|
اليوم مافيه رحمه
يامبارك بارك الله فيك مدري ويش صاير
ماهقيت انك تجيب العيد قدام العيادي منت قادر تطفي البركان والبركان ثاير نارنا يالشيخ ابو عمار ماترجع رمادي |
بارك الله فيك والعبره بمن جاب العباير=
مرحبا ياطيرنا اللي هد قدام الهدادي لاتغالطنا يبو عامر تدور أبك الدواير= ما تغير فكرنا وأفكارنا كثر الدوادي |
انت حكمك ياوسيع المعرفه بلحيل جاير
مير قدمك فالمعارك رمح وسيوفن حدادي والله اني حالفن بالله لذوقك العزاير وبعدها تلزم طريق الناس ولاتروح غادي |
أن بغيت العمعمه روح و تعمعم فا الجزاير=
وأنت منت بربي اللي خالقً سبعً شـدادي وأنتهاوقت المكاسب وأبتدى وقت الخساير= لو تجيب أشباح ليلاً كثر حنان الجرادي |
ههههههههه
انت عم اللي لياراحو يجيبون التجاير يوم يصدفهم سلام ويوم يصدفهم هجادي انت قمت ترف بالجنحان لكن منت طاير اخذ سيفك والحصان ان كان ناوي لطرادي |
أنت فيك أحساس ما شأ الله ولزمه با السواير =
لاتغــــير فا السلوم ولا تغير فا المبادي والعرب دايم ليا بشرتها تعطي بشـــــاير= وأنت فيك عـــلوم زينه بين ضلع وبين وادي |
البلا ماهوب في الا البلا فم الكباير
ماتعاين فالبياض ولاتشوف الاالسوادي فيه هرجن زين ولا هرج يارجال باير والله ان الكلمه اللي منك ماتجرح فوادي |
الله يكفينا شركم
لعب وطاروق قوي واصلوا لاهنتوا |
ياسلالالالام ابداع
والصف صف مبارك ولا يهون الصنفره |
هههههههههههههههههههه
مرحبا ملايين يبو سعد أنتم ماكشفتوني في حاجه الحمدلله ههههههههههههههههههههههههه لاكن أنا مامن أمور أكشف نفسي للنا س وتراني أحيان أعود على صفي أنتبهو ههههههههههههههههه |
هههههههههههههههههههههههه
الصنفرههين هههههههههههههههه أنت لكيع لاتقــــوله وأنت حر وبين مجموعة حراير= وأنت بعض الوقت ما شوفك تصيح ولا تنادي لاتشكك في زمان اليوم وشيوخ العشاير= أنت ياراع المسامه وأنت ياراع الشدادي |
ابو شهاب
فارس الحرف شكرا على المتابعه |
كان دمك حللوه ا يسيح من فوق الزباير
سرها يم الشمال وروح يبناخ العوادي والله انك لوتملكلك محلات وعماير ماتساوي عندنا هادي ولا الشيخ المهادي |
أنت ياعزران جاري لك من الدنيا عزاير =
نوب عندك صوت ذيب ونوب عندك صوت رادي ياشيوخ البر وشيوخ البريره والبراير= مايصح إلا الصحيح ولايكيد إلا الوكادي |
لوكسرنا عظم ساقك ماتجبرها الجباير
انت تلعب في عقول الناس وانته في بلادي مانبا غيض الصدور ولانبا كشف السراير قفل الموضوع يارجال دام الوضع عادي |
ههههههههههههههههههههههه
العرب تمدحك وأنت أثرك بعد شيبت باير= تا تشب النار من عود الثما مه والعرادي تاتقـــسمها فيات وتا تقسمها حــــضاير= بس خالفت السنع والصح والراي الـــسدادي |
الصنفره وابو ممدوح الله يسعد مساكم
طاروق جميل الله لايغير عليكم اجمل تحيه |
ابورامي يعطيك العافيه
|
| +4. الساعة الآن 02:47 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط