|
فارس الحرف وصلك الدور
سلام من شاعرن لقبل يرد السلام @ يقلط على الدله اللي زان فنجالها
يافارس الحرف عطنا من جزيل الكلام @ وبنشدك عن علوم القوم وحوالها |
يامرحبا فالرجال اللي عليها الكلام
تبري ولا شافها الوجعان يبرى لها يا راعى الوقفه اللي تنحسب فالامام فصل ولا اظلمك يوم تجيد تفصالها |
دام البقا يالمرحب ياعزيزالمقام @ الطيبه طيبه وانته من ارجالها
انا اشهد انك سنافي تفرض الاحترام @ لكن مال الكحيله غيرخيالها |
يانور بدر التمام اللي تقوله تمام
لطيف درجه وهرجه كلما قالها لا ترضع الديس وانته فوق سن الفطام ريح تحت شجرة (ن) يامطيب ضلالها |
انته علامك تحط النور مثل الظلام
انته ولد عمها ولا ولد خالها ان كان تبغا الحليب ارضع ديوس النعام ابرك لحملتك يارجال وشتالها |
الله الله
مادام ناقف هنا وانته تقدم مادام انته رعا الخزنه ولا تقفل اقفالها عيت تفيح القدور وماش شرب وطعام يارعي الغتره اللي ميّل اعقالها |
اقدم السم للي يعشقون الحرام @ والنفس لابد ماتجزى علا اعمالها
ان كان لاحقك جوع ابشر بخبز ويدام @ ام الكباير عساها تعشي عيالها |
انا حقيقه مابمشي كون حسب النظام
ابا انزل الناس يالوجعان منزالها الله سلط على ام الكحل وام الزمام اللي على الصوت نسمع رقش خلخالها |
صحت السنتكم جميعا ابدعتو
الوجعان مهاجم كالعاده ومبدع وفارس الحرف متمكن الله يستر منكم امتعتونا يعطيكم العافيه كل الود والآحترام |
صح السنتكم والمحاورة تحت معنى خاص تحياتي وتقديري لكم
|
يافارس الحرف اظنك من طيور الحمام @ اتهز راسك ليا غنيت موالها
ام الخلاخيل انا لاجيتها ياسلام @ لو اطلب اموالها تعطيني اموالها |
صح لسانك ياجدعان انت تحب المزوح وحنا نمزح معك ههههههههههه
وانت استاذ وحنا عليميه تحياتي لك وللجميع |
يبقى عندي الختام انتظرني دقايق
|
الله يختم لك الجنة وحسن الختام
اعطيك حسنة وشاري عشره امثالها ورطة فلسطين فالنكبات 50 عام :) عزا لها من ظروف الوقت عز الها |
اقتباس:
|
محاوره راقيه جدا
وشعراء مبدعين احترامي وتقديري |
الله الله يالوجعان قدااام ,,, فارس الحرف كفا وربي ماقصر
صنفره صنفره نباك تصنفر الرجاجيل الي يسوون ارواحهم شعار كل شوي منزل قصيده جتني وحتني و خمتني ومخطنتني ومشيتها ومايدرون هي حادره والا مسنده وينطبق علاهم المثل الي يقول رجل مايدري ويحسبنه يدري ولايسئل الي يدري خخخخخخخخ هذاه رايح فالعميا من امره ولاتقرب شعار هالمنتدى ياصديقي الوجعان تراهم هوامير شعر وهمه الشاعر سلطان براك ومبارك العتيبي وسلطان مطلق وذياب ولد غانم هضالا رجاجيل شعار صح اما حقين الخمخمه بالله علاك خمخمهم وصنفرهم بالمحاوره , تشكراتي |
| +4. الساعة الآن 12:02 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط