تضويها |
رد: اقرب جاي وانا اخوك
معانيها ........... تضويها
الله الله على القوه ... متابع |
رد: اقرب جاي وانا اخوك
اقتباس:
عزيز النفس لا غنّى جميع الناس يوحونه=ولكن البحور الهايجه ما هو بموحيها أنا بنشدك وش حطيت حاجب دونك ودونه=ونفسك يا عزيز النفس ويش اللي يذريها |
رد: اقرب جاي وانا اخوك
هلا والله
الا ياصحابنا ياللي عيون الصقر تــــاتونه = ابيكم تخبرونه فالمـــغازي كيف نغزيها واذا ثوّر عزيز النفس ولا ثـــــارت جنونه = يقف مثل الجبال اللي على البيدا مراسيها .. |
رد: اقرب جاي وانا اخوك
اقتباس:
تقولون المغازي والمغازي عنك مصيونه=وحنا نعرف رجال الوغى وش كان ماضيها عزيز النفس نفسي بالتعرف فيك مفتونه=فعولك يوم طريت الفعايل كيف تحكيها |
رد: اقرب جاي وانا اخوك
الله الله ..
ابـــــيك تروح للي من كبـــــر سنه على شونه = يــــــبا يعلمك بالقصــــه من أولها لتاليــها ليـــــا منــــا ضربـنا طاح راس الـــرجل بمتونه = واذا شفنا عيون القــــوم نكحلها ونعمــيها مستمرين ياعيون الصقر .. |
رد: اقرب جاي وانا اخوك
اقتباس:
أنا جيته لقيت أكثر كلامه ما تحبونه=وإذا منه نطق بالصدق قلتوا رايحن فيها مستمرين يالذيبوظرب الراس ما أوحيته هذاه اللي تقولونه=لحونن جبتها في تالي اوقاتك تغنيها |
رد: اقرب جاي وانا اخوك
هالله هالله
|
رد: اقرب جاي وانا اخوك
هههههههه
مستمرين للأبد ...
أظــــن اللي نشدته شايب ٍ ما طاحت سنونه = ولاَ شارك مع اللي ذوّق الحره معاديها أونه شايب ٍ يوم اللقى ربعه يخلونه = يقف عند الدبش راعي , يوكلها ويسقيها |
رد: اقرب جاي وانا اخوك
اقتباس:
اثر شيابكم ما فيهم اللي تثبت ركونه=ولا تلقى بهم من هو على الحروه يقديها مستمرين يالذيبالا يا ربعنا الحظار بالله ما تشوفونه=تضحى بالثنين من القبيلة عاش مفنيها |
رد: اقرب جاي وانا اخوك
الله الله وصحت السنتكم يالثنين...
أنا ما سك الصف الله لا يعوق بشر... وانا في صف عزيز النفس ولا هان اخوي عيون الصقر... [[تقديري واحترامي]] |
رد: اقرب جاي وانا اخوك
الله الله
صح الله السنتكم يالثنين والله انكم شعار وماسك صف عيون الصقر مدام اخوي خالد ماسك صف عزيز النفس وبيض الله وجيهكم ومتابع لأبداعكم |
رد: اقرب جاي وانا اخوك
|
رد: اقرب جاي وانا اخوك
عيون الصقر ...
أخوي انت مقفل خاصية استقبال الرسائل الخاصة لا استطيع ارسال رسائل لك ياليت تفتح الرسائل... |
رد: اقرب جاي وانا اخوك
الله الله
اذا منه طلع فينا ضعيف ٍ ما يعدونه = نشب النار ياعيون الصقر ثم نطرحه فيها وانا معرف عيون الصقر وش شكله ووش لونه = وانا معرف وشنهي عزوته من شان احييها |
رد: اقرب جاي وانا اخوك
خالد الغنامي
ذيب الغنانيم صحت ابدانكم ... منورين .. _______ وهذه تحيه خاصه لخالد الغنامي ( ابو عزام ) لوقوفه في صفي .. والله انه لشرف مثلك يقف في صفي ... وشكرا لكما ... .. |
رد: اقرب جاي وانا اخوك
هههههههههههههههههههههههههههههههه
واصلو الابداع حلو حلو |
رد: اقرب جاي وانا اخوك
اقتباس:
أنآ من روس قومن جنب شايبهم يعضدونه=ويرفع راس من راسه يا بو نيران تشويها تسلمون جميعاوانا جايك من اللي ما يجيك الا من عرونه=أوسودن تاكل اللي هرجته فالربع مدنيها |
رد: اقرب جاي وانا اخوك
اقتباس:
حاولت أكحلها وسديت عينها لكن اباحاول مره ثانيه لعل وعسى تفح الرسائل |
رد: اقرب جاي وانا اخوك
الله الله ..
مستمرين ....
مادام انه ليا جاكم عـــــدو القوم تفنـــــونه = نبا نعوّد على قصه قديمه ثم نحييها بيوت الطين كانت ياعيون الصقر مسكونه = وراكم ما حميتوها وثبـــّـتوا مبانيها ....:)..... |
رد: اقرب جاي وانا اخوك
اقتباس:
بيوت الطين راحت عند من ربعه يبكونه=نصى له لابتن محدن يبى يقدر يجاريها مستمرينولوهي بالسيوف تعرف فعلن دوم يطرونه=تشرف به جميع الناس قاصيها ودانيها |
رد: اقرب جاي وانا اخوك
الله الله
عقب ما كل رجال ٍ مشى منها على هونه = وكل ٍ شال عفشه معه ونياقه يباريها ..وانهيه وجـهتك وان الطريق الي تمرونه = عقب ماراحت الديره وودعتوا مراعيها |
رد: اقرب جاي وانا اخوك
اقتباس:
تعرفون القديم وما تجدد ما تعرفونه=تزرى والزرايا عند من تكثر دعاويها عزيز النفس أشوف النفس فيها خله وبونه=لا جات الفعول فعولكم ما جبت طاريها |
رد: اقرب جاي وانا اخوك
الله الله
أظن أن القضيه طولت والنفس مرهونه = ياليتك ياعيون الصقر تقصرها وتثنيها وترى راع البطوله كل خلق الله يعرفونه = وهذا اخر شطر فيها يخلصها وينهييها .. |
رد: اقرب جاي وانا اخوك
ياسلام عليكم الدعوىآ كلها لعب ياشباب
ما يحتاج حزازيه العبو وخلو البساط احمدي الشعار كفووووووو يافحول الشعر ما شالله لا الله الله :) |
رد: اقرب جاي وانا اخوك
اهلا يوسف
اي حزازيات الله يهديك .. والله ان لي الشرف اني لعبت مع عيون الصقر .. وانه لا حصل لا حزازيات ولا شي .. وهذا لعب .. وسعدت باللعب مع اخونا عيون الصقر .. وله مني اجل التقدير والحترام.. .. |
رد: اقرب جاي وانا اخوك
اقتباس:
عزيز النفس صح لسانك الف شكر لكم جميعا ولي الشرف بالمتابعه عزيز النفس اخ وغالي وانا اشكر له مبادعته معي وهذ شرف وبالنسبه لا الزعل وما الزعل والله ان هذا ابعد عني من السماء هذا محاوره والمحاوره ما بداخلها لا يرجع على خارجها الا عند ضعاف النفس الف شكر للجميع |
| +4. الساعة الآن 08:36 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط