|
ردي على الشاعر مبارك العتيبي
رد طلال حاضر الغنامي على الشاعر مبارك مطلق الغنامي عدك يابن عايش تشوبه غثابير والبدو كل أجمالهم وردوها أما طلعت وصرت ضمن المشاهير وألاتوفت سيرتك وأقبروها ولاينجي الهالك ضمى نبع تقطير قطرة حرام في فمه قطروها سارق حلال الغير سلم المخاسير وأهداء سمانن سنته ماهدوها وأصبح كريم ومدهل للخطاطير وأهل المواقف وقفته قدروها والقصه اللي جات مثل الاساطير كم باعها البياع وبكم شروها أن كان هي حلم ويحتاج تفسير يامفسرين الحلم له فسروها لولا الزلازل والفتن والاعاصير تفسق عباد الله لو ماأنذروها وش عاد لو زعلت عكف الدناقير لو عصبو وخشومهم عصروها وختامها رسالة محبة وتقدير تاصل لابو ممدوح ثم قصروها |
الله كلمات من ذهب كل الشكر لك على هذا الطرح الجميل
تقبل هذا المرور مع التحيه |
صح لسانك
جزل تحياتي |
الله ياطلال حاضر مشكور على ماقدمت يعطيك العافيه والمعنى في بطن الشاعر
على كل حال ويش الي هيض قريحتك مداعبة على مستوى الله يحفظك بحفظه ولا ننسى مبارك عسى الله يحفظه بحفظه رعاكم الله |
ولاينجي الهالك ضمى نبع تقطير
قطرة حرام في فمه قطروها سارق حلال الغير سلم المخاسير وأهداء سمانن سنته ماهدوها صح لسانك مبدع يا شكلين مابحكي كل الود والاحترام |
وين أبيات الشاعر مبارك :questionmark: |
ابوحاضر صح لسانك بيوت من وزن العيار الثقيل مبدع دايم تحياتي وتقديري
|
دلوك يبن حاضر ورى جمت البير؟ وحبالها مثل السلوك عقدوها وأنته تدور إبك المحاله عسى خير؟ و الناس قبلك جربو وعرفوها :: :: :: :: ومن يتعب أقدامه بطول المشاوير يلقاله أشيا سنته ما لقوها وأنته جملها ف الليال المعاسير؟ وأنته بناخي عمها وأنت أبوها :: :: :: :: وعمران ثم عامر وعمار وعمير؟ منته بسارن ليلتن ماسروها الشط ما ترسي عليه البوابير ؟ واللي على راس الحصاه عبدوها :: :: :: :: إما يدبرها حسين التدابير؟ والا تجي من حضكم واكسبوها وألا أذخروها لليال المناحير؟ والا على وضح النقا ناطحوها :: :: :: :: شيآ يصير وشي ما صار ويصير؟ ولومك على اللي مضميه صدّروها ماجيت أبي منكم جميل ومعاذير؟ أقرأ عليكم حجتي وانقضوها :: :: :: :: :: :: :: :: |
صح لسان طلال وصح لسان مبارك
ههههههههههههههه لاغرابه غنانيم الله يكفينا شركم كل التقدير لهما ولكاتب الموضوع |
نـــــــــــــــــــاريه وبقووووه
لـــيست غريبه على طلال حاضر الرد النــاري تقبل مرورى واعجابي تسلم يدك يابعيد المرامي وربي انــكــ اطربتنى عـــلى الاخر بايعتهم ولست عميل؟؟؟ وش السالفه من كثر مانزلت قصيدة مبارك عبيت المنتدى وحفظناها ؟؟؟ وش صاير ؟؟؟؟ |
ههههههه صح السانك يابو غلا
وشكرآآ يابعيد المرامي على طرح القصيدة تحيتي وتقديري . |
صح لسان الشاعرين مبارك العتيبي وطلال حاضر
ولاكن طلال مارد بل جارى الشاعر مبارك =حيث الشاعر مبارك قال ماجيت أبي منكم جميل ومكعاريف= أقرى عليكم حجتي ونقضوها وهذ شي واضح وقصيدت طلال مافيها نقض |
هههههههههههههههههههههه
صح لسان الشاعر مبارك العتيبي عنده مغازي بعيده و بيته ماينقض ويعجبني في حبك القصيده |
اقتباس:
المشاركة الأصلية كتبت بواسطة عاشق المستحيل http://www.gnanim.com/vb/gnanimxp/buttons/viewpost.gif هههههههههههههههههههههه صح لسان الشاعر مبارك العتيبي عنده مغازي بعيده و بيته ماينقض ويعجبني في حبك القصيده الاخ عاشق المستحيل مع احترامي لك انت لاتفقه بالشعرشي اذابنتقدطلال والذي الشعرله اباعن جد وتشيدبمعاني ومغازي اتحدى واراهن ان كان قصيده طلال مجاراه بل كانت ردصارم بمعنى يصعب عليك فهمه وبقولك اللي ردماهوطلال طلال في حاجه احد يردعنه اويسرق اويقط له بقصيده كمايفعل البعض فياليت تدقق بكلامك وتعرف وش تتكلم عنه |
شكلين مابحكي
أنا أراهنك إذا هذ رد هذ مجاراه لحيث مافيه ولابيت نقضه طلال والدليل أن الشاعر مبارك العتيبي ما نزل القصيدتين بل تركها ولوكانت رد نزلها مبارك ولاكن وش رايك نخلي مبارك يحكم بيننا |
عاشق المستحيل انت تقول ان هذا ماهورد اذن كيف الرداذن وهذاليس كلامك ياغالي وانماكلام مبارك نفسه وبخصوص ان مبارك مانزلهافهذاشي راجع له اماان مبارك يحكم بيننا مبارك احداصحاب القصايد فشي طبيعي انه مابيعترف وش رايك طلال هواللي يحكم بيننا
|
وش رايكم تحولونها لبن دميحان ويحكم لكم
|
ســـبحــــان الله وبـــحمده
سبـــحان الله العظــيم شــكلين مــابحــكى طــالبكــ طلـــب خـــل اللـــى يبـــربر يــــبربر العـــالم خـــابرتن كـــل شـــي ياحبيبي موفـــق خير يابـــعدى |
هههههههههههههههههه
يا الربع بعيد المرامي هذ ليسى رد هذي مجاراه وسبق أن قلت للاخ طلال والاخ طلال شاعر مافي كلام لاكن يصعب عليه النقض وهو مشكور على المجاراه الممتعه |
اقتباس:
المشاركة الأصلية كتبت بواسطة عاشق المستحيل http://www.gnanim.com/vb/gnanimxp/buttons/viewpost.gif صح لسان الشاعرين مبارك العتيبي وطلال حاضر ولاكن طلال مارد بل جارى الشاعر مبارك =حيث الشاعر مبارك قال ماجيت أبي منكم جميل ومنكم جميل ومعاذير= أقرى عليكم حجتي ونقضوها وهذ شي واضح وقصيدت طلال مافيها نقض |
ههههه الاخ ابوممدوح صبحك الله بالخيراذاطلال يصعب عليه النقض فانت يامبارك يصعب عليك الفتل للامانه
|
| +4. الساعة الآن 01:44 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط