|
في شوارع السلي
السلام علاكم وشلونكم طول السنين الي راحت هاذي عساكم طيبين طيب فاصل ونواصل و تشكراتي . ذاك اليوم وانا مسنتر في الإستراحه جالس العب بلوت دق جوالي وكان اخوي العود ( الكبير ) طلب مني ان اخذ حرمته من بيتنا واوديها لبيته لأنه يبا يتأخر >>>> مشكله يوم تكون فيه اخوان اكبرمنك ولاعندكم سواق بعد ماركبت معي حرمة اخوي وبعد مادخلت احد شوارع السلي العامه إلا ذيك الدوريه اللي تقول : ياراعي الهونداي أصفط على جنب >>> يعني لازم تعلمهم إن معاك سوناتا 2010 نزلت ودار بيننا نقاش حامي العسكري يقول انه مشتبه فيني ومن حقه يفتش السياره وانا معارض انه يفتش السياره وكيف يوقفني اصلاً وانا معي حرمه داخل السياره فتح العسكري باب السياره اللي جنب السواق ( بالعربي باب المعاون ) وركب السياره يفتش لاشعورياً ركبت مع باب السواق واخذت قزازة العطر >>>> لازم تقول انه معاك عطر بالسياره:no: وضربته على راسه وبدا الضرب والتكفيخ داخل السياره انا بالقاروره في راسه ووجهه ماحسيت إلا بالدوريه تصدم سيارتي من ورى طبعاً العسكري الثاني عشقت قير السياره بنمرة دي ومشيت والعسكري كان معي بالسياره جلست اضرب فيه حتى نقز من السياره بعد مطاردة قصيره في شوارع السلي قدرت اضيع الدوريه >>>>>>>> ارحمني يامسحبل عشق نزلت حرمة اخوي في بيتها وتوجهت للبيت وعلى طول نمت في صباح اليوم التالي شغلت السياره ابي اتوجه لجامعتي الحبيبه ونزلت من السياره اطالع في الصدام الخلفي وخابرن فيه ضربتن بسيطه واتفاجا بسياره تصفط جنبي وينزل منها 4 اشخاص وهم يسحبوني مع رقبتي ويحذفوني في شنطة السياره ويقفلون علي بعد نص ساعه حصلت نفسي داخل السجن والعسكر يسحبون فيني وسط السجن لاان وصلت لظابط المسعول . جلس الظابط يحقق معي الظابط: اسمك وكنيتك قلت: اسمي باليل الداج وفالصبح يهزني الشوق ويصير اسمي هواوي وكنيتي على قولة كوين مدري . يمكن الملك السفاح الظابط: تدري ليش انت هنا قلت: بصراحه مدري الظابط: انت مطلوب بعدة قضايا ارهابيه 1ـ حاولت تخطف عسكري 2ـ قاومت العسكري وحاولت قتله>>>> ياويلي ما اقتل خنفوس وذلك بضربه بمسدس على راسه 3ـ تسترك على إرهابي مطلوب من قائمة الــ24 وذلك بإخفائه بزي انثى قلت: لاخطف ولاهم يحزنون العسكري هو اللي نقز في السياره بعدين ضربته بقارورة عطر ويشهد علي الله اني سارقه من سيارة ولد عمي . ربي لايعيده يوم سرقته بعدين يوم مشت السياره نقز منها والإرهابي اللي تقوله حرمه وعلى قولتك انثى ماهو إرهابي الظابط: طيب يالداج راح نتغاضى عن القضايا كلها بس بشرط تجيب لنا الإرهابي قلت: يالليل الليل اقول ثور يقول احلبه يابن الحلال اللي معاي حرمه انثى بنت ويمن كل شي فيه مؤنث من وين تفهم انت قال: طيب مصدقك حضرها لنا نأخذه أقوالها قلت: من وين اجيبها لك خادمه فلبينيه منحاشه من بيت كفيلها ونغزني الشيطان وركبتها معي يوم وقفتني الدوريه خفت تسلموني للهيئه ضربت العسكري وهجيت ونزلتها في الشارع ورحت بيتنا >>>>> ابوك يالتصريف والسياسه زعل الظابط وخلاني واقف على رجل وحده مدة 13 ساعه وكل ماقلت له شي قال: انا عندي قناعه انك تكذب وجلس يكرر كلمة قناعه عليه هاذي كثير بعدها قررت وسميته الظابط قناعه وحطوني في وسط زنزانه متر في متر متكرفس وجلست 4 ايام كل مارحت للظابط قال : عندي قناعه انك تكذب جلست في زنزانتي ولاعندي رفيق سوى دميجتي الفاضيه ناظرت من تحت الشبك وشفت رجول عسكري واقف فجاه ظهر لي شيطان الشعرواستحضر قلت .. العسكري حول زنزانتي يسحب كراعه في اخر الليل وحده تقول مقرود لي في زنزانتك يالعسكري 70 ساعه ورجولي يالعسكري مكبله باغلال وقيود رح ياعسكري لظابطك راعي القناعه دام حبل الجود بين الاجواد ممدود قله يطلب وصلك ولايبغى انقطاعه معترف خالص وش تبي زود خبره كانه يبيها تحدي وجزاعه وكان السالفه عنده برق ورعود قله مايذبح الفتى ياقناعه غير اندفاعه وكانه مااندفع بيموت بشيخوخته عود قله ماانحنى راسي وقت الرضاعه كيف احنيه وزندي كما عشرة زنود قله ترا سجنتي فخر وشجاعه واختبار لصبري في ايامي السود قله الداج دكتوراه وزحف وصياعه وحياته يالقنوع كلها جالد ومجلود وقله ببدا معه طريق اللكاعه بأسلوب أخبث من خبث اليهود قله بستدلخ عليه بفن وبراعه وبضحك عليه واقول سهود ومهود وختامها كوب شاهي وكثر نعناعه وناد لي الظابط ابولغابيب وزغود واحذف علي زقاره وهات ولاعه قبل اكتب على جبهتك مساعد ومسعود يوم طلع الصباح وهم يطلعوني من زنزانتي ويدخلوني على الظابط قناعه الظابط: تبي تعترف وتجيب لنا الأنثى اللي كانت معاك. قلت: تبي الصراحه اللي معاي ماهي خادمه فلبينيه الظابط: من هي اجل قلت: اللي معاي احتمال تكون صينيه وإحتمال يابانيه واحتمال كوريه مثلك عارف ياظابط قناعه كلهم يشبهون بعض بس الأكيد انها تعرضت لقنبله نوويه ومغيره معالم وجهها الظابط: تستهبل انت قلت: لا جالس اقول الغاز الظابط : الداج تكلم جد قلت: من الداج ؟ اسمي مساعد ومسعود واستمرينا على هالوضع اسبوع كامل من الزنزانه لمكتب الظابط قناعه اخر شي طلعني من السجن طلعت من السجن وحصلت اخوي يقول اخوي: عساك مااعترفت على حرمتي بس قلت: صاحي انت مابقى إلا هي قال: اشوى لو إنك اعترفت كان سجنوها قلت: ليش وهي وش دخلها بالماضوع قال: يوم قمت تضرب بقارورة العطر نقزت الحرمه وقالت انا اخت ماجد وحطت اصابعها في وجههه وقامت تخربط بوجه الماخوذ باظافرها وقلبته شكال والوان خخخخخخخخخ.. وبالختام ربي يعز الحكومه والعسكر كلهم وينصرهم على كل عدوانهم وخاصه الظابط قناعه والقناعه كنزن لايفنى ترى كلبوها مزح وخرطي وتسلي واوهام وتخيلات وهلوسه:p خخخخخخخ الداج كان هنيا وهناك فمان الله |
ابك مادريت غار قد حمزت هنيا فلاكن
نبا المدير يحذف الماضوع لحيث انه ماجود في الخضخضه (حمزت ) خخخخخخخخخخخخخ مصطلح عربي مايعرفونه الناعمين والناعمات |
الهواوي هنيا يالربع يدووووج والطاسة مقلوبة
احمزووووووووووووووة |
عزالله انك على اسمك داج وسامج
مع احترامي لك |
اقتباس:
المشاركة الأصلية كتبت بواسطة عاشق المرقاب http://www.gnanim.com/vb/gnanimxp/buttons/viewpost.gif الهواوي هنيا يالربع يدووووج والطاسة مقلوبة احمزووووووووووووووة خخخخخخخخخخخخخخخخخخخخخخخ ابك ابك ابك توبه وانا احب ماماه وباباه واحب العسكر والنظام عاشق المرتفعات خخخ قصدي عاشق المرقاب تشكراتي |
اقتباس:
المشاركة الأصلية كتبت بواسطة مغربل http://www.gnanim.com/vb/gnanimxp/buttons/viewpost.gif عزالله انك على اسمك داج وسامج مع احترامي لك خخخخخخخخخخخخ الاخلاق خربانه ولاوي خشته ومربط حجانه ها اسمعني يامغربل غربلك ربي لين دوخ شكراتي |
ياولد انت تحشش ولا وش قصتك
|
اقتباس:
المشاركة الأصلية كتبت بواسطة مغربل http://www.gnanim.com/vb/gnanimxp/buttons/viewpost.gif ياولد انت تحشش ولا وش قصتك خخخخخخخخخخ كان مبطي عندنا معزاء وكانت امي ربي يخليها لي تدزني تقول والله وانا امك اني خابرتك داج فلاكن رح جب لنا من الماقفه حشيش للمعيز غارها لاتهرجني حتى التتن والمخسا والجنويكر ربي لك الحمد ما اعرفه :bye1: |
ههههههيازين خثارقك بس لو غيرت الشخصيه في قصتك الخياليه وقلت شلت دكتوره ولاخدامتكم ولاتكرونيه من الشارع وانت سواق ليموزين المهم عندك عشرين مخرج غير المخرج هذا واشوا يوم الله جابك في المنتدى لاني مبطي مغير انا الخثروق الحالي واليوم رزقني الله بثنين غاري ههههههه
ومعك مجال تنبعط لاني خابرك مبطي مانبعطت على احد بس خذ راحتك ههههههه |
ههههههههههههههههههههههههههههههههههههههه
الداج يالله انك تحييه وتبقيه العشا طال عمرك قصه ممتعه ومضحكه الله يضحك سنك مار الي اضحكني بعد الاخ الي مدري وان هو غادي هههههههههه تحياتي لك ولقصصك الغريبه |
لالالالالالالالالالالالالالاتعليق
|
هواوي داج :
أنت مبدع جداً في عرض خطورة حمل زوجة الأخ وأنت لست محرم لها وتخيلت لو أنه حصل لأحدنا موقف كما حصل لك في عالم الخيال ياترى كيف ينجو من هذه المصيبة ، وغيرها أيضاً نقاط أخرى شكراً لك أخي على هذه المشاركة الجميلة تقبل جل تقديري واحترامي . |
أأنســـــــــجام تــــايم
تستـــاهل الخمـــس نجمــــات يابعـــدى تقـــبل مروورى |
اقتباس:
المشاركة الأصلية كتبت بواسطة المستلبد http://www.gnanim.com/vb/gnanimxp/buttons/viewpost.gif ههههههيازين خثارقك بس لو غيرت الشخصيه في قصتك الخياليه وقلت شلت دكتوره ولاخدامتكم ولاتكرونيه من الشارع وانت سواق ليموزين المهم عندك عشرين مخرج غير المخرج هذا واشوا يوم الله جابك في المنتدى لاني مبطي مغير انا الخثروق الحالي واليوم رزقني الله بثنين غاري ههههههه ومعك مجال تنبعط لاني خابرك مبطي مانبعطت على احد بس خذ راحتك ههههههه خخخخخخخخخخخخخخخ انا اشهد اني ما اكل عيش معك فلاكن صوم صوم عن الخثرقه انا صايم منذو مبطي وقسم ودي اصير سواق تكسي ابا افلها مع المواطنين واخثرق خثرقتن ماهيب خثرقتك هاذي , هاسقها وخلني اشفك بماضوعاتي وتشكراتي واشواقي الحاره المستلبده للمستلبد باشا:flex: |
اقتباس:
المشاركة الأصلية كتبت بواسطة سموالذات http://www.gnanim.com/vb/gnanimxp/buttons/viewpost.gif ههههههههههههههههههههههههههههههههههههههه الداج يالله انك تحييه وتبقيه العشا طال عمرك قصه ممتعه ومضحكه الله يضحك سنك مار الي اضحكني بعد الاخ الي مدري وان هو غادي هههههههههه تحياتي لك ولقصصك الغريبه خخخخخخخخخخخخ يالبي قلبك ياهالضحكه الي كنها ضحكت احلا لبناني مسافر جده انا اشهده ابك انا اغت وعندي مشاريع بالشوارع وتم تم وصفلي البيت وجايك بس عساك حولي بالسلي تشكراتي الحاره لسموكم الا على طاري سموكم ماشفت الامير يقولون جلس يحلبله بقره وطاحت علاه ورقد خخخخخخخخخخخ ربي يستر لاتصير نومة هل الكهف جته |
اقتباس:
المشاركة الأصلية كتبت بواسطة داود المورقي http://www.gnanim.com/vb/gnanimxp/buttons/viewpost.gif لالالالالالالالالالالالالالاتعليق دااااااود داو جروح الحب ان كان عندك دواو ,, داود ورى ماتعلق على المباراه طال عمرك زارن علي قل ولاتستحي ترى البساط احمدي وانا ماودي اكتب على شان العرب مايزرون عليه فلاكن انا اجي عند اجودين هنيا وكل ماجيته استلمني وسلمني الجهاز وقعد يرددني ويحلف علي اني اكتب اي شي وقعدت ابربر , فتشكراتي لجماعة المورقه بالوطن العربي يابعدي |
اقتباس:
المشاركة الأصلية كتبت بواسطة علي بن عواض العطاوي http://www.gnanim.com/vb/gnanimxp/buttons/viewpost.gif هواوي داج : أنت مبدع جداً في عرض خطورة حمل زوجة الأخ وأنت لست محرم لها وتخيلت لو أنه حصل لأحدنا موقف كما حصل لك في عالم الخيال ياترى كيف ينجو من هذه المصيبة ، وغيرها أيضاً نقاط أخرى شكراً لك أخي على هذه المشاركة الجميلة تقبل جل تقديري واحترامي . علي عواض بيه ياماشاء الله علاك ذكا ودها وحنكه ذكرتني بذكائي قبل يتزروون فيه الجماعه ربي يرحم والدينك ويخلي النا هالمخ العبقري المتفتح طلعت بفايده واجد , تشكراتي تشكراتي ياعلى بيه |
اقتباس:
المشاركة الأصلية كتبت بواسطة خالد قايل الغنامي http://www.gnanim.com/vb/gnanimxp/buttons/viewpost.gif أأنســـــــــجام تــــايم تستـــاهل الخمـــس نجمــــات يابعـــدى تقـــبل مروورى الانسجام وربي لياشفتك ولو عندي 3 نجوم وتاج عطيتك رتبة عميد مظلي صاعقه ربي يخلي هالخشه الي كنها خشت خيو ,, تشكراتي الحاره الك خيو خالد |
ههههههههههههههـ
عز الله انك كآبتن :$ تلعب جناح ايمن ؟ ^_^ |
اقتباس:
المشاركة الأصلية كتبت بواسطة فواز الغنامي http://www.gnanim.com/vb/gnanimxp/buttons/viewpost.gif ههههههههههههههـ عز الله انك كآبتن :$ تلعب جناح ايمن ؟ ^_^ خخخخخخخخخخخخخخخخخخ فواز الغنامي ياربي حي هالطخمه وش مدريك يالامير جد العب جناح ايمن والمدرب يعيي يقول لازم تلعب راس حربه قلت ابشر |
هواوي داج وش رايك تنثر ابداعتك بموضوع اخر .. )
انت مسوي اكشن بالمنتدى :$ اذا ماقدروا جهودك بـ قدم لك عرض لمنتدى ثاني حنا بزمن الاحتراف :$ ومقدم العقد بيعجبك وراتب اسبوعي لو تبي .. |
اقتباس:
المشاركة الأصلية كتبت بواسطة فواز الغنامي http://www.gnanim.com/vb/gnanimxp/buttons/viewpost.gif هواوي داج وش رايك تنثر ابداعتك بموضوع اخر .. ) انت مسوي اكشن بالمنتدى :$ اذا ماقدروا جهودك بـ قدم لك عرض لمنتدى ثاني حنا بزمن الاحتراف :$ ومقدم العقد بيعجبك وراتب اسبوعي لو تبي .. خخخخخخخخخخخخخخخخخخ ارحب حبيبي فواز ودي الى ودك هو انت مين قدك :36_1_11:فلاكن1 انا هاوي وهواوي واعرف ان الجهود الماخوذه منبوذه وفلاكن2 باقي على الحلو تكه باقي موضوع او موضوعين هم بعدها نعاين فالعروض الكويسه وندرعم يمها |
| +4. الساعة الآن 03:23 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط