|
ديوان الشاعر /دحيم بن رشيد الغنامي
ديوان الشاعر الكبير القدير /دحيم بن رشيد الغنامي الملقب :راعي رمحه: شاعر فصاحه وشاعر له عدة قصايد بمناسبتها شاعر غني عن التعريف وأليكم أول قصيده: """"""""""""""""""""""""" بعض اهل التاليف صاروا ملاقيف علـى قبايلنـا غلطهـم محيـفـي البعض كالبزران ياحيـف ياحيـف عن المستوى اللايق مداهم قصيفي يحرفون في تاريخ الاجواد تحريف ومن يحرف التاريخ ماهو شريفـي في كتبهم توجد ظلايـم وتزييـف معتمـده ماهـي بسهـواً طفيفـي ياللي من اول تحت ظغط وتكاسيف اليوم في الاسلام جاء لك وحيفـي وحيف نسرا عند ماشاهد الجيـف يشبه وحيفـك بالكـلام السخيفـي متسلـلاً تمـدح جنابـك بتطفيـف وجعلت غيرك في كتابـك سفيفـي الكذب ملجا الناقصيـن الهذاليـف قضيا العجايز والهزيل الضعيفـي وانته بعصر فات دمعك ذواريـف من الهزايـم والمصيـر الكسيفـي يوم الحرايب والصطر والزعانيف هربت من خصمك وخنت الحليفي ومادام في ماضيك مدحور ومخيف اليـوم كذبـك مايهـزم الحفيفـي مكسوح مفضوح وعليك العواصيف يامفتـح العينيـن قلبـك كفيـفـي حنا بوقت اليـوم شعبـاً مواليـف والالفـه نعمـه وللكـل ريـفـي عقب الظلام اللي به الظلم والحيف اليـوم بالنـور لعلمنـا رفيـفـي من فضل خالقنا ولي التصاريـف مار احمده خل اجتياز الرصيفـي ياحارث التاريخ الاسود بتحريـف ان طعتنـي لابليـس لاتستضيفـي افطن ترى دنياك ماهي على الكيف لايصير رايك منه مخـك غريفـي نصيحتي لك رد غـزوك مناكيـف رجع دخينه مـع جررهـا نكيفـي وخلك نقاوي في جميع المواقيـف بتقوى ووجه ابيض وقلبـا نظيفـي اوصاف نزهين الجناب العواريـف مثل رشيد ومثـل بـدر الحويفـي ولاهانوا اللي مثلهـم بالتواصيـف ومن زاد كفو ولا عليـه تحييفـي الطيب ماياصل ليا شخص ويقيـف رحبـا جنابـه واسعـا مايقيـفـي كم من منيف زاد من فوقه منيـف الطيب مايحتكره اطـرف منيفـي ذا موجزا من عقل ماهو من الطيف ثقيل في وزنـه ونطقـه خفيفـي وختامها حسبي ولـي التصاريـف ونعم الوكيل السمتعـان اللطيفـي |
يتبع
خذ منّي نصيحـه يالمراهـق وعلمـاً سـار ذكـرى خيـر يالعـل ينفـعـك تذكـيـري خذ مني نصيحة مخلصاً مثـل ابـوك البـار عن الشر لك ينصـح وينصحـك بالخيـري احفظ دينك وخلـك علـى منهـج الابـرار ترى الدين هو عزّك وفوزك علـى الغيـري بدنيـاك احتـرام وشيمـة وقيمـة ووقــار وباخرتك نجـاة مـن جحيـم وزمهريـري تخلد في نعيـم الجنـه وتسلـم مـن النـار وهذا الفـوز الاكبـر مايبـا فيـه تفكيـري فـلا تستهيـن بقـدرة الخـالـق القـهّـار شديـد العقـاب مدبـر الـكـون تدبـيـري تراك ماتحمـل شـيء لا بـارد ولا حـار من عـذاب رب الكـون والـي المقاديـري وإلطف واحسن الى والدينـك وخلـك بـار تـرى برهـم يعطيـك مـيـزه وتنـويـري ترى برهم يرفعـك فـي مستـوى الاخيـار وتلقى الناس تنظر لـك بحشمـه وتقديـري عسى تلحق شئاً من جزاءهم على اللي صار وترضيهم مثل ما ارضوك يوم انك صغيـري وابا انصحك عن مجالس هل العيب والاشرار رديـان السلـوك الساقطـيـن المثـابـري اهل العار قبل النـار والنـار عقـب العـار خلك عنهم ابعد مـن عطـارد عـن النيـري وان حاشك جهل معهم فلا تكمل المشـوار *اقلب صفحتك وإلحـق بركـب المناعيـري تحرر من المرسـب الـى عالـم الاحـرار تـرى للرياجـيـل انتبـاهـه وتحـريـري واذا تبـت يقبـل توبتـك ربــك الغـفـار وتفرح بـك قلوبـاً ودهـا عـزك يصيـري يعـود إلـك مـن جديـد تقديـر واعتبـار وبيـن اقرابـك يعـم الفـرح والتباشيـري جاهد نفسـك بعقلـك وإدر واحبـط الكفـار اللي جاءوا بغزو الفكـر قبـل الطوابيـري يسمى غزو فكري حيث يستهـدف الافكـار بصور جنـس واجهـزةً خبيثـه وتخديـري احد عقلـه ضعيـف وعلـى كيفهـم ينهـار واحـد مايهزعونـه خـبـاث التدابـيـري ومن باب الصواب نكرر النصـح والانـذار عن مجالـس رديئـن السلـوك المعاثيـري يسمـم راسـك المنـدار جليسـك الغـدار ويؤدّيـك للشينـه مثـل عاكـس السـيـري وثمـرة الكـلام إفهـام بايجـاز واختصـار قلـيـلاً مصـيـب ولا كثيرالتعـابـيـري |
قصيده مشهور جدآآ
يازين الزمان اللي مضى وانقضـى زينـاه زمـان البـداوة والضعـن والمظاهيـري يوم كل يشد مـع البـراري علـى هـواه ياما احلى بوقت الوسم طرد ا لمخاضيـري وياما احلى الربيع ليا فخر عشبـه بمرعـاه ثـم قـام يتغريـف واشتبـك بالنواويـري ليامن الحوّيـر وسـط نبتـه بـرك غطّـاه وبالوبـل تساقيـه المـزون المزابـيـري ريحـة قحويانـه مـع شقـاراه وخزامـاه انوج من جميع اطياب شيـخ العطاطيـري وان ذعذع هواءه بلطف ينعشك مـن شـذاه كنـه يـقـول الله يمسـيـك بالخـيـري له قيمـه ولـه متعـه ولـه لـذه وطـراه تعرفهـا الوجيـه الفالحـه والمسافـيـري نقيّـا هـواءه ومـاءه زودا علـى عــذاه علاجـا للنفـوس الموبيـات المداهـيـري وخباريـه تشبـه للبحيـرات فـي بـهـاه ربيعـا بمعنـى الكلمـه وكـل تعبـيـري تسمن به سهـاف النـوق يازينهـا ترعـاه قطعانـا مجاهـيـم وكـذلـك مغاتـيـري شول كن حرة كشب فـي وصفهـا ملحـاه تسكّر بالجسامه مطلـع الشمـس تسكيـري منظرها جميـل وبالحليـب القـدر تمـلاه تروي كل اهلهـا والفـرس والخطاطيـري ويحتار الموصّف بالتواصيف في وضحـاه مابين الجسم ومن اللـون يحتـار تحييـري الا ان قلت فيها من جبل قطن بعض حـلاه كبر الجسم ومـن اللـون حليـا وتنويـري وهي ابيض منـه تفـوق باللـون مستـواه كمـا لمبـة مـن ساطعـات الفنانـيـري واليا عطّفوها كانهـا الغيـث مـن سمـاه ليـا خيّـل وسيّـل ماقفتـه الاعاصيـري وفـي حليبهـا ميـزه لذيـذة مـع الحـلاه من طعم الشقـارا والعشـوب المزاهيـري مـا تأكـل نخـال ولاتعرفـه ولا تبـغـاه ولاعمرهـا حطـوا لهـا تبـن وشعيـري ولا شالهـا العامـل بونشـه علـى دنّـاه ولاسجنـت بشبـك ولا ولوهـا البقاقيـري ترى نبـت عشبـا بالمكـان الـذي تشهـاه قفـرا مابـه الا بيـوت اهلهـا دواويـري ياما احلى عطاياالله عقب شبعـت مضـوّاه ويسلّيـك تدريـج النيـاق المصاغـيـري ويسلّيـك مبـدأ الرجـم فالصبـح ومعـداه وتشرح بالـك عساسـة ديـاراً مقافيـري وتشاهـد ويشـرح بالـك الصيـد بالفـلاه تذيّـره الرعايـا مـن معاليـة تذيـيـري في قفـرا فيـاح ضبيـة يزاحـم حبـاراه وتشوف الارانب فـي فياضـة مخاميـري ولاتغيـب عـن عينـك كراوينـه وقطـاه وبطاط الخبـاري وسـط ماءهـا متابيـري وياكثر الزبيدي فـي عـذا ديرتـه كثـراه يكثر منـه مـن عـاش ببراريـه تكثيـري رجل الباديه يحصل على الزاد في صحراءه ماهو بحاجة يسعّر مـن المـده تسعيـري عند ادباشه ويضمن عشاء جـاره وعشـاءه من صيد الخـلا تيسيـر ماهـو بتعسيـري وان سيّر عليه احد الربوع وذبح لـه شـاه يحـط الحبـاري فوقـهـا زود تقـديـري ويحط الطوس مـن حـول مائدتـه ممـلأهتزاه ـر ملايـا مـن حليـب الاباكـيـري حليب اباكيـر شقـح يالـذه ومـا احـلاه كأن سكـر نبـات مكسّـرً فيـه تكسيـري في دار مراتعهـا هـوى خاطـري ومنـاه جنوب او شمال او شرقي او غربي النيري مراتـع قـرارة نجـد ياطيبـهـا طيـبـاه من عقب التجـارب مانـي بناشـدً غيـري دار الحمض بأنواعـه تميّـز بـه وتزهـاه ودار العشب بانواعـه بساتينـه تصيـري في غربيهـا حبـر المسمـى ومـا حـاذاه وجنوبيها الصاقـب وسقمـان والضيـري وفي شرقيها العارض الى المستوي واقصاه وشماليهـا البهـرة ومنهـا الـى كـيـري هذا موجزا من شـف بالـي ومـن هـواه وانا فيه مااسمـع قـول عـذّال ومشيـري |
سومة بندقه
هذه الابيات تهيّضت بها عندما كانوا بعض الاشخاص يسومون بندقي وعطوني فيها مكسب لاعجابهم برميها لكني رفضت بيعها وكان ذلك قبل 15 سنه حيث كان السلام المرعوب فيه انذاك البندق فتمثلت قائلاً : ممنوع يابندقـي بيعـك ذبيـل الهـرج ممنـوع لو كان مابه خطر والصيد مافي الدار iiصيـدي لكن حبك غريزه فـي صميـم القلـب مطبـوع طبعة كتابـا بامـر سامـي مجهـز iiللبريـدي ماابيع مهما يسومون ويكـون السعـر مرفـوع شـي مـن الله اذا زاد الثمـن حبـك iiيزيـدي اهل الهوى في هوى دعج العيون الكل مولـوع انا مهاويك والـف خاطـري قطعـة iiحديـدي ابيك للموقـف الـلازم وابـي لحـق مشـروع يخضع لك ابليس والمغرور والراس iiالعنيـدي وان ماخضع واستجاب وصار سنع ومذعن طوع والا بعثمنـاه لادم يخبـره بـامـر iiجـديـدي قلته وانا ماني بفوق العـرب سلطـة وقاطـوع قصاص جـره بمعرفتـي وتفكيـري iiوجيـدي لكن اعبر عن اللي في الغريـزه ثابـت النـوع ابخص بنفسي وعنها اقصـد واعبـر بالاكيـدي |
غزليه
هذه الغزليه قلتها وانا في الكويت وهناك يسمون بنات المدارس :الجيل الصاعد علماً ان لبسهن غير مكتمل(متبرجات) فتذكرت احدى بنات البدو ذات الجمال والعقل المحتشمه في السعوديه فقلت: يامل عين عليها من زمان اهل الهوى ميل تسهر من اسباب غروا شاقها واليأس دونه دونه حوادي صعاب معقده بالحيل بالحيـل ظرف الزمان الذي دون الغضي ياقو كونه خلي يفوق القمر باللون ايضا كوكب سهيل وصفه جميل وكلامه ينعش اللي يسمعونـه يخلف ويدهش رجال الدين والعقال ويهيـل ويهدد اهل الهوى بالموت من نظرة iiعيونه ولاهو بمن يسمى في المدارس باعد الجيل ولا سلمهم بسلم ناسـاً لبسهـم مايكملونـه لو زينهم والعقول تصير في صورة مثاقيل يفوقهم بالجمال والعقل وبالعقل مايازنونـه ويسكن بلادً علمها رمزه اللي فيـه تهليـل الله يعـز البـلاد اللـي وطنهايسكنـونـه بدواً ليا ربعوا والهشب قام يعلّـه السيـل اللي يخزن الذهب بسويسـرا مايغبطونـه اسلي القلب بالطاروق عن كثر الولاويـل لكـن قلبـي شقـاوي مايخلنـه شطونـه ليت الطيور الطليقه صار لي منهامراسيل من صاحبي لي يجون ولـي ايضاصلونـه |
عيد الاضحى
بمناسبة عيد الأضحى انعشتنـا بالسـلام تحيـةً تنعـش المشتـاق فـي حينـهـا واقـول يامرحبـا ترحيبتـاً باحـتـرام اسلوبهـا اللطـف والتقديـر iiتكوينهـا اعداد مافـي مقيلـه نـاح ورق الحمـام واعـداد ماتمطـر السحـب iiبودادينهـا ذاتك هوى البال وانت القصد وانت المرام يامـن لكـم فلـةً فالقـلـب iiبانينـهـا اقاسي الوقت وظروفـه ونـار الغـرام وفتنة محبتـك خايـف مـن iiسلاطينهـا يامن سنينـه فقـط تسعةعشـر بالتمـام من يوم لك عشر وانـت الكبـد كاوينهـا الحـب لابـد ينتـج نـور والا ظــلام واهل الهوى فيـه مرهونـه iiموازينهـا فالأمل سرنـا واخذنـا خطـوةً للأمـام مـار الدهـر تدعـم ظروفـه معاوينهـا واجمل تحيـة لكـم ياصاحبـي فالختـام وايـام الافـراح ماحـنـا iiبناسينـهـا |
مدح
قصيد ة مد ح في الشيخ نايف بن ضاوي بن فهيد و كيل الفو ج الثامن بالحرس و الو طني : امانتك سلملي علـى نايـف النعـور كريم السبال وراعي المجهم الزانـه ترى نايف بن فهيد فيه الكرم مذخور اثاثيه روس البل على وقـت جدانـه موزع شطوط البل لجايع وزود السور بعد ماتجمل مـع ضيوفـه وجيرانـه تلامع سيوفه فالمجالس ودق نجـور على راي اخوهملا وزيزوم عكنانـه يعرفونه العربان من سيفه المذكـور صريخه لياسله على روس عدوانـه بعد مات اخوهملاذخرله عيال صقور شباب ٍعلى عزوشرف جاك ديدانـه نزل فالدعيكه والدعيكه مرب الخـور تزرفل على صوته برمحـه ورمانـه ثمانين سلجم جلهاوالفحـل مشهـور طويل وسناد وخد وسيـوف لحيانـه إلياأوحت لها ذيره تلافت تبا المقهور سهاف الجنب عو ج ٍرقابه لحيرانـه تكلمت بالواقع وانا المنهي المامـور وابا اموت ماجت مني الكلمه الشانـه |
يتبع
الابيات قلتها عندما لاحظت ان شيوخ القبائل والطيبين يعترضهم ويزعجهم من ليس في مستواهم بل من هابطي المستوى.يزعجهم لانه في حماية الحكم،،، يا اهل الصفات الحميده والاجاويد يااهل المواجيب من فارس واميري زمانكـم ماينـاسـب ياصنـاديـد فيه الطويـل يتحـداه القصيـري الشاه قامت تحـد الذيـب وتعيـد وتبّلـق عيونهـا مـا تستـذيـري تبرز عضلاتها في شكـل تهديـد وتقول انا الليث الأسـد الكبيـري بحماية الحكم كـل ايامهـا عيـد وفّر لها الامن واكياس الشعيـري والذيب صابر على مافيه ومسيـد محتار ماعاد له فرصـه يغيـري لكن دنياك مادامـت لا بـو زيـد لابـد لولـب فلكهـا يستـديـري ثم تصبح الشاه بين الذيب والحيـد مالها عنـه لامنيـر ولامطيـري تبا تلد رحمها مـن غيـر توليـد من شدة الخوف والشر الشريـري |
يتبع
الأ ياهنيئـك ياطفـل يارضيـع صغـيـر لطيف الحشـاء يغليـك ماهـوب يغلينـي يضمك على صدره ولايطيع فيـك مشيـر وانـا مثـل مايجفـا المحبيـن يجفيـنـي الا ياطفل صر واسطه خير واعمل خيـر ترى الواسطـات يقـال فـوق القوانينـي تحدّث لدكتـور الهـوى لابـس الحريـر جميل الوصوف اللـي بهرجـه يسلينـي قل الشخص هذا ياطبيب الهـوى خطيـر مـن اسابكـم ياسيـد كـل المزاييـنـي خطير ومعه من قبل من غيركـم تقريـر قديمـه معاناتـه ماهـي بـس هالحينـي من قبلك هوى الخفرات شاوية في قصدير قصدير الغـرام اللـي صنـع للمعنينـي لكن انتم اللي جـاء لكـم زايـد التأثيـر علـى حالـة المشتـاق بالمئـه الفيـنـي اعطه موجزاً عن حالتي ياطفـل غريـر لعلـك توفـق فـي الوساطـه وتشفينـي ترى عن غرامه مااستطيع اهرب ولا اطير تمركـز بقلبـي وانتشـر فـي شرايينـي حجب روئيتي حبه عن العالم اللـي غيـر كمّـل دائـرة ثـلاث مـيـه وستيـنـي يتصور جماله لـي بكـل اتجـاه مديـر اشوفه قـدم وخـلاف ويسـار ويمينـي وتبهذلت بين الصبـر والسهـر والتفكيـر ينبئنـي نبـي اليـأس والامـل ينبئـنـي عسى من يلوم اهل المحبـة يطيـح ببئـر بئـر طولهـا بالمتـر مئـه وتسعيـنـي ولا فيها مـن المـاء لا قليـل ولاكثيـر خـلاويـةً مافوقـهـا الا المجانـيـنـي |
يـــــتبع
يا ادعج العين قلبي من هواكـم يـذوب مثل ملحاً بوسط المـاء تلاشـى وذاب نوب قلبي ببحر الحـب يسبـح ونـوب يغرقه حبكم يـا ابـو الثمـان العـذاب حبكم جارحاً لـه غيـر قلبـي قلـوب مار انا اللي من اسبابك خطير الصواب وحبكـم ماتعالجـه الابـر والحبـوب وانت لاشك لـو تعالجـه كـان طـاب ياشبيه الغزال اللي ربا فـي الخبـوب ارحم اللي هواكم صار لـه سـم داب انت نور الشمال من البلـد والجنـوب وانت لك منزلاً فالقلب عـال الجنـاب وانت نوعاً من انواع العذاب محسـوب وانت للريـم تملـك بالحلايـا انتسـاب وانت لو جمعوا خفرات كل الشعـوب بالجمال انت الاول وانت حلو الجـواب وانت عن جو فكري مال شمسك غروب دائماُ في محيـط الـذ اكـره ماتغـاب |
راعي رمحه
هذه القصيده قلتها وعمري ان ذاك 20 سنه وانا في الجيش الكويتي واعتبرها من التراث القديم لان مفرداتها من النطق البدوي قديماً وجاءت القصيده على اثر شبه قصه لكن يطول شرحها ولذلك تركتها : يامـل قلبـا يتـلـه بالـهـوى خـلـه تلـة مناكيـف هجنـاً عقـب ماداجـي هجناً غززن الشمال مـع القـرى كلـه ثم انكفن مع حتايـف كشـب هجاجـي حفيات ومن الضمـأ بانـت بهـن خلـه وسلفهـن اللـي يبنـه يـم الافـلاجـي ومن خوفهن كـل عـداً مايهزعـن لـه