|
افضل امشي فالفجوج الوساعي
قالوا تجامل قلـــت اجـــامل واراعي .. واونس من الانـــذال واشوف واوحـي
لو ان مال مــــجامل النـــذل داعـــي .. ان جا نــذل وان راح جعلــه يروحــي رفـــيقي الطيب طـــويل الـــذراعـي .. ماني بمجبــور على كـــل بــــــوحـــي اشفــق علـــى رفقــة حميد المساعي .. راع الوفاء الوافـي بعـــيد الشبوحــي وافــــضل امشي فالفجوج الوساعـي .. ليـا قام بـــــــــراق المــخايل يلوحــي فـــي ديــــرتن ماحل فيها النزاعـــي .. غدرانها احلــــى من حليب المسوحي ليا نـــبت فــيها النصـــي والقفاعــي .. وريح النفــل من كل حاجـر يفوحـــي هذاك هو طـــب النفوس الوجاعــي .. ليا بحل فيـــها طبيب الـجروحــــــــــي محرني ابني ف الصحاري شراعي .. بعد الزمــان الشــــين حــطم طموحــي والــــبر لو مافيـــه غير الافاعــــي .. اخيــر من شـــوف الدرج والسطـوحي وياللي تحـــطون الثــــنيه رباعــــي .. شهــــادة منكـــم عليهــــا قــــدوحــي غــيرت فيــــكم نظرتي وانطباعـــي .. وقفـلت باب الدردشــــه والمزوحــــي |
صح لسانك قصيدة مميزه وتستحق التثبيت
تشكر عليها لا عدمناك الله لايضرك ويحفظك بحفظه |
صح لسانك وابداعك المميز
قصيده جزله من شاعر جزل |
صح لسانك واعتلى شانك
تحياتي وتقديري |
غيوم نجد
تسلم يديج على الاختيار |
يامراقب ومشرف المنتديات القصيدة لـ نايف بن طلق بن مطيلق الغنامي
وردك موجه لغيوم نجد ويش العلم |
معذور ولا فيه احد معصوم من الخطاء والنسيان حفظك الله بحفظه
|
اقتباس:
المشاركة الأصلية كتبت بواسطة مبارك العتيبي http://www.gnanim.com/vb/gnanimxp/buttons/viewpost.gif غيوم نجد الله الله وأفضل أمشي ف الفجوج الوساعي=لياقام براق المخايل يلوحي صح لسان الشاعر نايف وتسلم يمينج قصيده قصيده رائعه جدآ جدآ لج كل الود والتقدير والاحترام أبو بتال مشكور على التنبيه والخطا غير مقصودفا العذر والسموحه من الجميع أنا ما أنتبهة لاسم الشاعر تحياتي عاتب مبارك وانصحه يابو بتــال .. وان ماسمـــع رايك عطيته قسيمه قد قالوا العراف في بعض الامثال .. الذيـب وش بينــه وبين الخريمــه |
يابو طلق وصله خبر سرع في الحال =
مطلوب دمدمها نباها هديمه قدم لنا عذره وسامح بما قال = والعفو يعرف للرجال الكريمه |
اقتباس:
المشاركة الأصلية كتبت بواسطة أبو بتـــــال http://www.gnanim.com/vb/gnanimxp/buttons/viewpost.gif يابو طلق وصله خبر سرع في الحال = مطلوب دمدمها نباها هديمه قدم لنا عذره وسامح بما قال = والعفو يعرف للرجال الكريمه صح لسانك وبيض الله وجهك |
يبن طـلق لاتظــرب الدلو ف الجال = بعض السوالف ما لها راس قيمه
اليوم وقتً يجمع ألوان وأشكال = و أسلم وسلم والسلامه غنيمه ماتعرض الجـمله عـلى كل جــمال = والوضع عـادي مافعلنا جريمه |
اقتباس:
المشاركة الأصلية كتبت بواسطة مبارك العتيبي http://www.gnanim.com/vb/gnanimxp/buttons/viewpost.gif يبن طـلق لاتظــرب الدلو ف الجال = بعض السوالف ما لها راس قيمه اليوم وقتً يجمع ألوان وأشكال = و أسلم وسلم والسلامه غنيمه ماتعرض الجـمله عـلى كل جــمال = والوضع عـادي مافعلنا جريمه انا حـــصان معرب الجد والخـــال .. ماابيع واشري ف العلوم العقيمه اطلع وابااطلعلك على روس الاقذال .. لايختلف طـرق اللحن والوسيمه ونبا نعرضها سراب اشهــب الـلال .. مــاودي ان الســــيل يقفاه ديمـــه صف الدلال وخـذ من الكيف فنجال .. وخل النوايا في ضميـرك سلـيمه وراجع كتاب اللي تربع ف الاطلال .. وكسر شداده وارنبه ف الهشيمه' |
أنت شاعر
طرش لي قصيده لاتقعد تقوقي ف الخلا وجميع ما في خاطرك لاتخلي منه شي وقل اللي يطري على بالك لاكن حاجه وحده أحذر منها لاتلحق الناس اللي غيري أنا قل اللي تقول وأنكان تلعب محاوره مرحبا أنا معك في أي شي إما تحط لي بيتين وألا ثلاثه الشي هذ ماله قيمه |
اقتباس:
المشاركة الأصلية كتبت بواسطة مبارك العتيبي http://www.gnanim.com/vb/gnanimxp/buttons/viewpost.gif أنت شاعر طرش لي قصيده لاتقعد تقوقي ف الخلا وجميع ما في خاطرك لاتخلي منه شي وقل اللي يطري على بالك لاكن حاجه وحده أحذر منها لاتلحق الناس اللي غيري أنا قل اللي تقول وأنكان تلعب محاوره مرحبا أنا معك في أي شي إما تحط لي بيتين وألا ثلاثه الشي هذ ماله قيمه اخوي مبارك شكرا ع الكلام الطيب واسف اعتبر ماصارشي ههههههههههههههههههههههه وهوماصار إلا الخير وللعلم والله مافي خاطري مثقال ذره عليك وأنا لو ماعندي أحترام لك ما تعذرت منك والمفروض أنك ماتعدى عذري منك لاكن الله يهدينا ويهديك على كل حال الله يحفضك |
| +4. الساعة الآن 05:02 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط