سلطانها سلطان مطلق وسلطان=سلطان بن مطلق وسلطان براك
 

السلام عليكم ورحمة الله وبركاته

هذي لأبيات موجهه لاخواني
وأصدقائي وأعز أصدقأ


سلطان مطلق
و
سلطان براك
الله يحفضهم ويسعد دنياهم وآخرتهم







=================


يقول

=====
سلــــــطانها سلطان مطلق وسلطان==

سلــــطان بن مطلق وسلطان بــراك


وقفـــل المعــاني والهدف راس نيشان ==

يــــبو الجـــمايل لاتدرهـــــم مطــاياك


والعـــلم بيــــن فلان وفــلان لافـــلان ==

مثلـــك ومن مثلـــك لمـثلك وشــرواك


وأنـــكا ن كــان وكان ماكان وأن كــان ==

ماخــاب مرسولك إلى راح ثــم جـــاك


جمالتً من شـــان والشـــان من شــــان ==

من راس تفـــداهم ومن راس تفــــــداك


ويافاعل ألاحسان تجزأ با الاحـــســـان ==

ويافاعل المعروف با الخـــير نجـــزاك


والراس عالي والعرب ربــــع وخـــوان ==


وأن جات وأن راحت وراهــــا عذرناك




والسلام عليكم

ماخــاب مرسولك إلى راح ثــم جـــاك


جمالتً من شـــان والشـــان من شــــان


مبارك صاحب القلم الذهبي


كلماتك في غايه الجمال


تقبـــــــــــــل كل شكري


واحـــــــــــترامي

صح لسانك يامبارك قصيده مميزه كالعاده



صقرروق
صح بدنك ولاعليك زودالله يسلمك

.
.
هالحين معادلة يابو ممدوح واقطابها ثنين فقط ،، عملاق مقابل عملاق

ابو تركي امام ابو ممدوح ،، والتلميذ الثالث متابع ومترصد عن كثب :)

ويعلم الله انك سلطانها وحاكمها على اوصولها ومحكم معانيها

لامجاملة في هذا الشأن ابداً ،، لن اعتبر ماقلت انسحاب فانا من عشاق

التقدم ومجاراة الكبار في كل مجال لكنه الحماس للاستمتاع بنقاش

فكري شعري نقي بين الغاليين ابو تركي وابو ممدوح

فابو تركي سميي واخي وابن عمي الاكبر وهو الاولى بتقديمه في كل الظروف

وان تقدم اسمي على اسمه الكبير الغالي على الجميع ،

صح لسانك مليون ولايكفون يابو ممدوح

وشكرا كل الشكر لك

اخوك : سلطان

.أبو ديما يعلم الله ويشهد على ما أقول ويشهد أني صادق و .أنشا الله أني صادق
أنتم يا الاثنين لكم خصوصية معزه بدون قصور في ربعي الباقين
أعزهم واجد
وبعدين أنا مزحة معك في القصيده الاولى وأشوفك ما علقت عليها عسى منت بزعلان
وأنا قلت فكني منك خابرن دهوجك لازم تتهمني وأنا بري من التهما
وأبوتركي يكشف الامور لاكن أشوى يسكت أنت مشكله
هههههههههههههههههههههههههههههههه
أما القصيده هذي لازم تدخل معنا فيها ههههههههههههههههههههههههه
تقبل تحياتي وأحترامي

صـــح لـــسانــكــ
أبـــو ممــدووح ويــعطــيكــ العــافيه
تقــبل مرورى

خالد قايل مشكور أخوي على المرور
أحترامي لك

هههههههههههههههههههههههههههههههههههههه
يالله صباح خير وقعت بين المجرمين واحد كاتبٍ
له طلاسم تبالها سنه واشهرين ماحللتها والثاني يقول
ابن عمي الكبير مقدره ولاودي اتقدم عليه ولكن الله
يعيني على مبارك وقصيدته بس عطوني وقت
الخميس والجمعه مشغول بعض الشي تحياتي
لبو ممدوح وابو ديما وللجميع

.
.

هههههههههههههههههههههههههههههههههههههه
هههههههههههههههههههههههههههههههههههههه

الله يعز مقدارك يامبارك وانا يعلم الله اعزك واقدرك واحترمك جداً

وخلنا اجل نبحث خفا ابو تركي وابشر بمايسر خاطرك وترى البيت الاول

يعلم الله اني ماشلت تجاهه اي حاجة سوى الاعجاب يابو ممدوح ابد

مستحيل انظر بغير نظرة الثقة نهائياً لك ولاي اخ عزيز اتشرف به هنا

وابو تركي يقول طلاسم هههههههههههههههههههههههههههههه الطلاسم
في عرف بعض الشعراء عوالم اخرى تدل على احيائها :)

تحياتي لكم جميعا

اخوكم : سلطان

..

ويافاعل ألاحسان تجزأ با الاحـــســـان ==

ويافاعل المعروف با الخـــير نجـــزاك


والراس عالي والعرب ربــــع وخـــوان ==


وأن جات وأن راحت وراهــــا عذرناك

اهم شئ اني سمعت هالابيات منك ممايسر خاطري

صح لسانك ابو ممدوح
ابيات موجهه لعملاقين من عمالقة الشعر

ابو تركي ترى ابو ديما صادق انت اخوه الكبير والموضوع عندك وتعرف مهوب ساكت ابو ديما يده تحكه يمديه كتب بس ننتظركم

الرمش
صح بدنك ياغالي وأنشا الله ماتسمع مني إلا كل علم يسرك
أنت وكل أخواني في المنتدى من بعيد ومن قريب
لكم مني كل أحترام وتقدير
الله يحفضكم

ماعليك زود اخوي الرمش ،، واللي خلقك ان يدي تحكني صدق واني كتبت ما الله قدرني
عليه امام هذا العملاق ولاقدرت اهكب من يوم قريت هالقصيدة :)

شكرا جزيل الشكر لك

..

هههههههههههههههههههههههههههههههههههه

أبوتركي وقعت بين المحتال والمتحايل
هههههههههههههههههههههههههههههههه

الله يكفيني شركم الضاهر أني مثل اللي يقول أخذ حتفه بكتفه
===============

والله أنكم كلكم عمالقه لاكن شي أهون من شي
أنت يابو ديما ماينتهي لك نهايه
ولا يخفاعنك شي حتى اللي تحت الارض
تظهره وإلا أبو تركي يدري عن كل شي لاكن أشوى يسكت
هههههههههههههههههههههههههههههه
أشكركم جميعً

.
.
الشاعر ابو ممدوح وبقية الاخوة التاخير ليس من صالح هذه
التظاهرة الشعرية ابداً ،، والمعذرة على الاستعجال او التقصيران حدث ،،
.
.

وصلت يابو ممدوح واسمع على شان
ـــــــــــــــــــــــــــ كلن يجي رده على قدر الادراك

من كثر ماحللت خطك بالاذهان
ـــــــــــــــــــــــــــ تشربكت في الذاكرة كل الاسلاك

سلطانها ياراعي العرف برهان
ـــــــــــــــــــــــــــ والسيف ابو حدين عانه بيمناك

والحكم والتبجيل في عرف الانسان
ـــــــــــــــــــــــــــ والعرش والقصر المشيد والاملاك

احيان يامبارك تفاكير واحيان
ـــــــــــــــــــــــــــ ضوضاه واصواتٍ من هناك لهناك

الثوب فان ولابس الثوب مافان
ـــــــــــــــــــــــــــ يرجع شباب وياصل ادناه لاقصاك

وسط البحر مذكور لولو ومرجان
ـــــــــــــــــــــــــــ غصت البحر واظهرت لك منه ما اكفاك

الراس عالي والمخاليق سيان
ـــــــــــــــــــــــــــ والسور خلفه باب مغلق وشباك

..

كل التحايا الطيبة للجميع

اخوكم / سلطان
..

صح لسانك ابو ديما كنت منتظر الرد على احر من الجمر وكنت عارف انك مافيك حيله ولا في ابو ممدوح حيله ولا في ابو تركي حيله

ابو ممدوح تعال غششني تراني ضعت باقي ابو تركي عسى يوضح لنا شئ
تقبلو تحياتي تحياتي

.
.

الا يا الرمش عساها تليق با فكاركم النيرة ياراقي
هي محاولة لسبر اغوار هذا الرجل ابو ممدوح لا اكثر
وقد يخطيء الانسان في التقدير فالشاعر لايعلم الغيب
علم الغيب عند الله وحده لاشريك له ،، وانما نناور بقدر المستطاع

الشكر موصول لك ولكل من شاركنا هذا الموضوع

اخوكم : سلطان

..

هههههههههههههههههههههههههههه

أبو ديما
مناوراتك هذي مناورات الاذكيا
وأنا قفلت المعنا لاكن جات المفاتيح
وعبر البحار البحروأنت بصراحه صبت الهدف
ونبي ننتظر رد أبو تركي وأنا متاكد أن المفتاح الاصلي بيد
أبو تركي
ههههههههههههههههههههههههه
الله يرعاكم

ليش ما ترسلون قصايدكم على بعظكم بالجوال او بطريقه غير المنتدى!!!!!

طلا سم و تعجيزيه خصوصا للي ما يعرفون يحللون !
ابو ممدوح صح لسانك ملاييين على هذه الدره المعجزه

يا سلام يا سلام


لقاء العمالقة ولا يهونون باقي اخواني

ابداعتو بيض الله وجيهكم

يستاهلون وهم سلاطين بلاشك وانت لاتقل عنهم وانتم الحين تشكلون سلطنه قويه في ديوانية شعرا الغنانيم

لااله إلاالله