يبـن مـن ديـرة الاجنـاب مخراجـي على الـذي بالمـوده صـار لـي علـه هو داي ودواي مالـي غيـره علاجـي اشقى عيوني وبين ضلوعي اشعـل لـه نـارا توهـج علـى قلبـي توهـاجـي خلـي بـلادي بعيـداً عـن بـلاد لـه مراتعه فـي شمـال وشـرق هداجـي وانا من اهل الكويت بسيـف بحـر لـه في حالة المد نسمع صـوت الامواجـي ياليت مادونـه الا ا لبعـد وارحـل لـه من فوق هافـا سريـع السيـر نهاجـي هفا ليا جـاء مـع الرملـه وبـدل لـه ينز نـزت عـزالاً جـاء لـه مفاجـي نـزت عـزالا ليـا فاجـاه رامـا لـه ورماه واخطـاه مابـه عظمـا انعاجـي لكـن مـن دون خلـي بنـت عـم لـه اجناب دعـوى وراهـم مالهـا راجـي لاعود الله مجيـي لـه مـع اخـو لـه جمالـة ليتنـي مـن شـرهـا نـاجـي صدفـة غريبـه بديرتنـا مجـئ لــه يوم جاء وشفته وجاني منـه لجلاجـي وياسـرع مـاراح لديـاره وحيـا لـه وحال اشهب اللال دونه ياابـن فراجـي وانـا بقيـت يتصـور لـي جمـلا لـه بيـن الدقائـق بخـدا كنـه سـراجـي وعينيـن ماشفـت مثـل اوصافه ـن للهلـو المزاييـن شفنـا منهـن افواجـي كن عين حراً بـدا المرقـاب عينـا لـه ولطف الحشا عينه ازين رمش وحجاجي وكن الفناجيل فـي صـدره نهـود لـه والا زبيـدي فياضـا سيلهـا راجــي وكن عنق ريما تقود الصيـد عنقـا لـه ليا شوشت عقب مااوحت حس وازعاجي طيفه يزور الهجوس وهن يـزورا لـه قلبـي لجالـه وحبـه بالحشـا لاجـي ماانساه كود المخامر كشـب يسـرا لـه والا تقـوم جبلـه بزيـارة سـواجـي |
كل القنوات بالشعار مزحومه
الشعرمرضان من صـدره وبلعومـه عليـه صلواصـلاة الميـت الغايـب كثرت وخربت معاني الشعروعلومـه ماعادندري عن المخطي من الصايب صابه شلل واختلف وضعه ومفهومه لازال مرضان كيف نعالـج العايـب مسـروق مبيـوع والشعارمظلومـه كلن طمع فيـه لامرعـي ولاسايـب كـل القـنـوات بالشعارمزحـومـه ماتفرق الشاعرالطيب مـن الخايـب هبـت ودبـت طيورالليـل والبومـه والحرفالـرجـم لاوارد ولاهـايــب والجيل الاقشرنسي مبـداه وسلومـه غلطان ماياخذالحكمه مـن الشايـب وقت ٍتغيريصحي العبـد مـن نومـه المسلم المعتـدل والمؤمـن التايـب ونفوس تكسب رضا ونفوس محرومه هوالمـودي عزيزالملـك والجايـب والمسعداللي يصلي الفرض ويصومه يتبع طريق النبي من حظه الطايـب |
قنوات يوم وليل ماتفصل الموجات
سقى الله زمان الشعر فوق النضا العجلات يغنونـه الركبـان والجيـش لـه شلـه انا اعرف اسلوب الشعر واختار منه ابيات ليا اوحـاه راع الفـن والـذوق ماملـه وانا امتاز في شعري ونظمي والي وقفات اركزعلـى معنـاه واختـارمـن جـلـه يجيني بلا موعد ويفرض علـي اوقـات ظـروف الزمـان اللـي تجيبـه وتدلـه نصيبي مع الشعـار سبعيـن فالاصـوات انافـس لرقـم اثنيـن والثالـث احتلـه وانا عايش ٍ في نجد واخذ معـه جـولات حصيلي من الدنيا مصيريٍ مـودى ٍ لـه وانا فالصحاري عشت وارقد خلا وابـات زمانن مخيف الذيب كلـش طعامـن لـه علي السباع الجايعـه ترفـع الاصـوات معي بندقي بلجيك والرمـي صـاح ٍ لـه ادوس الافاعي حافـي الرجـل فالغابـات حياتـي كبـد وجهـاد ياصبرمـا ندلـه تجارب حياتـي علمتنـي زمانـن فـات وانا عايش ٍ قبل الخمينـي وابـن بلـه ظهور المشاكل بيـن الايـام والساعـات معاص ٍ كثيـره واخلفتنـا عـن الملـه شباب لعب فالشعر من كثـر ود وهـات معانيه خربت صاحـي القلـب دار ٍ لـه قنوات يـوم وليـل ماتفصـل الموجـات عربسـات يرصـد والمحطـات ترسلـه قصيد ٍ غزاه الجيل فاربع مـن الجهـات يبـا منفـذ يعطيـه وانشبتـه الشـلـه يحور ويدور مـع المنابـر وفالساحـات ضعاف العقول اللي مريضـه تطبـل لـه عليه العياصيف القويـه تجـي دفعـات جنوبيـة ٍ غربـيـة ٍ شالـتـه كـلـه |
ياحمود
ياحمود نزل من حطب كشب دفعات فالرقه اللي دون بيـت الحـداري عرنٍ حمر يسرج ليا عشر ساعات نجـذي عليـه دلالنـا والغـواري نبا انّظم فوقهـن شعـر وابيـات يطري عليه من حياتـي طـواري خمسين عام اللي مضت كن ماجات لاتجرتن عندي ولامـن مصـاري واحذر زمانٍ طالعٍ فيـه اشـارات غفلة شباب وصاحي القلـب داري كثرت ذنوب الناس في كل حـزات ويطلع فسـادٍ فالبحـر والبـراري والحرب باقله على الناس ويـلات مثل المعاصـي يذهبـن الـذراري حافظ على دينك وخمس الصلـوات واحذر تدخل بين بايـع وشـاري واخذت لي في نجد اناسه وجولات واليوم طبق دفتري مثـل غـاري وان مت قبري خابره يم سفـوات ولا ادفنوني عنـد بيـر الكعـاري في عبلةٍ بين الهضـاب المنيفـات قبري خلا تذري عليـه الـذواري من شان يطاني من البـدو مـرات يدعولـي ولا يجـي فـي طـاري وبديارنا ياحمود حييـن وامـوات مسكانّا فيها ومن مـات ضـاري ياما مكثنـا يمهـا مـن سنـوات منزالنـا فالقـاض ولا الصفـاري ويوم الحياه الطيبـه والرغانـات تلقا الضبا فيها وجـول الحبـاري وياما دفعنا من عشايـر وخلفـات يوم اصطفاق البدو فوق الخبـاري ملحٍ تصدر من خبـاري العبيـدات تسمع هديـر جمالهـا فالغـداري وان كثروا العربان ولا الغنم جات سقنالها المقهور فـارضٍ قفـاري وان دكو الزمل الضحا والدبش بات راع الغنم مالـه نصيـبٍ مبـاري عسولهم قفرٍ يجي خمـس شـدات ماتسمع الا فيه حـس الـزواري |
الله لايهينك
ياطوووويل العمر يستحق التثبيت ونتمنى في اسرع وقت صح سان شاعرنا وتسلم يمناك يابعدى تقب مرورى |
أشكر كل من مر من هنا وكل جديد الشاعر ستلقونه هنا وبقى قصايد ستكتب بعد أيام
|
الله يبيض وجهك يا صقر روق
و صح لسان الشاعر دحيم و دحيم شاعر غني عن التعريف ومعروف وله قصائد منتشره مع الناس مع اني اول مره اسمع بعض القصائد هنا بارك الله فيك يا صقر روق ,, وتم التثبيت |
صقر روق الله يبيض وجهك على نقلك لهذا الديوان ديوان شاعرنا المميز
وصح لسانه مليون والله يسلمه ويعافيه وجعل مايجيه مضره وكذالك أنت يا صقر الله يجعل ما يجيك مضره والف شكر لك تحياتي وأحترامي وتقديري لك |
صحت السنتكم
|
صح لسانــ .. .
الشاعر:: .. . . دحيم |
في هزاع بن عون وتركي الخراصي
قصيده لشاعر الكبير القدير/ دحيم بن رشيد الغنامي الله حسيبي على هزاع آبن عون اللي ترك صحبتي معاد لي طاري هويحسبني ضعيف من هل الشون أكبر مهندس مكانيكي ومعماري حرقطامي لاكن الفقر ملعون من يوم قلت محاصيلي وأناداري وأصحابي اللي عن المركا يفزون ميل علي الزمان ودور غاري لوتعطي الناس عينك مايعذرون بوره بالجميل الناس من ظاري في أول شبابي كريم وضفر دندون وأطرد الصيد معي فرد وأسواري وأن جات هوشه وحذف وضرب وطعون أضرب بخصمي صليب الحزم ماداري واليوم راحت اموري دون في دون خلوني الناس لاشري ولاخاري مازال أنا حي رزق العبد مضمون والحي والرب عند الخالق الباري |
مازال أنا حي رزق العبد مضمون والحي والرب عند الخالق الباري الله يبض وجهك ياصقر وصح لسان دحيم ومشكور على ا لنقل المميز وفيه ملاحظه بسيطه في البيت ألأخير واكيد أنها غلطه مطبعيه (والحي رزقه عند الخالق الباري ) تحيات لك |
أشكر كل من مر من هنا
|
صح لسان الشاعر دحيم
|
الأخ صقر روق : أسعد الله مساك ، أنت دائما متألق ؛ في نقلك ؛في كلامك ؛ حتى مشاركاتك وفي كل شي ءباختصار أنت مجرم ابداع وتميز.
|
أشكر كل من مر من هنا
|
صقر روق لك بصمه واضحه في هذا المنتدى فكن كما انت متألق الله يحفظك
لك كل الود والاحترام |
المشاركة الأصلية كتبت بواسطة ابو رامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif صقر روق لك بصمه واضحه في هذا المنتدى فكن كما انت متألق الله يحفظك لك كل الود والاحترام أبورامي شرفني مرورك المميز طـال عمرك تحياتي لك |
_دحيم بن رشيد الغنامي_ لايبتعد عن الواقع ولايتصنع الشعر شكراً صقر روق على هذة البادرة الجميلة تقبل مروري وتعليقي |
شرفني مرور الجميع تحياتي وتقديري
|
نبغا الكرم والجود وقروش مافيش مايستوي فقر وحياة هنيه أطرد ورى الدنياء ولاأدري السبب ويش نوجن على الدنياء ونوجن عليه وأخذتلي خمس عشر عام في الجيش واليوم شبت وبين الشيب فيه أصبر ورابط مع عيال مداغيش بأشرف وظيفه لو معاشي بليه والمسعد اللي جالسن في روانيش لالحقه شمس ولابرد فيه يلعب مع اللي يلبسن النقاريش ماجرب الدنياء على كنيه لادروبه اللي علاهم طرابيش عند أول الطابور قدم السريه ياهل الونيت اللي بغيتو المطاريش الله علاكم وقفولي شويه والمركز اللي قدمنا فيه تفتيش خلوني أخذ صوره التابعيه مرو عليا لياء سرحتو مغابيش عانو بني عمي على الشبرميه أعيش معهم لوحصيلي عراميش أزين من المقعاد في الناصريه شدو هلي وقت المطر والرشاريش تنحرو كبشان وأيمن ظريه الديره اللي نبتها قفر مانيش هي منوتي يوم الحياه الطريه |
| +4. الساعة الآن 05:32 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط