|
تعال يا مسعود ،،
طاروق للفايده طال عمرك :)
مسعود والله لو بيوته مالها وقعٍ قوي كان الجمل خلاه يلعب مع هل القلطه هنا لكنّ دام الذيب في روس الشواهيق يعوي تعال وحسابك يامسعود العتيبي معي انا |
الكلمه الي قلتها مضمونها وش يحتوي = مالك دخل ياصاح لو نعطي جملنا عبدنا
خله يسج شعيل للعد القراح ويرتوي = يارب خل النا جملنا وعبدنا ياربنا |
الليل سرى كان موجود رد
|
آسف على التأخير
استلم خذها من قريب عساها تستوي ما تستوي عبدك وما تملك يمينك وانت ناخذك معنا اليا بغيت اخذ النصيحه من عدو ولّا خوي انته ورا ما تستعد للحج وتروح للمنى |
نشوي جملنا من ثلاث ايام عيا ينشوي =وحنا عرب واجد ولو نذبح جمل ماسدنا
مسعود دوره يدب الشعار دوره سلطوي=وانته صحيح انك جمل لكن مانت بقدنا |
الغطرسه ما تنبلع لا جات من فمّ بدوي
يا مال فرقا العين يا شعار من شعارنا مولمٍ رده وجا يمي كلامه فوضوي مسعود جاني من هنا ومن هنا دنيا الفنى |
تبغا الصحيح اصبحت متشتت ووضعك مأسوي=والبدو ساس العز والنوماس وانتم بعدنا
لاتنظر الشعار من منظور قاتم سودوي= االرد يكتب في ثواني دام مثلك خصمنا |
الضاهر ان راع البيوت اللي لفتني منكوي
لا والله الا رحت يا مسعود منت بحولنا اخلفتها من حر ما تونس وركبت قروي هون على نفسك ترا ما صار مزحٍ بيننا |
ماودي اسطي فيك حشمة ربعنا الأغلى ذوي=وانته ولد غنام يعني تعتبر من جلدنا
ماصار غير الزين مير انته علامك منطوي=يمكن تهيالك شبح مجهول خمك وانثنا |
هههههههههههههههه
صح لسانك وانا لو اني داري اقتبست ردك قبل تعدله مار ما حصل الا كل خير واسمح لنا على القصور ان كان جا قصور وما تشوف شر |
ماجاء الا الزين وبيض الله وجهك وتصبح على خير
|
اقتباس:
ههههههههههههههههههههههههههه خطير يامسعود اقتباس:
|
اشهد شهادة حق انكم دواهي
|
مشكور يا مسعود ومشكور ياالجمل وبيض الله وجيهكم على هذه المحاورة الممتعه
ودين علي ليا تزوجت أني لأعزمكم لأحيا الحفله وأكتب في الكرت يحي الحفل مسعود والجمل الله يحفظكم بحفظه |
صح بدنك ابواياد وشكرا للمرور والتعليق
|
الصنفره من بعض ماعندك شكرا لمرورك
|
ابو بتال لاتحرجنا مرتبطين الثلاث سنوات القادمه وما ودنا نخر زواجك ومبروك مقدما
لاهنت على المرور والتعليق |
| +4. الساعة الآن 03:32 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط